Krishna JanmBhoomi Case: મથુરા કૃષ્ણ જન્મભૂમિ – શાહી ઇદગાહ મસ્જિદ વિવાદ કેસમાં સુપ્રીમ કોર્ટે મોટો હસ્તક્ષેપ કર્યો છે. હાલમાં, શાહી ઇદગાહ મસ્જિદમાં કોઈ સર્વે થશે નહીં.
સુપ્રીમ કોર્ટે કોર્ટ કમિશનરની નિમણૂક પર અલ્હાબાદ હાઈકોર્ટના નિર્ણય પર રોક લગાવી દીધી છે. સુપ્રીમ કોર્ટે કહ્યું, “ટ્રાયલ કોર્ટમાં સુનાવણી ચાલુ રહેશે, પરંતુ કોર્ટ કમિશનરની નિમણૂક પર વચગાળાનો સ્ટે રહેશે. સુપ્રીમ કોર્ટ આ મામલે 23 જાન્યુઆરીએ સુનાવણી કરશે, આગામી સુનાવણી સુધી આયોગના આદેશનો અમલ નહીં થાય.
Krishna JanmBhoomi Case: સુપ્રીમ કોર્ટે હિંદુ પક્ષ પર સવાલ ઉઠાવ્યા
સુપ્રીમ કોર્ટે હિંદુ પક્ષ પર સવાલ ઉઠાવતા કહ્યું કે, “તમારી અરજી ખૂબ જ અસ્પષ્ટ છે. તમારે સ્પષ્ટપણે જણાવવું પડશે કે તમે શું ઈચ્છો છો. આ સિવાય આ કોર્ટમાં ટ્રાન્સફરનો કેસ પણ પેન્ડિંગ છે. અમારે તેના પર પણ નિર્ણય લેવાનો છે..”
મથુરા કૃષ્ણ જન્મભૂમિ (Krishna JanmBhoomi) સાથે સંબંધિત 18 અરજીઓને મથુરા ડિસ્ટ્રિક્ટ કોર્ટમાંથી હાઈકોર્ટમાં ટ્રાન્સફર કરવા પર રોક લગાવવાની માંગ કરતી મુસ્લિમ પક્ષની અરજી પર સુનાવણી હાથ ધરવામાં આવી હતી.
આ સાથે જ મુસ્લિમ પક્ષ વતી ઈદગાહ કમિટીએ પણ કોર્ટ કમિશનરની નિમણૂક મામલે હાઈકોર્ટના આદેશ પર સ્ટે મુકવાની માંગ કરી છે.
છેલ્લી સુનાવણીમાં સુપ્રીમ કોર્ટે કહ્યું હતું કે, તે આ મામલે અત્યારે કોઈ આદેશ જારી કરશે નહીં. 14 ડિસેમ્બરે, મથુરામાં શ્રી કૃષ્ણ જન્મભૂમિ (Krishna JanmBhoomi) શાહી ઇદગાહ મસ્જિદ કેસમાં સર્વે માટે કોર્ટ કમિશનરની નિમણૂક કરવાના અલ્હાબાદ હાઇકોર્ટના નિર્ણયને સુપ્રીમ કોર્ટમાં પડકારવામાં આવ્યો છે. મસ્જિદ વ્યવસ્થા સમિતિએ આ મામલે વહેલી સુનાવણી માટે સુપ્રીમ કોર્ટમાં અપીલ કરી હતી.
दिलचस्प खबरों के लिए यहाँ क्लिक करे
यूट्यूब चैनल पर शॉर्ट्स देखने के लिए यहाँ क्लिक करे
पंजाब में और क्या चल रहा है – यहाँ से क्लिक कर के जाने
