India vs Japan: ભારત અને જાપાનની પુરુષ ક્રિકેટ ટીમો મંગળવાર, 22 સપ્ટેમ્બર 2026ના રોજ પ્રથમ વખત આંતરરાષ્ટ્રીય ક્રિકેટમાં આમને-સામને આવી રહી છે. જાપાનના તોચિગી પ્રીફેક્ચરના સાનો ઇન્ટરનેશનલ ક્રિકેટ ગ્રાઉન્ડ ખાતે રમાનારી આ એકમાત્ર T20I મેચ ભારત-જાપાનના રાજદ્વારી સંબંધોના 75 વર્ષ પૂર્ણ થવાની ઉજવણી સાથે જોડાયેલી છે. BCCI અને Japan Cricket Associationએ આ મેચને સત્તાવાર રીતે ‘Suzuki Cup’ તરીકે જાહેર કરી છે.
India vs Japan: વરસાદના કારણે ટોસમાં વિલંબ
મેચનો નિર્ધારિત સમય સવારે 9:30 વાગ્યાનો હતો, પરંતુ વરસાદ અને ભીની આઉટફિલ્ડને કારણે ટોસમાં વિલંબ થયો છે. જાપાનના પૂર્વ ભાગમાં તોફાની હવામાનની અસર વચ્ચે મેચના આયોજન પર પણ નજર રાખવામાં આવી રહી છે. તાજેતરના અહેવાલો અનુસાર સાનોમાં વરસાદે બંને ટીમોના પ્રેક્ટિસ સેશનને પણ અસર કરી હતી.
India vs Japan: 163 વર્ષ જૂનો જાપાનનો ક્રિકેટ ઇતિહાસ
ભારત સામેની આ ઐતિહાસિક મેચ પહેલાં જાપાનના ક્રિકેટ ઇતિહાસની એક રસપ્રદ ઘટના પણ ચર્ચામાં છે. જાપાનમાં પ્રથમ નોંધાયેલ ક્રિકેટ મેચ 25 જૂન 1863ના રોજ યોકોહામામાં રમાઈ હતી. બ્રિટિશ વેપારીઓની ટીમ અને રોયલ નેવીના ખેલાડીઓ વચ્ચે આ મેચ યોજાઈ હતી. તે સમયે વિદેશીઓ પર હુમલાના ભયને કારણે સુરક્ષાની અસાધારણ વ્યવસ્થા કરવામાં આવી હતી અને કેટલાક ખેલાડીઓ પાસે રિવોલ્વર પણ હોવાનું ઐતિહાસિક અહેવાલોમાં નોંધાયું છે.
India vs Japan: ભારતની ટીમની આગેવાની શ્રેયસ અય્યર પાસે
આ ઐતિહાસિક મુકાબલામાં ભારતીય ટીમની કેપ્ટનશિપ શ્રેયસ અય્યર કરી રહ્યા છે. ટીમમાં અભિષેક શર્મા, સંજુ સેમસન, ઈશાન કિશન, શિવમ દુબે, તિલક વર્મા, અક્ષર પટેલ, વોશિંગ્ટન સુંદર, રવિ બિશ્નોઈ, જસપ્રીત બુમરાહ, અર્શદીપ સિંહ અને યુવા ખેલાડી વૈભવ સૂર્યવંશી સહિતના ખેલાડીઓ સામેલ છે. BCCIએ જાપાન સામેની મેચને એશિયન ગેમ્સ પહેલાંની તૈયારી માટે પણ મહત્વપૂર્ણ ગણાવી છે.
India vs Japan: જાપાન માટે ઐતિહાસિક તક
જાપાન માટે આ મેચ ખાસ મહત્વ ધરાવે છે કારણ કે ભારતીય ટીમ સામેનો આ તેનો પ્રથમ મુકાબલો છે. ICCના જણાવ્યા પ્રમાણે જાપાનની ટીમ આ ઐતિહાસિક પડકાર માટે ઉત્સાહિત છે. જાપાન ક્રિકેટને દેશમાં વધુ લોકપ્રિય બનાવવાના પ્રયાસો વચ્ચે આ મેચને મહત્વપૂર્ણ પગલા તરીકે જોવામાં આવી રહી છે.
બંને ટીમોની સ્ક્વોડ
ભારત: શ્રેયસ અય્યર (કેપ્ટન), અભિષેક શર્મા, સંજુ સેમસન (વિકેટકીપર), ઈશાન કિશન (વિકેટકીપર), શિવમ દુબે, તિલક વર્મા (વાઇસ-કેપ્ટન), અક્ષર પટેલ, વોશિંગ્ટન સુંદર, રવિ બિશ્નોઈ, જસપ્રીત બુમરાહ, અર્શદીપ સિંહ, વૈભવ સૂર્યવંશી, યશ ઠાકુર, વિપરાજ નિગમ અને અન્ય પસંદ કરાયેલા ખેલાડીઓ.
જાપાન: કેન્ડેલ કાડોવાકી-ફ્લેમિંગ (કેપ્ટન), ચાર્લી હારા-હિંજ, બેન્જામિન ઇટો-ડેવિસ, એલિસ્ટર કાડોવાકી-ફ્લેમિંગ, કોહેઈ કુબોટા, જેક કુસુડા-નાયર્ન, વાતરુ મિયાઉચી (વિકેટકીપર), રિયો સકુરાનો-થોમસ, એલેક્સ શિરાઈ-પેટમોર (વિકેટકીપર), શોમા સુગાયા-સ્લેટર, ડેક્લાન સુઝુકી-મેકકોમ્બ, ત્સુયોશી તાકાડા, ઇબ્રાહિમ તાકાહાશી, માકોટો તાનિયામા અને લચલાન યામામોટો-લેક.
Table of Contents
આ પણ વાંચો:બંગાળની ખાડીમાં લો પ્રેશર મજબૂત, 8 રાજ્યોમાં ભારે વરસાદની શક્યતા
