Madhabi Puri Buch: ભારતીય બજાર નિયામક સેબી (SEBI)ના ચીફ માધબી પુરી બુચની મુશ્કેલીઓ વધી શકે છે. સમાચાર એજન્સી રોઇટર્સ દ્વારા જાહેર દસ્તાવેજો અનુસાર, બુચે તેમના સાત વર્ષના કાર્યકાળ દરમિયાન કન્સલ્ટન્સી ફર્મમાંથી આવક મેળવવાનું ચાલુ રાખ્યું હતું, જે સંભવિત રીતે નિયમનકારી સત્તાવાળાઓ માટેના નિયમોનું ઉલ્લંઘન છે.
હિંડનબર્ગ રિસર્ચેનો સેબી ચીફ Madhabi Puri Buch પર આરોપ
હિંડનબર્ગ રિસર્ચે અદાણી ગ્રૂપમાં અગાઉ કરેલા રોકાણોને કારણે બુચની તપાસમાં હિતોના સંઘર્ષનો આક્ષેપ કર્યો છે. ગયા વર્ષે જાન્યુઆરીમાં ગૌતમ અદાણીની આગેવાની હેઠળના જૂથ પર લગાવવામાં આવેલા આરોપોને કારણે જૂથની મુખ્ય કંપની અદાણી એન્ટરપ્રાઇઝિસ અને અન્ય કંપનીઓના શેરના ભાવમાં મોટો ઘટાડો થયો હતો.
જોકે, બાદમાં ગ્રુપના શેરમાં સુધારો થયો હતો. આ પછી સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) એ અદાણી ગ્રુપ વિરુદ્ધ તપાસ શરૂ કરી. હાલમાં જૂથ સામે માત્ર એક કેસની તપાસ ચાલી રહી છે.
શું કહે છે સેબીનો નિયમ
સેબીના 2008ના નિયમો અનુસાર કોઈ પણ અધિકારી એવી પોસ્ટ હોલ્ડ ન કરી શકે જેનાથી તેમને નફો થતો હોય, અથવા પગાર મળતી હોય. હિંડનબર્ગે જ્યારે માધબીની કંપની તથા અદાણી વચ્ચે લિન્કનો દાવો કર્યો ત્યારે માધબીએ સ્પષ્ટતા આપતા કહ્યું હતું કે, અમે કન્સલ્ટન્સી ફર્મની જાણકારી સેબીને આપી જ હતી તથા 2019થી તેમના પતિ આ બિઝનેસ સંભાળી રહ્યા છે.
હિંડનબર્ગના રિપોર્ટમાં બે કન્સલ્ટન્સી ફર્મની વાત કરવામાં આવી હતી. સિંગાપોરની આગોરા પાર્ટનર્સ તથા ભારતની અગોરા એડવાઇઝરીનું સંચાલન માધબી પુરી બુચ અને તેમના પતિ કરી રહ્યા હતા. માધબીએ અગોરા પાર્ટનર્સમાંથી પોતાની ભાગીદારી પતિને 2022માં ટ્રાન્સફર કરી હતી.
બુચે આરોપોને ‘ચરિત્ર હનન’ નો પ્રયાસ ગણાવ્યો
બુચે 11 ઓગસ્ટના રોજ એક નિવેદનમાં હિતોના સંઘર્ષના આરોપોને નકારી કાઢ્યા હતા અને તેને ‘ચરિત્ર હનન’ નો પ્રયાસ ગણાવ્યો હતો. વધુમાં, યુએસ શોર્ટસેલરે તેના તાજેતરના અહેવાલમાં બૂચ અને તેના પતિ દ્વારા સંચાલિત બે કન્સલ્ટિંગ ફર્મ – સિંગાપોર સ્થિત અગોરા પાર્ટનર્સ (Agora Advisory Pvt Ltd) અને ભારત સ્થિત અગોરા એડવાઇઝરી પર પ્રકાશ પાડ્યો હતો.
બૂચનું હોલ્ડિંગ સંભવિતપણે સેબીની 2008ની નીતિનું ઉલ્લંઘન
બુચ (Madhabi Puri Buch) 2017માં સેબીમાં જોડાયા હતા અને માર્ચ 2022માં ટોચના પદ પર નિયુક્ત થયા હતા. કંપનીના રજિસ્ટ્રારના જાહેર દસ્તાવેજો અનુસાર, અગોરા એડવાઇઝરી પ્રાઇવેટ લિમિટેડ, જેમાં બૂચ 99 ટકા હિસ્સો ધરાવે છે, તેણે સાત વર્ષોમાં રૂ. 3.71 કરોડ ($442,025) ની આવક મેળવી. રોઇટર્સે આ દસ્તાવેજોની સમીક્ષા કરી છે.
બુચ (Madhabi Puri Buch)ના હોલ્ડિંગ્સ સંભવિતપણે સેબીની 2008ની નીતિનું ઉલ્લંઘન કરે છે, જે અધિકારીઓને નફાની ઓફિસ રાખવા, પગાર મેળવવા અથવા અન્ય વ્યવસાયિક પ્રવૃત્તિઓમાંથી વ્યાવસાયિક ફી મેળવવા પર પ્રતિબંધ મૂકે છે.
માધબી પુરી બુચ પર આરોપ છે કે સેબીમાં જોડાયા બાદ પણ તેઓ પોતાની કન્સલ્ટન્સી ફર્મથી નફાની કમાણી કરી રહ્યા હતા. રોયટર્સના અહેવાલમાં આ ગંભીર ખુલાસો કરવામાં આવ્યો છે. નોંધનીય છે કે વર્ષ 2017માં માધબી સેબીમાં જોડાયા હતા અને 2022માં તેમને સેબીના ચીફ બનાવવામાં આવ્યા હતા.
અદાણી ગ્રુપ સાથે કનેક્શન હોવાના કોઈ પુરાવા નથી
સિંગાપોરની કંપનીના રેકોર્ડને ટાંકીને હિંડનબર્ગે જણાવ્યું હતું કે બૂચે (Madhabi Puri Buch) માર્ચ 2022માં અગોરા પાર્ટનર્સમાં તેના તમામ શેર તેના પતિને ટ્રાન્સફર કર્યા હતા. જો કે, માર્ચ 2024 ના રોજ પૂરા થતા નાણાકીય વર્ષ માટે કંપનીના રેકોર્ડ મુજબ, બુચ હજુ પણ ભારતીય કન્સલ્ટન્સી ફર્મમાં શેર ધરાવે છે.
રોયટર્સ દ્વારા સમીક્ષા કરાયેલા દસ્તાવેજોમાં કન્સલ્ટન્સી ફર્મ દ્વારા કયા પ્રકારનો કારોબાર કરવામાં આવ્યો હતો તેની વિગત નથી કે આ આવકનું અદાણી જૂથ સાથે કોઈ જોડાણ હતું તે દર્શાવવા માટે કોઈ માહિતી ઉપલબ્ધ નથી.
ખૂબ ગંભીર ઉલ્લંઘન: સુભાષ ચંદ્ર ગર્ગ
સુભાષ ચંદ્ર ગર્ગ, ભૂતપૂર્વ ટોચના ભારતીય સરકારી અધિકારી અને બૂચના કાર્યકાળ દરમિયાન સેબી બોર્ડના સભ્ય, તેમણે પેઢીમાં તેમની ઇક્વિટી અને તેના સતત ધંધાકીય કામગીરીને “ખૂબ ગંભીર” આચાર ભંગ તરીકે વર્ણવ્યું હતું.
“બોર્ડમાં જોડાયા પછી, તેમની પાસે કંપનીની માલિકી ચાલુ રાખવાનું કોઈ કારણ ન હતું,” ગર્ગે કહ્યું. ખુલાસો થયા પછી તેમના પર નિયમનકાર સંપૂર્ણપણે અવિશ્વસનીય સ્થિતિમાં મૂકે છે.
બૂચે (Madhabi Puri Buch) સ્પષ્ટતા કરી ન હતી કે તેમને ભારતીય કન્સલ્ટન્સી ફર્મમાં તેમનો હિસ્સો જાળવી રાખવાની મંજૂરી આપવામાં આવી હતી કે કેમ.? આ અંગે તેમને પૂછવામાં આવેલા પ્રશ્નોનો પણ જવાબ આપવામાં આવ્યો ન હતો.
બોર્ડ વ્યવસાયિક હિતોની જાહેરાતથી વાકેફ નથી
ગર્ગ અને સેબી બોર્ડના સભ્યના જણાવ્યા અનુસાર, બુચ અથવા અન્ય કોઈ અધિકારી દ્વારા તેમના વ્યવસાયિક હિતોને લઈને બોર્ડ સમક્ષ કોઈ જાહેરાત કરવામાં આવી નથી.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
