Iran vs America: અમેરિકા અને ઈરાન વચ્ચે ચાલી રહેલા તણાવ વચ્ચે એક મોટા સમાચાર સામે આવ્યા છે. ‘ધ ન્યૂયોર્ક ટાઈમ્સ’ અને ‘એક્સિયોસ’ના રિપોર્ટ અનુસાર, અમેરિકી રાષ્ટ્રપતિ ડોનાલ્ડ ટ્રમ્પે ઈરાન પરના મોટા હુમલાને હાલ પૂરતો રોકી દીધો છે. શુક્રવારે ટોચના સલાહકારો સાથેની બેઠક બાદ ટ્રમ્પે સેનાને આ આદેશ આપ્યો હતો.
Iran vs America: પેટ્રિયટ મિસાઇલોનો ભંડાર ઘટ્યો
અમેરિકી સૈન્ય અધિકારીઓએ ચેતવણી આપી હતી કે જો સૈન્ય અભિયાન વધુ લંબાવવામાં આવશે, તો મિડલ-ઈસ્ટમાં તૈનાત અમેરિકી સેના પાસે ‘પેટ્રિયટ ઇન્ટરસેપ્ટર મિસાઇલો’ અને અન્ય એર ડિફેન્સ હથિયારો ખૂટી શકે છે. એપ્રિલના અંત સુધીમાં અમેરિકા ૧૨૦૦થી વધુ પેટ્રિયટ મિસાઇલોનો ઉપયોગ કરી ચૂક્યું છે. જોઈન્ટ ચીફ્સ ઓફ સ્ટાફના ચેરમેન જનરલ ડેન કેને સલાહ આપી હતી કે મોટા અભિયાનથી મિડલ-ઈસ્ટમાં તૈનાત સૈનિકોની સુરક્ષા જોખમાઈ શકે છે.
Iran vs America: મધ્ય પૂર્વમાં અન્ય મહત્વની ઘટનાઓ
૧. સાઉદી રિફાઇનરી પર હુમલો: હુતી બળવાખોરોએ દાવો કર્યો છે કે તેમણે સાઉદી અરબના જજાન સ્થિત સાઉદી અરામકો રિફાઇનરી પર ૩ બેલિસ્ટિક મિસાઇલોથી હુમલો કર્યો છે. ૨. હોર્મુઝ સ્ટ્રેટમાં ફાયરિંગ: ઈરાનની નેવીએ હોર્મુઝ સ્ટ્રેટમાંથી પસાર થતા ૪ જહાજો પર ચેતવણીરૂપ ફાયરિંગ કર્યું હતું, ત્યારબાદ જહાજોએ રસ્તો બદલી લીધો હતો. ૩. કુવૈતની સ્પષ્ટતા: કુવૈતે ઈરાન વિરુદ્ધ અમેરિકી સૈન્ય હુમલાઓમાં સામેલ હોવાના દાવાઓને સદંતર ફગાવી દીધા છે. ૪. ઈરાનમાં સેન્સરશીપ વિવાદ: ઈરાની સરકારે સરકારી ટીવી પર રાષ્ટ્રપતિ મસૂદ પજશકિયાનના ભાષણનો મહત્વનો ભાગ (અમેરિકા સાથે વાતચીત અંગેનો) સેન્સર કરવાનો આરોપ મૂક્યો છે. ૫. ઇઝરાયલ પર આરોપ: IRGCએ આરોપ લગાવ્યો છે કે ઇઝરાયલ અમેરિકી રાષ્ટ્રપતિને ખોટી માહિતી આપીને ઈરાન વિરુદ્ધ ઉશ્કેરી રહ્યું છે.
વધુ સમાચાર વાંચવા માટે અંહી ક્લિક કરો
