મહારાષ્ટ્ર કોંગ્રેસના અધ્યક્ષ નાના પટોલેએ મહારાષ્ટ્રના ડેપ્યુટી સીએમ દેવેન્દ્ર ફડણવીસ પર નિશાન સાધ્યું છે. ભારતીય જનતા પાર્ટી (BJP) ના મહારાષ્ટ્ર યુનિટે તેના સોશિયલ મીડિયા હેન્ડલ પર નાયબ મુખ્યમંત્રી દેવેન્દ્ર ફડણવીસનો એક જૂનો વીડિયો પોસ્ટ કર્યો છે. જોકે, થોડા કલાકો બાદ તેને હટાવી લેવામાં આવ્યો હતો. આ વીડિયોમાં તે કહેતા જોવા મળ્યા હતા- ‘હું પાછો આવીશ’. હવે આને લઈને રાજ્યનું રાજકારણ ગરમાયું છે. એક દિવસ બાદ પ્રદેશ કોંગ્રેસ અધ્યક્ષ નાના પટોલેએ આ વીડિયો ક્લિપ પર કટાક્ષ કર્યો હતો. 2019ની વિધાનસભા ચૂંટણી પહેલા તત્કાલીન મુખ્યમંત્રી ફડણવીસે કહ્યું હતું કે હું પાછો આવીશ. આ ટિપ્પણીના કારણે સોશિયલ મીડિયા પર તેમના ઘણા મીમ્સ બનવા લાગ્યા. વિડિયો ક્લિપ પર પ્રતિક્રિયા આપતા પટોલેએ કહ્યું કે ભાજપને તેના સોશિયલ મીડિયા એકાઉન્ટ્સમાંથી તેને દૂર કરવાની ફરજ પડી હતી કારણ કે જનતાએ તેમને (ફડણવીસ) તેમના હૃદયમાંથી પહેલેથી જ દૂર કરી દીધા છે
.પટોલેએ દાવો કર્યો હતો કે ફડણવીસ બીજેપીના વરિષ્ઠ નેતાઓની તરફેણમાં નથી જ્યારે લોકોએ જુઠ્ઠાણાઓની પાર્ટી પર વિશ્વાસ કરવાનું બંધ કરી દીધું છે. પટોલેએ દાવો કર્યો, સોશિયલ મીડિયાનું મહત્વ વધી ગયું છે. કોઈએ ટ્વીટ પરની પ્રતિક્રિયાઓ જોવી જોઈએ (X પર વિડિઓ ક્લિપ). લોકોએ કહ્યું કે તેઓ ભાજપને કોઈ તક આપવા માંગતા નથી. આ ઘટનાએ રાજકીય વર્તુળોમાં અટકળોને વેગ આપ્યો છેપટોલેએ એમ પણ કહ્યું કે કેળા અને કપાસની ખેતી કરતા ખેડૂતો પરેશાન છે અને રાજ્ય સરકારે તેમને તાત્કાલિક રાહત આપવી જોઈએ. જલગાંવમાં પત્રકારો સાથે વાત કરતા પટોલેએ શાસક ભારતીય જનતા પાર્ટી (BJP)ની ટીકા કરી અને તેના પર ખેડૂતો અને બેરોજગાર યુવાનોના ઘા પર મીઠું લગાવવાનો આરોપ લગાવ્યો છે.
વાંચો અહીં એલોન મસ્કે ગાઝાને મદદની કરી જાહેરાત,ઈઝરાયેલે આપી ધમકી
