MODI 3.0 : નવી મોદી સરકારમાં આ મોટા કામો રહશે પડકાર  

0
145
MODI 3.0
MODI 3.0

MODI 3.0 :  થોડીકવારમાં દેશમાં નવી સરકારની રચના થશે. નરેન્દ્ર મોદી સતત ત્રીજી વખત વડાપ્રધાન તરીકે શપથ લેશે.  દેશના ઈતિહાસમાં સતત ત્રીજી વખત વડાપ્રધાન બનનાર નરેન્દ્ર મોદી ત્રીજા નેતા છે, આ પહેલા જવાહરલાલ નહેરુ અને ઇન્દિરા ગાંધી ત્રણ વખત દેશના વડાપ્રધાન બની ચુક્યા છે. નરેન્દ્ર મોદીના રાજ્યાભિષેક સાથે જ તેમના નેતૃત્વમાં ત્રીજી સરકાર કામ કરવાનું શરૂ કરશે.

MODI 3.0

MODI ૩.0 : નરેન્દ્ર મોદી સતત તેમના ભાષણમાં કહેતા રહ્યા છે કે તેમનો ત્રીજો કાર્યકાળ મોટા નિર્ણયોથી ભરેલો હશે. છેલ્લા 10 વર્ષનું કામ માત્ર ટ્રેલર છે. જ્યારે તેઓ NDA સંસદીય દળના નેતા તરીકે ચૂંટાયા ત્યારે પણ તેમણે આ વાતોનું પુનરાવર્તન કર્યું હતું. મોદીના બીજા કાર્યકાળમાં જમ્મુ-કાશ્મીરમાંથી કલમ 370 હટાવવા, રામ મંદિરનું નિર્માણ, નાગરિકતા કાયદાનો અમલ જેવા મોટા નિર્ણયો ગણાય છે. આવી સ્થિતિમાં લોકોના મનમાં એક પ્રશ્ન એ પણ છે કે એનડીએ સરકાર આ વખતે કયા મોટા અને કઠિન નિર્ણયો લઈ શકે છે?  

MODI ૩.0 : એક દેશ એક ચૂંટણી

MODI 3.0

લોકસભા ચૂંટણી 2024 માટે ભાજપના મેનિફેસ્ટોમાં એક રાષ્ટ્ર, એક ચૂંટણીનું વચન આપવામાં આવ્યું છે. નરેન્દ્ર મોદી સહિત ભાજપના તમામ મોટા નેતાઓ તેનો અમલ કરવાની હિમાયત કરી રહ્યા છે.  નરેન્દ્ર મોદીએ 2019ના સ્વતંત્રતા દિવસે એક દેશ એક ચૂંટણીનો ઉલ્લેખ કર્યો હતો. ત્યારથી, ભાજપ ઘણા પ્રસંગોએ ‘એક દેશ, એક ચૂંટણી’ની વાત કરે છે.  હકીકતમાં  વન નેશન વન ઇલેક્શન પર ચર્ચા 2018માં કાયદા પંચના ડ્રાફ્ટ રિપોર્ટ બાદ શરૂ થઈ હતી. તે અહેવાલમાં આર્થિક કારણોની ગણતરી કરવામાં આવી હતી. પંચે કહ્યું કે 2014માં લોકસભા ચૂંટણીનો ખર્ચ અને ત્યારપછીની વિધાનસભા ચૂંટણીનો ખર્ચ લગભગ સરખો હતો.  તો  જો એકસાથે ચૂંટણી યોજવામાં આવે છે, તો આ ખર્ચને 50:50  ઘટી શકે છે.

હાલમાં પૂર્વ રાષ્ટ્રપતિ રામનાથ કોવિંદની અધ્યક્ષતામાં એક સમિતિની રચના કરવામાં આવી છે. સમિતિએ પોતાનો રિપોર્ટ પણ રાષ્ટ્રપતિને સોંપ્યો છે. હવે ત્રીજી ટર્મમાં એનડીએ સરકાર તેને લાગુ કરવાનો આગ્રહ રાખી શકે છે. એનડીએ સરકારમાં મુખ્ય પક્ષ બનેલી જેડીયુએ પણ આ અંગે પોતાનું સમર્થન જાહેર કર્યું છે.

MODI ૩.0 : કોમન સિવિલ કોડ

MODI 3.0

સમગ્ર દેશમાં દરેક માટે સમાન કાયદો બનાવવો એ ભાજપના એજન્ડામાં છે. પાર્ટીએ પોતાના 2024ના મેનિફેસ્ટોમાં આ વિષય રાખ્યો છે. ભારતીય જનતા પાર્ટીએ 2022માં યોજાયેલી ઉત્તરાખંડ વિધાનસભા ચૂંટણીમાં તેને મુદ્દો બનાવ્યો હતો અને ચૂંટણી જીત્યા બાદ તેનો અમલ પણ કર્યો હતો. હવે ભાજપની આગેવાની હેઠળના NDAના ત્રીજા કાર્યકાળમાં કોમન સિવિલ કોડને આગળ વધારવા પર ભાર મુકવામાં આવી શકે છે. જોકે, આ માટે સાથી પક્ષો પાસેથી સમર્થન મેળવવું એક મોટો પડકાર હશે. UCCના મામલે JDUએ પણ કહ્યું છે કે આમાં દરેકનો અભિપ્રાય જરૂરી છે.

MODI ૩.0 : UNACમાં કાયમી સભ્યપદ પર ભાર

MODI 3.0

નરેન્દ્ર મોદીએ ઘણીવાર તેમના ભાષણોમાં વૈશ્વિક નેતા તરીકે ભારતની સ્થિતિ મજબૂત કરવા પર ભાર મૂક્યો છે. તેમના ત્રીજા કાર્યકાળમાં મોદીના વિદેશ નીતિના ધ્યેયો ભારતની લાંબા સમયથી રાહ જોવાતી સંયુક્ત રાષ્ટ્ર સુરક્ષા પરિષદ (UNSC)ના કાયમી સભ્યપદને સાકાર કરવાનો રહેશે. વિદેશ નીતિના મોરચે, સરકાર UNSC સભ્યપદ પર ધ્યાન કેન્દ્રિત કરશે, પરંતુ આ પ્રયાસમાં UN સુધારણા પણ સામેલ હશે. UNSCમાં સુધારો કરવો એ એક મોટો પડકાર હશે કારણ કે કાયમી સભ્ય ચીને તેમાં ભારતના સમાવેશનો વારંવાર વિરોધ કર્યો છે.

MODI ૩.0 : આરોગ્ય ક્ષેત્રે આયુષ્માન ભારતનું વિસ્તરણ

MODI 3.0

ત્રીજી ટર્મમાં કેન્દ્ર સરકારની મોટી સ્વાસ્થ્ય વીમા યોજના આયુષ્માન ભારત મોટા કદમાં જોવા મળી શકે છે. નરેન્દ્ર મોદી ચૂંટણી કાર્યક્રમોમાં કહેતા આવ્યા છે કે ત્રીજી ટર્મમાં મોટા નિર્ણયોની ‘મોદીની ગેરંટી’ પૂરી થશે. ચૂંટણી પરિણામો જાહેર થયા બાદ ભાજપના કાર્યકર્તાઓને સંબોધતા મોદીએ ભવિષ્ય માટે તેમના વિઝનની રૂપરેખા આપી હતી. મોદીએ આયુષ્માન ભારત હેઠળ મફત આરોગ્ય સંભાળની અભૂતપૂર્વ પહોંચ પર ભાર મૂક્યો હતો.આ ઉપરાંત, બીજેપીના 2024ના મેનિફેસ્ટોમાં 70 વર્ષથી વધુ વયના વરિષ્ઠ નાગરિકો અને ટ્રાન્સજેન્ડર સમુદાયનો સમાવેશ કરવા માટે આયુષ્માન ભારતનું કવરેજ વિસ્તારવાનું વચન પણ આપવામાં આવ્યું છે.

લેટેસ્ટ સમાચાર માટે અહી કલિક કરો

યુ-ટ્યુબ ચેનલમાં શોર્ટ્સ જોવા અહીં કલિક કરો

ગુજરાતના મહત્વના સમાચાર માટે અહીં ક્લિક કરો

રોમાંચક સમાચાર માટે અહીં ક્લિક કરો