Gold Up ₹21,000 in 2026: ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનાનો ભાવ ₹542 વધીને ₹1.54 લાખ પર પહોંચ્યો છે. જ્યારે એક કિલો ચાંદીનો ભાવ ₹3,307 વધીને ₹2.39 લાખ થયો છે.
Gold Up ₹21,000 in 2026: આ વર્ષે સોનામાં ₹21 હજારનો વધારો
31 ડિસેમ્બર 2025ના રોજ 10 ગ્રામ સોનાનો ભાવ આશરે ₹1.33 લાખ હતો, જે હવે વધીને ₹1.54 લાખ થયો છે. એટલે કે 2026માં અત્યાર સુધી સોનાના ભાવમાં આશરે ₹21 હજારનો વધારો થયો છે.
ચાંદીનો ભાવ પણ 31 ડિસેમ્બર 2025ના ₹2.30 લાખ પ્રતિ કિલોથી વધીને હાલ ₹2.39 લાખ થયો છે. જોકે, આ વર્ષે 29 જાન્યુઆરીએ સોનું ₹1.76 લાખ અને ચાંદી ₹3.86 લાખ પ્રતિ કિલોના ઓલટાઇમ હાઇ પર પહોંચી હતી.
ડિસેમ્બર સુધી સોનું ₹1.70 લાખ સુધી પહોંચવાની શક્યતા
કોટક સિક્યોરિટીઝના સિનિયર વીપી અને કોમોડિટી રિસર્ચ હેડ અનિંદ્ય બેનર્જીના જણાવ્યા મુજબ, સામાન્ય રોકાણકારો ઉપરાંત વિશ્વની કેન્દ્રીય બેંકો, જેમાં RBIનો પણ સમાવેશ થાય છે, સોનાની ખરીદી કરી રહી છે. આ કારણે સોનાને સપોર્ટ મળી રહ્યો છે.
હાલની પરિસ્થિતિને ધ્યાનમાં લેતા ડિસેમ્બર સુધીમાં સોનું ₹1.70 લાખ અને ચાંદી ₹3 લાખ પ્રતિ કિલો સુધી પહોંચી શકે તેવી શક્યતા વ્યક્ત કરવામાં આવી છે.
સોનું ખરીદતા પહેલાં આ 3 બાબતોનું ધ્યાન રાખો
1. BIS હોલમાર્કવાળું સોનું ખરીદો: હંમેશા BIS હોલમાર્ક ધરાવતું સર્ટિફાઇડ ગોલ્ડ ખરીદવું જોઈએ. હોલમાર્કથી સોનાની શુદ્ધતા અંગે માહિતી મળે છે.
2. ભાવ ક્રોસ ચેક કરો: ખરીદી પહેલાં સોનાનું વજન અને તે દિવસનો ભાવ વિવિધ વિશ્વસનીય સ્રોતો પરથી તપાસવો જોઈએ. 24, 22 અને 18 કેરેટ સોનાના ભાવ અલગ હોય છે.
3. મેકિંગ ચાર્જની તપાસ કરો: જ્વેલર્સ દ્વારા લેવામાં આવતો મેકિંગ ચાર્જ નિશ્ચિત હોતો નથી. ખરીદી પહેલાં મેકિંગ ચાર્જનું બ્રેકઅપ માંગવું અને શક્ય હોય તો ભાવતાલ કરવી ફાયદાકારક બની શકે છે.
વધુ સમાચાર વાંચવા માટે અંહી ક્લિક કરો: અમેરિકામાં ‘ટ્રમ્પ ડિવિડન્ડ’નો દાવ, દરેક પુખ્ત નાગરિકને $5,000નું વચન
