Gujarat Oil Market: ગુજરાતમાં મોંઘવારી વચ્ચે ખાદ્યતેલના ભાવમાં વધુ એક વધારો જોવા મળી રહ્યો છે. સિંગતેલના 15 કિલોના ડબ્બાનો ભાવ ₹3,000ની સપાટી વટાવી ગયો છે. મગફળીનું વાવેતર ચાલુ વર્ષે વધ્યું હોવા છતાં નવા પાકની આવકમાં વિલંબ થતાં હાલ બજારમાં પુરવઠા પર દબાણ જોવા મળી રહ્યું છે.
Gujarat Oil Market: નવો પાક મોડો આવતા પુરવઠો ખોરવાયો
વેપારીઓના જણાવ્યા મુજબ ખેતરોમાંથી મગફળીનો નવો પાક હજુ સંપૂર્ણ પ્રમાણમાં માર્કેટ યાર્ડ અને તેલ મિલો સુધી પહોંચ્યો નથી. જેના કારણે હાલની તેલ મિલો જૂના સ્ટોક અને મર્યાદિત આવક પર નિર્ભર છે. મર્યાદિત પુરવઠાની સીધી અસર સિંગતેલના ભાવ પર જોવા મળી રહી છે.
Gujarat Oil Market: મગફળીના ભાવ અને પિલાણ ખર્ચની અસર
મગફળીના કાચા માલના ઊંચા ભાવ ઉપરાંત પિલાણ ખર્ચમાં વધારો થયો છે. સાથે જ સંગ્રહખોરીની આશંકાને કારણે બજારમાં કૃત્રિમ અછત અંગે પણ સવાલો ઉઠી રહ્યા છે. વેપાર ક્ષેત્રે આવા પરિબળો સિંગતેલના ભાવને વધુ ઉપર લઈ જઈ રહ્યા છે.
વૈશ્વિક પરિબળો પણ જવાબદાર
આંતરરાષ્ટ્રીય તણાવને કારણે આયાતી ખાદ્યતેલ, પરિવહન અને ઉત્પાદન ખર્ચમાં વધારો થયો છે. વૈશ્વિક બજારની આ અસર સ્થાનિક ખાદ્યતેલ બજાર પર પણ પડી રહી હોવાનું વેપારીઓનું માનવું છે.
તહેવારો પહેલાં ભાવવધારાથી ચિંતા
આગામી તહેવારોને કારણે ખાદ્યતેલની માંગમાં વધારો થવાની સંભાવના છે. નવા પાકની પૂરતી આવક થાય અને બજારમાં પુરવઠો વધે ત્યાં સુધી સિંગતેલના ભાવમાં તાત્કાલિક મોટી રાહત મળવાની શક્યતા ઓછી હોવાનું બજાર વર્તુળોમાં માનવામાં આવી રહ્યું છે.
વધુ સમાચાર વાંચવા માટે અંહી ક્લિક કરો: રાજ્યમાં સરેરાશ કરતાં 20% ઓછો વરસાદ, સૌરાષ્ટ્ર-કચ્છમાં મોટી ઘટ: નવસારી અને વલસાડમાં સરેરાશથી વધુ વરસાદ
