Market Wrap: ભારતીય શેરબજારમાં આજે પ્રોફિટ બુકિંગ અને મિશ્ર વૈશ્વિક સંકેતો વચ્ચે સામાન્ય ઘટાડો જોવા મળ્યો છે. બુધવાર, 27 મે ના રોજ કારોબારના અંતે બોમ્બે સ્ટોક એક્સચેન્જ (BSE) નો સુચકાંક સેન્સેક્સ ૧૪૨ પોઈન્ટ (અંક) તૂટીને 75,868 ના સ્તર પર બંધ થયો છે. બીજી તરફ, નેશનલ સ્ટોક એક્સચેન્જ (NSE) નો નિફ્ટી પણ માત્ર ૭ પોઈન્ટના મામૂલી ઘટાડા સાથે 23,907 ના સ્તર પર સ્થિર થયો છે.
Market Wrap: ફાઇનાન્સિયલ અને પ્રાઇવેટ બેંકોના શેરો તૂટ્યા, મેટલમાં ખરીદી
આજના કારોબાર દરમિયાન બજાર પર ફાઇનાન્સિયલ સર્વિસિસ અને પ્રાઇવેટ સેક્ટરની બેંકોના શેરોમાં ભારે વેચવાલીનું દબાણ જોવા મળ્યું હતું, જેના કારણે ઇન્ડેક્સ લાલ નિશાનમાં બંધ આવ્યો હતો. જોકે, નીચલા સ્તરેથી મેટલ, મીડિયા અને ઓટોમોબાઈલ સેક્ટરના શેરોમાં સારી લેવાલી નીકળતા બજારે રિકવરી કરવાનો પ્રયાસ કર્યો હતો અને મોટો ઘટાડો અટક્યો હતો.
Market Wrap: એશિયન બજારોમાં મિશ્ર પ્રવાહ
આજે એશિયાના અન્ય અગ્રણી શેરબજારોમાં પણ મિશ્ર કારોબાર જોવા મળ્યો હતો:
- કોસ્પી (સાઉથ કોરિયા): ૨.૨૫% (૧૮૧ પોઈન્ટ) ના જોરદાર ઉછાળા સાથે 8,229 પર બંધ રહ્યો.
- નિક્કેઈ (જાપાન): ૩ પોઈન્ટની નજીવી સરસાઈ સાથે 64,999 પર ફ્લેટ બંધ આવ્યો.
- હેંગસેંગ (હોંગકોંગ): ચીની બજારોના દબાણ વચ્ચે ૧.૦૬% (૨૭૧ પોઈન્ટ) ના ઘટાડા સાથે 25,328 પર બંધ થયો.
Market Wrap: યુએસ માર્કેટની સ્થિતિ
ગઈકાલે રાત્રે અમેરિકી બજારોમાં પણ અનિશ્ચિતતાનો માહોલ હતો. એકતરફ ડાઉ જોન્સ ૧૧૮ પોઈન્ટ (-૦.૨૩%) ઘટીને 50,462 પર બંધ રહ્યો હતો, જ્યારે ટેકનોલોજી આધારિત નાસ્ડેક ઇન્ડેક્સ ૧.૧૯% (૩૧૨ પોઈન્ટ) વધીને 26,656 અને S&P 500 ઇન્ડેક્સ ૪૬ પોઈન્ટ વધીને 7,519 ના સ્તરે બંધ રહ્યો હતો.
Market Wrap: વિદેશી રોકાણકારો (FIIs) ની વેચવાલી યથાવત
ભારતીય શેરબજારમાંથી વિદેશી સંસ્થાકીય રોકાણકારો (FII) સતત નાણાં પરત ખેંચી રહ્યા છે. ગઈકાલે પણ વિદેશી રોકાણકારોએ ભારતીય બજારમાં ₹2,408 કરોડની નેટ વેચવાલી કરી હતી. જોકે, તેની સામે સ્થાનિક સંસ્થાકીય રોકાણકારો (DII) એ ₹1,362 કરોડની ખરીદી કરીને બજારને ટેકો આપ્યો હતો.
રોકાણનો ટ્રેન્ડ (રૂપિયા કરોડમાં):
- છેલ્લા 7 દિવસ: FII દ્વારા કુલ ₹7,918 કરોડની વેચવાલી સામે DII એ ₹13,714 કરોડની મોટી ખરીદી કરી.
- છેલ્લા 30 દિવસ: વિદેશી રોકાણકારોએ ભારતીય બજારમાંથી ₹46,435 કરોડ ઉપાડી લીધા છે, જેની સામે સ્થાનિક સંસ્થાઓએ ₹69,545 કરોડનું અધધ રોકાણ કરીને બજારને કટોકટીમાંથી ઉગાર્યું છે.
નજીકના દિવસોમાં માર્કેટ નવી ઊંચાઈ તરફ આગળ વધતા પહેલા આ પ્રકારનું પ્રોફિટ બુકિંગ સામાન્ય હોવાનું બજારના નિષ્ણાતો માની રહ્યા છે.
વધુ સમાચાર વાંચવા માટે અંહી ક્લિક કરો
