Patan Lok Sabha : લોકસભાની ચૂંટણી 2024માં બે તબક્કામાં મતદાન સમાપ્ત થયું છે. હવે 7 મે ના રોજ ત્રીજા તબક્કાનું મતદાન થશે. જેમાં ગુજરાતની તમામ 25 બેઠકો પર મતદાન થશે. રાજ્યમાં 26 બેઠકો છે. જોકે સુરતની બેઠક બિનહરિફ થતા હવે 25 સીટો પર ચૂંટણી થશે. આ દરમિયાન આજે પાટણ લોકસભા સીટની રાજકીય સમીકરણ વિશે વાત કરી રહ્યા છે. પાટણની સીટ પર ઠાકોર વર્સિસ ઠાકોરનો જંગ જોવા મળશે. પાટણ લોકસભાની સીટ પર ભાજપે વર્તમાન સાંસદ ભરતસિંહ ડાભીને ટિકિટ આપી છે. જ્યારે કોંગ્રેસે સિદ્ધપુરના પૂર્વ ધારાસભ્ય ચંદનજી ઠાકોરને ટિકિટ આપી છે.
Patan Lok Sabha : પાટણ લોકસભા સીટમાં કુલ 7 વિધાનસભા સીટ
પાટણ લોકસભા વિસ્તારમાં કુલ 7 વિધાનસભા સીટો આવે છે. જેમાં પાટણ, રાધનપુર, વડગામ, કાંકરેજ, ચાણસ્મા, સિદ્ધપુર અને ખેરાલુનો સમાવેશ થાય છે. જેમાં 3 બેઠકો પર ભાજપ પાસે છે. જ્યારે 4 બેઠકો કોંગ્રેસ પાસે છે.
Patan Lok Sabha : 2019માં શું હતું પરિણામ
2019 લોકસભા ચૂંટણીની વાત કરવામાં આવે તો ભાજપે વર્તમાન ઉમેદવાર ભરતસિંહ ડાભીને ઉમેદવાર બનાવ્યા હતા. જ્યારે જગદીશ ઠાકોરને ટિકિટ આપી હતી. જેમાં ભાજપના ઉમેદવાર ભરતસિંહનો 1,93,879 મતોથી વિજય થયો હતો. ભરતસિંહને 56.24 ટકા અને જગદીશ ઠાકોરને 39.02 ટકા વોટ મળ્યા હતા.
Patan Lok Sabha : પાટણ લોકસભા બેઠક પર ચૂંટાયેલા સંસદ સભ્યો
| વર્ષ | ચૂંટાયેલા સંસદ સભ્ય | પાર્ટી |
| 1957 | ઠાકોર મોતીસિંહ | કોંગ્રેસ |
| 1962 | પરષોત્તમદાસ પટેલ | કોંગ્રેસ |
| 1967 | ડીઆર પરમાર | સ્વતંત્ર પાર્ટી |
| 1971 | ખેમચંદ ચાવડા | કોંગ્રેસ |
| 1977 | ખેમચંદ ચાવડા | જનતા પાર્ટી |
| 1980 | હીરાલાલ પરમાર | કોંગ્રેસ |
| 1984 | પૂનમચંદ વણકર | કોંગ્રેસ |
| 1989 | ખેમચંદ ચાવડા | જનતાદળ |
| 1991 | મહેશ કનોડિયા | ભાજપ |
| 1996 | મહેશ કનોડિયા | ભાજપ |
| 1998 | મહેશ કનોડિયા | ભાજપ |
| 1999 | પ્રવિણ રાષ્ટ્રપાલ | કોંગ્રેસ |
| 2004 | મહેશ કનોડિયા | ભાજપ |
| 2009 | જગદીશ ઠાકોર | કોંગ્રેસ |
| 2014 | લીલાધર વાઘેલા | ભાજપ |
| 2019 | ભરતસિંહ ડાભી | ભાજપ |
Patan Lok Sabha : સૌથી વધુ મતદારો ઠાકોર જ્ઞાતિના
પાટણ લોકસભા મતક્ષેત્રમાં જ્ઞાતિ સમીકરણ સૌથી મહત્વની ભૂમિકા ભજવે છે. પાટણ બેઠક પર સૌથી વધુ મતદારો ઠાકોર જ્ઞાતિના છે, જે ઓબીસી કેટેગરીમાં આવે છે. ભાજપ અને કોંગ્રેસ બન્નેએ આ બેઠક માટે ઠાકોર સમાજના નેતાને મેદાને ઉતાર્યા છે. આ બેઠક પર કુલ મતદાર 20,19,203 છે. જેમાંથી 10,39,108 પુરુષ મતદાર તથા 9,80,064 સ્ત્રી મતદાર અને અન્ય મતદાર 31 છે.
Patan Lok Sabha : પાટણ લોકસભા બેઠક 10 ઉમેદવારો
| ક્રમ | ઉમેદવાર | પાર્ટી |
| 1 | ચંદનજી ઠાકોર | કોંગ્રેસ |
| 2 | ભરતસિંહજી ડાભી | ભાજપા |
| 3 | બળવંત છત્રાલીયા | બસપા |
| 4 | મસીહુલ્લાહ ઘાઘા | સોશિયલ ડેમોક્રેટિક પાર્ટી ઓફ ઈન્ડિયા |
| 5 | રાકેશભાઈ શર્મા | રાષ્ટ્રીય સમાજ પક્ષ |
| 6 | અબ્દુલકુદ્દુસ | અપક્ષ |
| 7 | અબ્દુલહક ઈસ્માઈલ નેદારીયા | અપક્ષ |
| 8 | ધનજીભાઈ ચંદુરા | અપક્ષ |
| 9 | કિશનભાઈ ઠાકોર | અપક્ષ |
| 10 | સોયબ હાસમ ભોરણીયા | અપક્ષ |
1957થી પાટણ બેઠક પર યોજાયેલી 16 ચૂંટણીઓમાં છ વાર કોંગ્રેસ, છ વાર ભાજપ, એક-એક વખત સ્વતંત્ર પક્ષ, જનતા પક્ષ અને જનતા દળ ચૂંટણી જીત્યા છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
Discover more from VR LIVE GUJARAT: Gujarat News
Subscribe to get the latest posts to your email.
