Poisonous Datura Sold Online: બેંગલુરુમાં ઓનલાઈન પ્લેટફોર્મ મારફતે ઝેરી ધતૂરાના ફળ અને બીજને ખાદ્ય વસ્તુ તરીકે વેચવાના મામલે કર્ણાટકના ફૂડ સેફ્ટી એન્ડ ડ્રગ્સ એડમિનિસ્ટ્રેશન વિભાગે કડક કાર્યવાહી કરી છે. વિભાગે Amazon, Swiggy Instamart અને BigBasketના ફૂડ લાઈસન્સ આગામી આદેશ સુધી સસ્પેન્ડ કરવાનો નિર્ણય લીધો છે.
Poisonous Datura Sold Online: FSSAI લાઈસન્સ સાથે વેચાણનો મામલો સામે આવ્યો
તપાસ દરમિયાન ધતૂરાના ફળ અને બીજને ઓનલાઈન પ્લેટફોર્મ પર ખાદ્ય વસ્તુ તરીકે લિસ્ટ કરવામાં આવ્યા હોવાનું સામે આવ્યું હતું. આ ઉત્પાદનો સાથે FSSAI લાઈસન્સ અથવા રજિસ્ટ્રેશન નંબરનો પણ ઉપયોગ કરવામાં આવ્યો હોવાનું તપાસમાં નોંધાયું છે.
Poisonous Datura Sold Online: ધતૂરો સ્વાસ્થ્ય માટે અત્યંત જોખમી
ધતૂરો એક ઝેરી છોડ છે અને તેના ફળ તથા બીજનું સેવન ગંભીર આરોગ્ય જોખમ ઊભું કરી શકે છે. ખાદ્ય વસ્તુ તરીકે તેની ઓનલાઈન વેચાણ અને ડિલિવરી સામે સત્તાવાળાઓએ ગંભીર વલણ અપનાવ્યું છે.
Poisonous Datura Sold Online: તમામ ઓનલાઈન લિસ્ટિંગ હટાવવાનો આદેશ
સંબંધિત કંપનીઓને ધતૂરા સાથે જોડાયેલી તમામ ઓનલાઈન લિસ્ટિંગ અને જાહેરાતો તાત્કાલિક દૂર કરવા તેમજ ધતૂરાના ફળ અને બીજનું ખાદ્ય વસ્તુ તરીકે વેચાણ અને વિતરણ બંધ કરવાનો આદેશ આપવામાં આવ્યો છે.
સપ્લાયર અને વેચાણકર્તાઓ સામે પણ કાર્યવાહી
આ મામલે માત્ર ઓનલાઈન પ્લેટફોર્મ જ નહીં, પરંતુ સંબંધિત સપ્લાયર અને વેચાણકર્તાઓના લાઈસન્સ અંગે પણ કાર્યવાહી હાથ ધરવામાં આવી છે. ફૂડ સેફ્ટી વિભાગની કાર્યવાહી બાદ ઓનલાઈન પ્લેટફોર્મ પર ખાદ્ય વસ્તુઓના વેચાણ અને લિસ્ટિંગ અંગેના નિયમોના પાલન પર ફરી સવાલો ઊભા થયા છે.
વધુ સમાચાર વાંચવા માટે અંહી ક્લિક કરો: અમેરિકી સેનાનું રહસ્યમય C-17 એરક્રાફ્ટ રશિયામાં લેન્ડ થયું, રાષ્ટ્રપતિના એરબેઝથી ભરી હતી ઉડાન, મોસ્કો બોલ્યું- અમને કોઈ જાણ નથી!
