ચેન્નાઈ – 200/4, પંજાબ – 201/6
એમ ચિદમ્બરમ સ્ટેડીયમ ખાતે IPL 2023ની 41ની મેચ ચેન્નાઈ સુપર કિંગ્સ અને પંજાબ કિંગ્સ વચ્ચે રમાઈ હતી. આ રોમાંચક મેચમાં અંતિમ બોલે પંજાબે ૪ વિકેટે ચેન્નાઈને મ્હાત આપી છે. છેલ્લા બોલે ૩ રન દોડીને પંજાબે ભવ્ય જીત હાંસલ કરી છે. આ મેચમાં ચેન્નાઈ ટોસ જીતીને પ્રથમ બેટિંગ કરવાનો નિર્ણય કર્યો હતો. જેમાં ચેન્નાઈએ ૨૦ ઓવરમાં ૪ વિકેટે ૨૦૦ રનનો ખડકલો ઉભો કર્યો હતો. કોન્વેએ ૫૨ બોલમાં તાબડતોડ ૯૨ રનની અણનમ ઇનિંગ રમી હતી. ૨૦૧ રનના ટાર્ગેટનો પીછો કરવા ઉતરેલી પંજાબની ટીમની શરૂઆત શાનદાર રહી હતી. પંજાબે છેલ્લા બોલે ૨૦૧ રનનો ટાર્ગેટ હાંસલ કરીને ભવ્ય જીત મેળવી હતી. પંજાબ તરફથી પ્રભસિમરને ૪૨, ધવને ૨૮, લિવિંગસ્ટોને ૪૦ અને સેમ કરને ૨૯ રનની ઇનિંગ રમી હતી. આ મેચમાં ચેન્નાઈ તરફથી તુષાર દેશપાંડેએ સર્વાધિક ૩ વિકેટ ઝડપી હતી.
