NEW YEAR : 1 જાન્યુઆરીએ વિશ્વમાં પ્રથમ વખત નવું વર્ષ ક્યારે ઉજવવામાં આવ્યું?

NEW YEAR : જાન્યૂઆરીને જ પ્રથમ મહિનો કેમ બનાવવામાં આવ્યો? કોના પર રાખવામાં આવ્યા મહિનાઓના નામ?

NEW YEAR : વર્ષ 2023 હવે સમાપ્ત થવાના આરે છે. સમગ્ર વિશ્વમાં 1 જાન્યુઆરીએ ફરી નવું વર્ષ ઉજવવામાં આવશે. નવા વર્ષના દિવસે સમગ્ર વિશ્વમાં ભારે ઉત્સાહ હોય છે, વિશ્વભરમાં પાર્ટીઓનું આયોજન થઈ ચુક્યું છે. તે ખૂબ જ ઉત્સાહ સાથે ઉજવવામાં આવે છે. પરંતુ શું તમે જાણો છો કે પહેલી વખતે દુનિયામાં નવું વર્ષ 1લી જાન્યુઆરીએ ઉજવાયું નહોતું. પહેલીવાર 1 જાન્યુઆરીએ નવું વર્ષ ક્યારે ઉજવવામાં આવ્યું હતું? ચાલો જાણીએ…

અગાઉ માર્ચ મહિનો વર્ષનો પહેલો મહિનો હતો

15મી સદી પહેલા, માર્ચને વર્ષનો પ્રથમ મહિનો ગણવામાં આવતો હતો. અગાઉ નવું વર્ષ 25 માર્ચ અથવા 25 ડિસેમ્બરે ઉજવવામાં આવતું હતું. રોમના પ્રથમ રાજા નુમા પોમ્પેલીસે રોમન કેલેન્ડર બદલ્યું અને 2 મહિના ઉમેર્યા. ત્યારબાદથી જ જાન્યુઆરી મહિનાને વર્ષનો પહેલો મહિનો માનવામાં આવે છે.

15મી સદીમાં પ્રથમ વખત 1 જાન્યુઆરીએ નવું વર્ષ ઉજવવામાં આવ્યું હતું.

1 જાન્યુઆરીના રોજ નવું વર્ષ ઉજવવાની પરંપરા ખૂબ જૂનો ઇતિહાસ ધરાવે છે.આની શરૂઆત ગ્રેગોરિયન કેલેન્ડર હેઠળ 15મી સદીમાં ઓક્ટોબર 1582માં થઈ હતી. આ તારીખ પહેલા, સમગ્ર વિશ્વમાં જુલિયન કેલેન્ડરનું પાલન થતું હતું. જેમાં માત્ર 10 મહિના હતા અને નવું વર્ષ ક્રિસમસના દિવસે જ ઉજવવામાં આવતું હતું. પરંતુ આ પછી, એક અમેરિકન ચિકિત્સક અલૉયસિસ લિલિઅસે વિશ્વને એક નવું કેલેન્ડર આપ્યું. તેને ગ્રેગોરિયન કેલેન્ડર કહેવામાં આવ્યું જેમાં વર્ષનો પ્રથમ દિવસ 1 જાન્યુઆરી માનવામાં આવતો હતો અને ત્યારથી 1 જાન્યુઆરીએ નવું વર્ષ ઉજવવાની પરંપરા ચાલી આવે છે.

ગ્રેગોરિયન કેલેન્ડર કેવી રીતે બનાવવામાં આવ્યું?

ઇસુ ખ્રિસ્તના જન્મના 46 વર્ષ પહેલાં, રોમન રાજા જુલિયસ સીઝરએ નવી ગણતરીઓના આધારે નવું કેલેન્ડર બનાવડાવ્યું. ત્યારબાદ સીઝરે જ 1લી જાન્યુઆરીથી નવા વર્ષની શરૂઆતની જાહેરાત કરી. પૃથ્વી સૂર્યની આસપાસ 365 દિવસ અને 6 કલાક ફરે છે. આવી સ્થિતિમાં, જ્યારે જાન્યુઆરી અને ફેબ્રુઆરી મહિના ઉમેરવામાં આવ્યા, ત્યારે તે સૂર્યની ગણતરી સાથે મેળ ખાતા ન હતા, જે બાદ ખગોળશાસ્ત્રીઓએ તેનો ઊંડાણપૂર્વક અભ્યાસ કર્યો.

કોઈપણ કેલેન્ડર સૂર્ય ચક્ર અથવા ચંદ્ર ચક્રની ગણતરીના આધારે બનાવવામાં આવે છે. ચંદ્ર ચક્ર પર આધારિત કેલેન્ડરમાં 354 દિવસ છે. તે જ સમયે, સૂર્ય ચક્ર પર બનેલા કેલેન્ડરમાં 365 દિવસ છે. ગ્રેગોરિયન કેલેન્ડર સૂર્ય ચક્ર પર આધારિત છે. મોટાભાગના દેશોમાં, ફક્ત ગ્રેગોરિયન કેલેન્ડરનો જ ઉપયોગ થાય છે.

આ રીતે જાન્યુઆરી વર્ષનો પહેલો મહિનો બની ગયો

1582 પહેલા, નવું વર્ષ વસંતઋતુમાં માર્ચથી શરૂ થતું હતું, પરંતુ સીઝરના નિર્ણય પછી જાન્યુઆરીથી વર્ષ શરૂ થયું. માર્ચ મહિનાનું નામ રોમન દેવ માર્સના નામ પરથી રાખવામાં આવ્યું હતું, જે યુદ્ધના દેવ હતા. જ્યારે જાન્યુઆરી એ રોમન દેવ જેનસના નામ પરથી રાખવામાં આવ્યું છે, જેમના બે મોં હતા, આગળના મુખને શરૂઆત અને પાછળના મુખને અંત માનવામાં આવતું હતું. એટલે જ વર્ષના આરંભ માટે શરૂઆતના દેવતા જેનસને પસંદ કરવામાં આવ્યા અને આ રીતે જાન્યુઆરી વર્ષનો પ્રથમ મહિનો બન્યો.

NEW YEAR : ભારતમાં અલગ અલગ તિથિઓ અનુસાર નવું વર્ષ ઉજવવામાં આવે છે

ભારત એક મોટો દેશ છે, તેમાં વિવિધ સંસ્કૃતિ અને ધર્મના લોકો વસે છે. ભારતમાં નવા વર્ષની ઉજવણી અલગ અલગ સમયે કરવામાં આવે છે. જો આપણે હિન્દુ નવા વર્ષની વાત કરીએ તો તે ચૈત્ર માસની શુક્લ પ્રતિપદાથી શરૂ થાય છે.

જો આપણે મરાઠી લોકોની વાત કરીએ, તો તેઓ ગુડી પડવાના સમયે નવા વર્ષની ઉજવણી કરે છે. આ સાથે આંધ્રપ્રદેશ, કર્ણાટક અને તેલંગાણામાં ઉગાદીને નવા વર્ષ તરીકે ઉજવવામાં આવે છે. કેરળમાં એપ્રિલ મહિનામાં નવું વર્ષ ઉજવવામાં આવે છે.

વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો