Flood-Like Scenes at Ahmedabad Airport? અમદાવાદમાં વરસેલા ધોધમાર વરસાદ બાદ હવે સોશિયલ મીડિયા પર એરપોર્ટ પરિસરના કેટલાક વીડિયો વાયરલ થઈ રહ્યા છે, જેમાં એરપોર્ટની સ્થિતિ સામે આવી છે. વાયરલ થયેલા આ વીડિયોમાં અમદાવાદ એરપોર્ટના ચાર્ટર પ્લેન પાર્કિંગ વિસ્તારમાં ઘૂંટણસમા પાણી ભરાયેલા સ્પષ્ટ નજરે પડે છે.
Flood-Like Scenes at Ahmedabad Airport? વીડિયોમાં બોટનો સહારો લેવાયાના દૃશ્યો
સોશિયલ મીડિયા પર ફરતા થયેલા આ વીડિયોમાં પાણીના ભારે ભરાવા વચ્ચે એરપોર્ટ વિસ્તારમાં અવર-જવર માટે બોટનો સહારો લેવામાં આવ્યો હોવાના દૃશ્યો પણ સામે આવ્યા છે. ભારે વરસાદના કારણે એરપોર્ટના અમુક વિસ્તારોમાં પાણી ભરાઈ જવાથી કામગીરી પર પણ તેની અસર પડી હોવાની ચર્ચાઓ જોરશોરથી ચાલી રહી છે.
વીડિયોની સત્તાવાર પુષ્ટિ બાકી
બીજી તરફ, આ વાયરલ વીડિયોને લઈને એવા દાવા પણ કરવામાં આવી રહ્યા છે કે આ દૃશ્યો બે દિવસ પહેલાના છે, જ્યારે શહેરમાં અતિભારે વરસાદ ખાબક્યો હતો. જોકે, એરપોર્ટ પ્રશાસન કે સત્તાવાર સૂત્રો તરફથી આ વીડિયોની હજુ સુધી કોઈ પુષ્ટિ કરવામાં આવી નથી.
વધુ સમાચાર વાંચવા માટે અંહી ક્લિક કરો: રાજોડા ગામમાં ભારતીય સેનાનું ઓપરેશન જારી: એમેઝોન ગોડાઉન પાસેથી ૪૦ કલાકથી ફસાયેલા ૮૨ લોકોનું સફળ રેસ્ક્યૂ
