Fuel Price Hike: દેશમાં સામાન્ય જનતા પર મોંઘવારીનો બોજ સતત વધી રહ્યો છે. આંતરરાષ્ટ્રીય બજારમાં ક્રૂડ ઓઈલના ભાવમાં થયેલા ઉછાળાને કારણે તેલ કંપનીઓએ ફરી એકવાર ઈંધણના ભાવમાં મોટો વધારો ઝીંક્યો છે. છેલ્લા 9 દિવસમાં આ ત્રીજો ભાવવધારો છે, જેના કારણે સામાન્ય નાગરિકોથી લઈને ખેડૂતો સુધીના તમામ વર્ગોનું બજેટ ખોરવાઈ જશે.
Fuel Price Hike: અમદાવાદ અને દિલ્હીમાં નવી કિંમતો
આજના વધારા બાદ દેશના મુખ્ય શહેરોમાં પેટ્રોલ અને ડીઝલના ભાવ આ સપાટીએ પહોંચ્યા છે:
| શહેર | પેટ્રોલ (પ્રતિ લિટર) | ડીઝલ (પ્રતિ લિટર) | ફેરફાર (પૈસામાં) |
| અમદાવાદ | ₹99.07 | ₹94.99 | – |
| દિલ્હી | ₹99.51 | ₹92.49 | પેટ્રોલ +87 પૈસા, ડીઝલ +91 પૈસા |
CNG પણ મોંઘો થયો: માત્ર પેટ્રોલ-ડીઝલ જ નહીં, દિલ્હી-એનસીઆરમાં CNGના ભાવમાં પણ ₹1 પ્રતિ કિલોનો વધારો કરાયો છે, જેના પછી ત્યાં નવો ભાવ ₹81.09 થઈ ગયો છે. 10 દિવસમાં CNGમાં આ ત્રીજો વધારો છે.
Fuel Price Hike: 9 દિવસમાં ₹5 સુધીનો તોતિંગ વધારો
છેલ્લા થોડા દિવસોમાં જ ઈંધણના ભાવ આસમાને પહોંચ્યા છે:
- આજે: પેટ્રોલ 87 પૈસા અને ડીઝલ 91 પૈસા મોંઘું થયું.
- 19 મે: સરેરાશ 90 પૈસા પ્રતિ લિટરનો વધારો કરાયો હતો.
- 15 મે: કિંમતોમાં સીધો ₹3 પ્રતિ લિટરનો મોટો વધારો ઝીંકાયો હતો.
Fuel Price Hike: સામાન્ય જનજીવન અને ખેતી પર શું અસર થશે?
પેટ્રોલ-ડીઝલના ભાવ વધવાના કારણે આગામી દિવસોમાં અન્ય ચીજવસ્તુઓ પણ મોંઘી થવાની પૂરી આશંકા છે:
- મોંઘું થશે માલભાડું: ટ્રક અને ટેમ્પોના ભાડા વધવાથી અન્ય રાજ્યોમાંથી આવતા શાકભાજી, ફળ અને કરિયાણું મોંઘા થશે.
- ખેતી ખર્ચમાં વધારો: ટ્રેક્ટર અને પમ્પિંગ સેટ ચલાવવા માટે ખેડૂતોને વધુ ડીઝલ બાળવું પડશે, જેથી અનાજના ઉત્પાદનનો ખર્ચ વધશે.
- મુસાફરી મોંઘી: જાહેર પરિવહન, ઓટો અને સ્કૂલ બસોના ભાડામાં પણ વધારો થઈ શકે છે.
Fuel Price Hike: શા માટે વધી રહ્યા છે ભાવ?
આ વધારા પાછળ વૈશ્વિક પરિબળો જવાબદાર છે. ઈરાન અને અમેરિકા વચ્ચે સર્જાયેલી યુદ્ધની સ્થિતિ પહેલાં ક્રૂડ ઓઈલ (કાચું તેલ) $70 પ્રતિ બેરલ હતું, જે હવે $100 પ્રતિ બેરલને પાર થઈ ગયું છે.
સરકારી તેલ કંપનીઓ (IOC, BPCL, HPCL) ને આંતરરાષ્ટ્રીય મોંઘા ક્રૂડના કારણે દર મહિને આશરે ₹30,000 કરોડનું નુકસાન થઈ રહ્યું હતું. આ નુકસાનની ભરપાઈ કરવા માટે કિંમતો વધારવી કંપનીઓ માટે અનિવાર્ય બન્યું હતું. જો આંતરરાષ્ટ્રીય બજારમાં તેજી યથાવત રહેશે, તો આગામી દિવસોમાં ભાવ હજુ પણ વધી શકે છે.
પીએમ મોદીની અપીલ: ‘ઈંધણનો ઉપયોગ સંયમથી કરો’
તાજેતરમાં જ વડાપ્રધાન નરેન્દ્ર મોદીએ પશ્ચિમ એશિયાના ભૌગોલિક-રાજકીય સંજોગોને જોતા દેશવાસીઓને સાવચેતીપૂર્વક ઈંધણ વાપરવા સલાહ આપી છે. તેમણે કહ્યું, “આજે સમયની માંગ છે કે પેટ્રોલ, ડીઝલ અને ગેસનો ઉપયોગ ખૂબ સંયમથી કરીએ. આનાથી વિદેશી મુદ્રા તો બચશે જ, સાથે યુદ્ધની પ્રતિકૂળ અસરો પણ ઓછી થશે.”
વધુ સમાચાર વાંચવા માટે અંહી ક્લિક કરો: બ્રિટન સામે એશિયન દેશોનો મોટો ખેલ, પરસ્પર દુશ્મનાવટ ભૂલી ભારત, ચીન અને જાપાન WTOમાં એકસાથે!
