Luck Saves Lives: વડોદરા શહેરનો ફતેગંજ બ્રિજ ફરી એકવાર અકસ્માતોનું ‘ઝોન’ સાબિત થયો છે. આજે બ્રિજ પર એક સાથે ત્રણ કાર વચ્ચે અકસ્માત સર્જાતા ભારે દોડધામ મચી જવા પામી હતી. સદનસીબે આ ગંભીર અકસ્માતમાં કોઈ જાનહાનિના સમાચાર નથી, પરંતુ વાહનોને નોંધપાત્ર નુકસાન પહોંચ્યું છે.
Luck Saves Lives: શું બની હતી ઘટના?
પ્રાપ્ત માહિતી અનુસાર, ફતેગંજ બ્રિજ પરથી પસાર થઈ રહેલી કારોની હારમાળામાં પાછળથી પૂરઝડપે આવી રહેલા એક ડમ્પરે આગળ ચાલતી કારને જોરદાર ટક્કર મારી હતી. આ ટક્કર એટલી પ્રચંડ હતી કે તેની અસર આગળની અન્ય બે કાર પર પણ થઈ હતી, પરિણામે ત્રણ કાર એકબીજા સાથે અથડાઈને ક્ષતિગ્રસ્ત થઈ હતી.
Luck Saves Lives: ટ્રાફિકની સમસ્યા અને પોલીસ કાર્યવાહી
અકસ્માતના પગલે ફતેગંજ બ્રિજ પર ટ્રાફિક જામના દ્રશ્યો સર્જાયા હતા, જેના કારણે વાહનચાલકોને ભારે હાલાકીનો સામનો કરવો પડ્યો હતો. ઘટનાની જાણ થતા જ સ્થાનિક પોલીસનો કાફલો તાત્કાલિક સ્થળ પર પહોંચી ગયો હતો. પોલીસે ટ્રાફિકને પૂર્વવત કરવા માટે ક્રેનની મદદથી ક્ષતિગ્રસ્ત વાહનોને રસ્તા પરથી દૂર કર્યા હતા.
પોલીસ દ્વારા આ મામલે આગળની તપાસ હાથ ધરવામાં આવી છે. વારંવાર બનતા અકસ્માતોને લઈને આ વિસ્તારના સ્થાનિકો અને વાહનચાલકોમાં પણ ચિંતા જોવા મળી રહી છે.
વધુ સમાચાર વાંચવા માટે અંહી ક્લિક કરો: મનપાની ફૂડ શાખાની લાલ આંખ; 75 કિલો વાસી અને અખાદ્ય ખાદ્ય સામગ્રીનો નાશ
