Nationwide LPG Crisis: અમેરિકા-ઇઝરાયેલ અને ઇરાન વચ્ચે ચાલી રહેલા યુદ્ધના કારણે ભારતભરમાં LPG ગેસની ભારે અછત સર્જાઈ છે. ઉત્તર પ્રદેશથી લઈને મહારાષ્ટ્ર અને રાજસ્થાન સુધી ગેસ સિલિન્ડર મેળવવા માટે મુસાફરો અને ગૃહિણીઓએ કલાકો સુધી રાહ જોવી પડી રહી છે. સ્થિતિ એટલી ગંભીર છે કે યુપી-બિહારમાં પોલીસ પ્રોટેક્શન હેઠળ ગેસનું વિતરણ કરવામાં આવી રહ્યું છે.
Nationwide LPG Crisis: મુખ્ય અસરો અને રાજ્યોની સ્થિતિ:
- કોમર્શિયલ સપ્લાય ઠપ: દિલ્હી, એમપી અને મહારાષ્ટ્ર સહિતના રાજ્યોમાં કોમર્શિયલ ગેસના સપ્લાય પર પ્રતિબંધ મુકાતા હોટલ-રેસ્ટોરન્ટના રસોડા બંધ થવાને આરે છે.
- યુપી-બિહાર: ગોરખપુર અને સિદ્ધાર્થનગરમાં હિંસા ન થાય તે માટે પોલીસની હાજરીમાં સિલિન્ડર વહેંચાઈ રહ્યા છે. લોકો વહેલી સવારે 3 વાગ્યાથી લાઈનો લગાવી રહ્યા છે.
- રાજસ્થાનમાં કાળાબજારી: જયપુરમાં ₹1911નો કોમર્શિયલ સિલિન્ડર ₹2500માં વેચાઈ રહ્યો હોવાનો ખુલાસો થયો છે.
- મધ્યપ્રદેશ: લગ્નની સીઝન વચ્ચે ગેસ ન મળતા કેટરર્સમાં ફાળ ફાટી છે. ભોપાલમાં આગામી 20 દિવસમાં 1000થી વધુ લગ્નો છે, જ્યાં હવે ભોજન બનાવવાનું સંકટ ઊભું થયું છે.
Nationwide LPG Crisis: કેમ સર્જાઈ આ અછત?
આંતરરાષ્ટ્રીય સ્તરે યુદ્ધની સ્થિતિને કારણે સપ્લાય ચેઈન ખોરવાઈ છે. ક્રૂડ ઓઈલ અને ગેસના આયાત પર અસર પડતા સ્થાનિક સ્તરે સ્ટોક ઓછો થયો છે. પંજાબ જેવા રાજ્યોમાં સર્વર ડાઉન હોવાને કારણે ઘરેલું ગેસનું બુકિંગ પણ અટકી પડ્યું છે.
લોકોની હાલાકી
બિહારના પટના અને ખગડિયા જેવા જિલ્લાઓમાં ગેસ એજન્સીઓને તાળા લટકેલા જોવા મળી રહ્યા છે. ગ્રાહકોનું કહેવું છે કે બુકિંગના 5 દિવસ પછી પણ ડિલિવરી મળતી નથી. જે ઘરોમાં લગ્ન પ્રસંગો છે તેઓ સૌથી વધુ ચિંતિત છે.
આ પણ વાંચો :ઇન્ડિગોમાં મોટી ઉથલપાથલ: CEO પીટર એલ્બર્સનું રાજીનામું, હવે ફાઉન્ડર રાહુલ ભાટિયા સંભાળશે કમાન
