Karwa Chauth 2023 : 31 ઓક્ટોબર કે 1લી નવેમ્બર આખરે ક્યારે છે કરવા ચોથ, જાણો કરવા ચોથનું મહત્વ, મુહૂર્ત અને ભોગ

Karwa Chauth 2023 : કરવા ચોથ એ વિવાહિત સ્ત્રીઓ માટેના હિંદુ ધર્મના મોટા ઉપવાસ અને તહેવારોમાંનો એક છે. આ દિવસે પરિણીત મહિલાઓ તેમના પતિના સારા સ્વાસ્થ્ય અને લાંબા આયુષ્ય માટે વ્રત રાખે છે. કરવા ચોથ વ્રતનું અનેરું મહત્વ છે, પતિ-પત્ની વચ્ચેના સંબંધોને સુમધુર બનવવા અને એકબીજા માટે તેમનું મહત્વ સમજવાની આ એક તક પણ ગણી શકાય. તેના પતિના લાંબા આયુષ્ય માટે પત્ની સોળ શણગાર ધારણ કરે છે અને ચંદ્રદેવ અને કર્વેની પૂજા કરે છે. હવે સવાલ એ થાય છે કે કરવા ચોથ ક્યારે ઉજવવામાં આવે છે. તો તમે નામ પરથી જ અનુમાન લગાવી શકો છો કે તે ચોથના દિવસે ઉજવવામાં આવે છે. દર વર્ષે કારતક માસના કૃષ્ણ પક્ષની ચતુર્થી તિથિના રોજ કરવા ચોથ ઉજવવામાં આવે છે.

• કરવા ચોથ તિથિ અને મુહૂર્ત (Karwa Chauth 2023 Date and Shubh Muhurt) :

આ વર્ષે, કારતક કૃષ્ણ પક્ષની ચતુર્થી તિથિ 31 ઓક્ટોબર, મંગળવારના રોજ રાત્રે 9:30 વાગ્યાથી શરૂ થશે અને 1 નવેમ્બરના રોજ રાત્રે 9:19 વાગ્યે સમાપ્ત થશે. આવી સ્થિતિમાં, ઉદય તિથિ અનુસાર 1 નવેમ્બર, બુધવારે કરવા ચોથરાનું વ્રત રાખવામાં આવશે. કરવા ચોથની પૂજા 1 નવેમ્બરે સાંજે 5:44 થી 7:02 સુધી કરી શકાશે. તે દિવસે ચંદ્રોદય આઠ વાગીને છવ્વીસ મિનિટે થશે.

• કરવા ચોથ 2023માં ચંદ્ર ક્યારે ઉગશે? (करवा चौथ चांद निकलने का समय) :

ચંદ્રોદયનો સમય: ઉપવાસ છોડવાનો સમય 1 નવેમ્બરના રોજ, ચંદ્રોદયનો સમય આશરે 8:26 વાગ્યાનો છે.

કરવા ચોથ 2023 મુહૂર્ત :

કરવા ચોથના ઉપવાસનો સમય – સવારે 06:36 – સાંજે 08:26

કરવા ચોથ પૂજા મુહૂર્ત – 05.44 સાંજે – 07.02 સાંજે (1 નવેમ્બર 2023)

ચંદ્રોદય સમય – 08:26 રાત્રે (1 નવેમ્બર 2023)

• કેવી રીતે ઉજવશો કરવા ચોથ વ્રત? (How to Celebrate Karva Chauth) :

કરવા ચોથના દિવસે પરિણીત મહિલાઓ તેમના પતિના લાંબા આયુષ્ય માટે વ્રત રાખે છે, આખો દિવસ પાણી વગર રહે છે. વ્રતની શરૂઆત પહેલા સાસુના હાથમાંથી સરગી લેવામાં આવે છે, ત્યારબાદ આ વ્રતની શરૂઆત માનવામાં આવે છે. આ પછી રાત્રે ચંદ્રદેવને અર્ઘ્ય અર્પણ કર્યા પછી પતિના હાથે પાણીનું સેવન કરવામાં આવે છે અને ઉપવાસ કરતી મહિલાઓ પાણી પીને ઉપવાસ ખોલે છે.

• કરવા ચોથના દિવસનું મહત્વ અને ઈતિહાસ :

કરવા ચોથ અનુલક્ષે એવું માનવામાં આવે છે કે કરવા ચોથનું વ્રત કરવાથી માતા પાર્વતીએ ભગવાન શિવને પોતાના પતિ તરીકે પ્રાપ્ત કર્યા હતા. મહિલાઓ તેમના પતિના લાંબા આયુષ્ય અને અવિરત લગ્નજીવન માટે આ વ્રત રાખે છે.

દ્રૌપદીએ પાંડવો માટે કરવા ચોથનું વ્રત રાખ્યું હતું. કરવા ચોથ વ્રતના પ્રતાપથી મહિલાઓને શાશ્વત સૌભાગ્યની પ્રાપ્તિ થાય છે. કરવા માતા હંમેશા તેમના દામ્પત્ય જીવનની રક્ષા કરે છે અને તેમના દામ્પત્ય જીવનમાં ખુશીઓ લાવે છે.

• કરવા ચોથનો પ્રસાદ કેવી રીતે તૈયાર કરવો :

કરવા ચોથમાં  હલવો, પુરી અને ચુરમા તૈયાર કરી ભોગ ચઢાવવામાં આવે છે અને કેટલીક જગ્યાએ બટાકાનું શક, કઢી અને પુરી તૈયાર કરવામાં આવે છે. તો કેટલીક જગ્યાએ આ દિવસે કઠોળ અને કઢી પણ તૈયાર કરવામાં આવે છે.

કરવા ચોથ પર હલવો, પુરી, ખીર, શાકભાજી, મીઠાઈઓ બનાવી શકાય છે. આ ઉપવાસમાં તમે જે પણ ભોજન બનાવશો તેમાં લસણ અને ડુંગળીનો ઉપયોગ કરશો નહીં. તમે પ્રસાદ માટે ઘી અને ગોળ લઈ શકો છો. આમાં સૌથી પહેલા ભગવાન ગણેશને અર્પણ કરવા માટે થાળી તૈયાર કરો. તેમાં હલવો-પુરી રાખવાનું ભૂલશો નહીં.