મુંબઈમાં ગમખ્વાર અકસ્માત
કન્ટેનર પાંચ કારની ઉપર પલટી ગયું
અકસ્માતમાં બે લોકોએ જીવ ગુમાવ્યા
ચાર લોકો ગંભીર રીતે ઘાયલ
મુંબઈમાં બે અલગ-અલગ મોટા માર્ગ અકસ્માતો થયા હતા. જ્યાં પ્રથમ અકસ્માત મુંબઈ-પુણે એક્સપ્રેસ વે પર થયો હતો, જેમાં બે લોકોએ જીવ ગુમાવ્યા હતા. જ્યારે બીજી ઘટના બાંદ્રા-વરલી સી લિંકની છે, જ્યાં બે લોકો ઘાયલ થયા છે. રાયગઢના એસપી સોમનાથ ઘર્ગેએ જણાવ્યું હતું કે મુંબઈ-પુણે એક્સપ્રેસ વે પર એક કન્ટેનર પાંચ કારની ઉપર પલટી ગયું હતું, જેમાંથી પાંચેય કારને મોટા પ્રમાણમાં નુકસાન થયું હતું. આ દુખદ ઘટનામાં બે લોકોએ જીવ ગુમાવ્યા હતા.જ્યારે ચાર લોકો ગંભીર રીતે ઘાયલ થયા હતા. ખરગેએ જણાવ્યું કે ઘાયલોને હોસ્પિટલમાં લઈ જવામાં આવ્યા છે.
બીજી ઘટના મુંબઈના બાંદ્રા-વરલી સી લિંક રોડની છે. અહીં એક 19 વર્ષીય કોલેજ સ્ટુડન્ટે કથિત રીતે એક મર્સિડીઝ કારને બીજી કાર સાથે અથડાવી હતી, જેમાં બે લોકો ઘાયલ થયા હતા.વર્લી પોલીસ સ્ટેશનના અધિકારીએ જણાવ્યું કે આ ઘટના રવિવારે સવારે બની હતી. આરોપીની ઓળખ જય બનસોડે તરીકે કરવામાં આવી હતી.જે ભાયંદરનો રહેવાસી છે આરોપી તેના સંબંધીની કાર ચલાવતો હતો. ત્યારબાદ તે બીજી કાર સાથે અથડાઈને ત્યાંથી ભાગી ગયો હતો, પરંતુ પોલીસે કારના રજીસ્ટ્રેશન નંબરની મદદથી તેને પકડી લીધો હતો અને કાર કબજે કરી હતી. જોકે, ઘટના સમયે આરોપી નશામાં ન હતો.પ્રાથમિક માહિતીના આધારે, બંસોડની ધરપકડ કરવામાં આવી હતી અને તેની સામે બેદરકારીપૂર્વક ડ્રાઇવિંગ અને અન્ય કાયદાકીય જોગવાઈઓ માટે કેસ નોંધવામાં આવ્યો હતો. દરમિયાન, ઘાયલોની ઓળખ દીપક કસ્તુરી અને અંજલિ અગ્રવાલ તરીકે થઈ છે, જેમની હોસ્પિટલમાં સારવાર ચાલી રહી છે અને તેઓ ખતરાની બહાર છે.
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
