Horrific Tragedy in Vadodara: વડોદરા જિલ્લામાં ગુરુવારે સાંજે અકસ્માતની બે અલગ-અલગ ઘટનાઓએ સમગ્ર પંથકમાં અરેરાટી વ્યાપી દીધી છે. એક ઘટનામાં હિટ-એન્ડ-રનનો ભોગ બનેલી મહિલાનું મૃત્યુ થયું હતું, જ્યારે બીજી ઘટનામાં નશામાં ધૂત કાર ચાલકે એક જ પરિવારના ત્રણ લોકોને અડફેટે લીધા હતા.
Horrific Tragedy in Vadodara: પ્રથમ ઘટના: હિટ-એન્ડ-રનનો આઘાતજનક કિસ્સો
સાવલી તાલુકાના પ્રથમપુરા ગામ પાસે એક હાઈવા ડમ્પરે રસ્તેથી પસાર થઈ રહેલી ૫૯ વર્ષીય શારદાબેન ભૂપેન્દ્રભાઈ પરમારને જોરદાર ટક્કર મારી હતી. ડમ્પરના પૈડાં ફરી વળવાથી મહિલાનું ઘટનાસ્થળે જ કરુણ મોત થયું હતું.
- પુત્રની હિંમત અને દુઃખદ સત્ય: અકસ્માત સર્જીને ડમ્પર ચાલક ભાગી છૂટ્યો હતો, પરંતુ ઘટનાસ્થળ પર હાજર અલ્પેશકુમાર પરમારે હિંમત દાખવી અન્ય એક બાઈક સવારની મદદથી ડમ્પરનો પીછો કર્યો હતો. લહેરીપુરા ગામ પાસે ડ્રાઈવર ડમ્પર મૂકીને ફરાર થઈ ગયો હતો. અલ્પેશકુમાર જાતે ડમ્પર ચલાવીને અકસ્માત સ્થળે પાછા ફર્યા ત્યારે તેમને જાણ થઈ કે જે મહિલાએ જીવ ગુમાવ્યો છે, તે અન્ય કોઈ નહીં પણ તેમની પોતાની માતા છે. આ દ્રશ્ય જોઈને પુત્ર ભાંગી પડ્યો હતો. પોલીસે ડમ્પરના આધારે અજાણ્યા ચાલક વિરુદ્ધ ગુનો નોંધી વધુ તપાસ હાથ ધરી છે.
Horrific Tragedy in Vadodara: બીજી ઘટના: નશામાં ધૂત કાર ચાલકનો આતંક
વડોદરા શહેરના ઐતિહાસિક માંડવી ગેટ પાસે મોડી રાત્રે એક ગમખ્વાર અકસ્માત સર્જાયો હતો. નશાની હાલતમાં પૂરઝડપે આવી રહેલી કારના ચાલકે એક્ટિવા પર જઈ રહેલા એક જ પરિવારના ત્રણ સભ્યોને ટક્કર મારી હતી.
- સ્થાનિકોનો રોષ: અકસ્માત બાદ ઉશ્કેરાયેલા ટોળાએ નશામાં ધૂત કાર ચાલકને મેથીપાક ચખાડ્યો હતો. પોલીસે ઘટનાસ્થળે પહોંચીને અકસ્માત સર્જનાર અશ્વિન પરમાર (રહે. વાસણા) નામના ૨૭ વર્ષીય યુવકની ધરપકડ કરી છે.
- ગંભીર ઈજાઓ: અકસ્માતમાં ઈજાગ્રસ્ત થયેલા ત્રણેય વ્યક્તિઓને તાત્કાલિક SSG હોસ્પિટલ ખસેડવામાં આવ્યા છે. આરોપી પાસે દારૂ પીવાની કોઈ પરમિટ ન હોવાથી તેની સામે પ્રોહિબિશન એક્ટ હેઠળ પણ ગુનો દાખલ કરવામાં આવ્યો છે.
એક જ દિવસમાં બનેલી આ બે ઘટનાઓએ વાહનચાલકોની બેદરકારી અને નશાખોરી સામે ફરી એકવાર ગંભીર પ્રશ્નો ઉભા કર્યા છે.
વધુ સમાચાર વાંચવા માટે અંહી ક્લિક કરો
ભાવનગરમાં કોમી એકતાનું અનોખું દ્રશ્ય: રથયાત્રાના ઉત્સાહ વચ્ચે પોલીસ દ્વારા યોજાઈ મહેંદી સ્પર્ધા
