Poisoning Young Minds: ભાવનગરના સિદસર વિસ્તારમાં ગેરકાયદે રીતે ધમધમતા એક મદ્રેસા સામે પોલીસે લાલ આંખ કરી છે. શિક્ષણના નામે માસૂમ બાળકોના મનમાં ધાર્મિક કટ્ટરતા અને ઝેર ભરવાના ગંભીર કાવતરાનો પર્દાફાશ થયો છે. પોલીસે અહીંથી વાંધાજનક સાહિત્ય જપ્ત કરી મૂળ બનાસકાંઠાના 26 વર્ષીય મૌલાનાની ધરપકડ કરી છે અને તેને 10 દિવસના રિમાન્ડ પર મેળવ્યા છે.
Poisoning Young Minds: શું છે સમગ્ર મામલો?
21 જુલાઈએ ભાવનગર ગ્રામ્યના ASP ઘનશ્યામ ગૌતમના માર્ગદર્શન હેઠળ સિદસરના 25 વારિયા વિસ્તારમાં આવેલા સરકારી આવાસ યોજનાના મકાનો (નંબર 110, 111, 112) માં દરોડા પાડવામાં આવ્યા હતા. તપાસ દરમિયાન અહીં ગેરકાયદે રીતે એક ધાર્મિક સ્ટ્રક્ચર (મદ્રેસા) ચાલતું હોવાનું સામે આવ્યું હતું. પોલીસે ઘટનાસ્થળેથી મૂળ બનાસકાંઠાના શફિક મરેડિયા નામના મૌલાનાની અટકાયત કરી હતી.
પ્રાથમિક તપાસમાં બહાર આવ્યું છે કે હાઉસિંગ બોર્ડના આ મકાનોનો બિન-અધિકૃત ઉપયોગ કરીને આ ગેરકાયદે પ્રવૃત્તિ ચલાવવામાં આવી રહી હતી. નિયમ મુજબ હાઉસિંગ બોર્ડની પ્રોપર્ટીનું વેચાણ કે ધાર્મિક હેતુ માટે ઉપયોગ થઈ શકતો નથી.
Poisoning Young Minds: ડાયરી અને પુસ્તકોમાંથી મળી આવ્યા ચોંકાવનારા લખાણો
પોલીસે મદ્રેસામાંથી ઉર્દૂ અને અરબી ભાષામાં લખાયેલું સાહિત્ય અને મૌલાનાની હસ્તલિખિત ડાયરીઓ જપ્ત કરી હતી. આ સાહિત્યનું ભાષાંતર કરાવતા તેમાંથી રાષ્ટ્રની અખંડિતતાને નુકસાન પહોંચાડે અને ધાર્મિક વૈમનસ્ય ફેલાવે તેવી વિગતો મળી આવી હતી.
- બાળકોના હાથમાં અપાયેલી નોટબુક્સમાંથી પણ વાંધાજનક લખાણો મળી આવ્યા છે.
- સાહિત્યમાં વારંવાર ‘રીલિજિયસ વોર’ (ધાર્મિક યુદ્ધ), ગુપ્ત ફોજ/સેના બનાવવાની વાતો અને રાષ્ટ્રગીતના અપમાનને લગતી બાબતો સામે આવી છે.
- ડાયરીઓમાં ગઝનવી અને કાસિમ જેવા આક્રમણકારોના ઉદાહરણો આપીને બાળકોના મનમાં ડર અને કટ્ટરતા રોપવાના પ્રયાસો થયા હતા. ડાયરીમાં લખ્યું હતું કે, “તમે ગઝનવી અને કાસિમના અનુગામીઓ છો, તમે જાગશો નહીં તો બરબાદ થઈ જશો અને મૂળા-ગાજરની જેમ કાપી નાખવામાં આવશે.”
Poisoning Young Minds: ગરીબ પરિવારોની મજબૂરીનો લાભ લેવાતો
આરોપી મૌલાના શફિક ઓક્ટોબર 2023-24થી આ વિસ્તારમાં સક્રિય હતો. તે ખાસ કરીને વિશેષ સમુદાયના ગરીબ પરિવારો (મીર સમાજ) અને તેમના બાળકોને ટાર્ગેટ કરતો હતો. ગરીબ પરિવારના બાળકોને આર્થિક પ્રલોભનો (તાલીફ-ઉલ-કુબ) આપીને શિક્ષણના નામે મદ્રેસામાં બોલાવવામાં આવતા હતા અને તેમને કટ્ટરતાના પાઠ ભણાવવામાં આવતા હતા.
Poisoning Young Minds: ફંડિંગ કરનારાઓની પણ તપાસ શરૂ
આ ગેરકાયદે મદ્રેસા ચલાવવા અને મૌલાનાને નાણાકીય સહાય પૂરી પાડવા પાછળ ભાવનગરના જ બે શખ્સોનો હાથ હોવાનું ખૂલ્યું છે, જેમની સામે પોલીસે પૂછપરછ શરૂ કરી દીધી છે. આ ઉપરાંત ભરૂચ કનેક્શન અને અન્ય ટેરર મોડ્યુલની દિશામાં પણ પોલીસ દ્વારા સઘન તપાસ હાથ ધરવામાં આવી છે.
Poisoning Young Minds: કાયદાકીય કાર્યવાહી
વરતેજ પોલીસ મથકે આરોપી મૌલાના શફિક મરેડિયા વિરુદ્ધ ભારતીય ન્યાય સંહિતા (BNS) 2023ની કલમ 196(1)(એ), 196(1)(બી), 196(2), 197(1)(સી), 197(1)(ડી), 197(2), 299, 3(5) અને 54 હેઠળ ગુનો નોંધવામાં આવ્યો છે. પોલીસે તેને કોર્ટમાં રજૂ કરી 10 દિવસના રિમાન્ડ મેળવ્યા છે અને આ કેસમાં વધુ ખુલાસા થવાની સંભાવના છે.
વધુ સમાચાર વાંચવા માટે અંહી ક્લિક કરો
