Mission Impossible Gone Wrong: ખાખી પહેરવાનું સપનું જોનારા લાખો યુવાનો જ્યારે રાત-દિવસ મહેનત કરી રહ્યા છે, ત્યારે અંકલેશ્વરના એક ઉમેદવારે PSI બનવા માટે એવો ‘શોર્ટકટ’ અપનાવ્યો કે પોલીસ પણ માથું ખંજવાળતી રહી ગઈ. સુરતની મધુવન ઇન્ટરનેશનલ સ્કૂલમાં પરીક્ષા આપવા આવેલા રિષભ યાદવે ફિલ્મી સ્ટાઈલમાં ચોરીનું આખું ષડયંત્ર રચ્યું હતું, પરંતુ એક નાનકડી ભૂલે તેને સીધો જેલના સળિયા પાછળ ધકેલી દીધો છે.
Mission Impossible Gone Wrong: સવારે 6:30 વાગ્યે ‘મિશન ઈમ્પોસિબલ’
અંકલેશ્વરનો રિષભ યાદવ સવારે ગેટ ખૂલવાની રાહ જોવાને બદલે સવારે 6:30 વાગ્યે જ સ્કૂલના પાછળના ભાગે પહોંચી ગયો હતો. કોઈ ગાર્ડની નજર પડે તે પહેલા જ તે 10 ફૂટ ઊંચો લોખંડનો દરવાજો કૂદીને અંદર પ્રવેશ્યો હતો. ત્યાંથી તે સીધો ચોથા માળે પોતાના નિર્ધારિત ક્લાસરૂમમાં પહોંચી ગયો હતો.
Mission Impossible Gone Wrong: ગુંદર ઊખડ્યું ને પ્લાન ચોપટ થયો
રિષભે પોતાની બેંચ નીચે Oppo F29 સ્માર્ટફોન સેલોટેપ અને ગુંદરની મદદથી છુપાવી દીધો હતો. તેનો પ્લાન હતો કે પરીક્ષા શરૂ થયા બાદ તે ગૂગલ કે સોશિયલ મીડિયા દ્વારા જવાબો મેળવશે. પરંતુ નસીબની બલિહારી જુઓ, મોબાઈલના વજન સામે સેલોટેપ ટકી શકી નહીં. પરીક્ષા શરૂ થાય તે પહેલા જ મોબાઈલ જોરદાર અવાજ સાથે નીચે પટકાયો. સ્ટાફ દોડી આવ્યો અને રિષભનો આખો ખેલ ખુલ્લો પડી ગયો.
Mission Impossible Gone Wrong: નવા કડક કાયદા હેઠળ થશે જેલની સજા
આ મામલે સુરત પોલીસે રિષભ વિરુદ્ધ ગુજરાત જાહેર પરીક્ષા (ગેરરીતિ અટકાવવા બાબત) અધિનિયમ-2023 અને ભારતીય ન્યાય સંહિતા (BNS)ની વિવિધ કલમો હેઠળ ગુનો નોંધ્યો છે. આ નવા કાયદા મુજબ:
- આરોપીને 10 વર્ષ સુધીની જેલની સજા થઈ શકે છે.
- ભારે દંડની પણ જોગવાઈ કરવામાં આવી છે.
અમદાવાદમાં પેપર સીલ બાબતે હોબાળો
એક તરફ સુરતમાં ચોરી પકડાઈ, તો બીજી તરફ અમદાવાદના વસ્ત્રાલની ભાવના ગર્લ્સ હાઈસ્કૂલમાં ઉમેદવારોએ આક્ષેપ કર્યો હતો કે PSIનું પેપર સીલ તૂટેલી હાલતમાં આવ્યું હતું. જ્યારે ઉમેદવારોએ વિરોધ કર્યો ત્યારે સુપરવાઈઝરે ઉદ્ધત વર્તન કર્યું હોવાના આક્ષેપ સાથે ત્યાં ભારે હોબાળો મચ્યો હતો.
બોધપાઠ: મહેનત કરનારા ઉમેદવારો માટે આ કિસ્સો લાલબત્તી સમાન છે. ટેકનોલોજી ગમે તેટલી એડવાન્સ હોય, પણ કાયદાના લાંબા હાથ અને નસીબ સામે શોર્ટકટ હંમેશા ભારે પડે છે.
વધુ સમાચાર વાંચવા માટે અંહી ક્લિક કરો : શેરબજારમાં સપ્તાહની શાનદાર શરૂઆત સેન્સેક્સ 400 પોઈન્ટ ઉછળી 78,900 પર, બેંકિંગ-એનર્જી શેરોમાં ભારે લેવાલી
