India Stands with UAE: વડાપ્રધાન નરેન્દ્ર મોદી શુક્રવાર, 15 મેના રોજ તેમની પાંચ દેશોની મહત્વપૂર્ણ વિદેશ યાત્રાના પ્રથમ તબક્કે અબુ ધાબી પહોંચ્યા છે. પીએમ મોદીનું વિમાન UAEના હવાઈ ક્ષેત્રમાં પ્રવેશતા જ ત્યાંના વાયુસેનાના F-16 લડાયક વિમાનોએ તેમને હવામાં સુરક્ષા કવચ (એસ્કોર્ટ) પૂરું પાડી ભવ્ય સ્વાગત કર્યું હતું. એરપોર્ટ પર ખુદ રાષ્ટ્રપતિ શેખ મોહમ્મદ બિન જાયદ અલ નાહયાન તેમને લેવા પહોંચ્યા હતા, જ્યાં પીએમ મોદીને ‘ગાર્ડ ઓફ ઓનર’ આપવામાં આવ્યું હતું.
India Stands with UAE: સુરક્ષા અને આતંકવાદ પર ભારતનું મજબૂત સ્ટેન્ડ
દ્વિપક્ષીય બેઠક દરમિયાન પીએમ મોદીએ તાજેતરમાં UAE પર થયેલા હુમલાઓની આકરા શબ્દોમાં નિંદા કરી હતી. તેમણે ખાતરી આપી હતી કે:
- ભારતની પડખે: સંકટના સમયે ભારત હંમેશા UAEની સુરક્ષા માટે તેની સાથે મક્કમતાથી ઉભું છે.
- હોર્મુઝ સ્ટ્રેટ: વેપાર અને ઊર્જા પુરવઠાને અસર ન થાય તે માટે હોર્મુઝ જળમાર્ગને વહેલી તકે સુરક્ષિત રીતે કાર્યરત કરવા પર ભાર મૂક્યો હતો.
- ભારતીય સમુદાયની કાળજી: UAEમાં વસતા 45 લાખ ભારતીયોની પરિવારની જેમ કાળજી લેવા બદલ પીએમ મોદીએ રોયલ ફેમિલીનો આભાર માન્યો હતો.
India Stands with UAE: રક્ષણ અને ઊર્જા ક્ષેત્રે 5 અબજ ડોલરના કરારો
આ મુલાકાત ભારત માટે આર્થિક અને વ્યૂહાત્મક દ્રષ્ટિએ અત્યંત સફળ રહી છે. બંને દેશો વચ્ચે નીચે મુજબના મહત્વના MoU થયા છે:
- સામરિક રક્ષણ: સૈન્ય સંબંધોને મજબૂત કરવા માટે સંરક્ષણ ક્ષેત્રે મોટી સમજૂતી.
- ઊર્જા સુરક્ષા: પેટ્રોલિયમ રિઝર્વ અને LPG પુરવઠા માટે વ્યૂહાત્મક કરારો.
- ગુજરાતને ભેટ: ગુજરાતના વાડીનારમાં અદ્યતન ‘શિપ રિપેર ક્લસ્ટર’ સ્થાપવાની જાહેરાત.
- ભારે રોકાણ: ભારતીય ઇન્ફ્રાસ્ટ્રક્ચર, RBL બેન્ક અને સન્માન કેપિટલમાં કુલ 5 અબજ અમેરિકન ડૉલરનું રોકાણ કરાશે.
India Stands with UAE: ‘X’ પર પીએમ મોદીનો ભાવુક સંદેશ
વડાપ્રધાને રાષ્ટ્રપતિ નાહયાન સાથેની તસવીર શેર કરતા તેમને ‘ભાઈ’ કહી સંબોધ્યા હતા. તેમણે લખ્યું કે, આ ઉષ્માભર્યું સ્વાગત બંને દેશો વચ્ચેના ગાઢ પારિવારિક સંબંધોનું પ્રતીક છે.
India Stands with UAE: 5 દેશોની યાત્રાનો રોડમેપ
15 મે થી 20 મે દરમિયાન પીએમ મોદી પાંચ દેશોની મુલાકાત લેશે:
- UAE (પ્રથમ પડાવ)
- ત્યારબાદ નેધરલેન્ડ, સ્વીડન, નોર્વે અને ઈટાલીની મુલાકાત લેશે. આ યાત્રાનો મુખ્ય એજન્ડા ગ્રીન ડેવલપમેન્ટ, ટેકનોલોજી અને ગ્લોબલ ટ્રેડમાં ભારતનો પ્રભાવ વધારવાનો છે.
વધુ સમાચાર વાંચવા માટે અંહી ક્લિક કરો
માંડલમાં કાળમુખી ભેખડ ધસી પડી, રેતી ભરતા બે આશાસ્પદ યુવાનોના દટાઈ જવાથી મોત, પંથકમાં અરેરાટી
