Fighter Review : ઋતિક રોશન અને દીપિકા પાદુકોણની ફિલ્મ ફાઈટર ગુરુવારે રિલીઝ થઈ ગઈ છે. થિયેટર્સમાં ફિલ્મે ગ્રાન્ડ એન્ટ્રી કરી છે કેમ કે રિલીઝ સાથે જ એક્સ પર ફાઈટર ફર્સ્ટ ડે ફર્સ્ટ શો ટ્રેન્ડ કરવા લાગ્યુ છે. ફાઈટર ગણતંત્ર દિવસના અવસરે રિલીઝ થઈ છે. દરમિયાન ફિલ્મને એક લાંબો વીકેન્ડ મળવાનો છે. જો તમે પણ પરિવાર સાથે આ પેટ્રિયોટિક ફિલ્મને જોવાનું વિચારી રહ્યા છો તો એકવાર અમારો આ અહેવાલ વાંચી લેજો…
Fighter Review : તમારા મતે કોઈ એક એક્શન ફિલ્મ કેવી હોવી જોઈએ, પાકિસ્તાનનો કોઈ ઉન્મત્ત વિલન હોવો જોઈએ, હીરો આપણો સૈનિક હોવો જોઈએ, કોઈ દર્દનાક લાગણીઓ હોવી જોઈએ, સાથે એક-બે સિઝલિંગ ગીતો જોઈએ… બસ આ હિન્દી સિનેમાની બોક્સ ઓફિસની નવીનતમ ફોર્મ્યુલા છે. એ વાત સાચી છે કે એક્શન ફિલ્મો વિશ્વભરમાં સૌથી વધુ કમાણી કરતી ફિલ્મ શ્રેણી છે, પરંતુ ફિલ્મ ‘ફાઇટર’ મસાલા ફિલ્મ કરતાં ભારતીય વાયુસેનાની શો રીલ વધુ છે. ફિલ્મ બતાવે છે કે જો ભારતીય વાયુસેના એકવાર નક્કી કરી લે છે તો પડોશી દેશોના લોકો ભારત તરફ જોવાનું પણ બીજીવાર નહિ વિચારે.
ફિલ્મ ‘ફાઇટર’ની સરખામણી ટોમ ક્રૂઝની ફિલ્મ ‘ટોપ ગન’ અને ‘ટોપ ગન માવેરિક’ સાથે કરવામાં આવશે, જે લોકોએ કંગના રનૌતની ‘તેજસ’ જોઈ છે તેમને પણ તેની સાથે સમાનતા જોવા મળશે, પરંતુ આ ફિલ્મ રિતિક રોશન અને દીપિકા પાદુકોણની છે. અને, આ બે પરિબળો સિનેમાઘરોમાં ફિલ્મ ‘ફાઇટર’ જોવા માટે પૂરતા છે.
Fighter Review : જોકે ફિલ્મની શરૂઆત બહુ ખાસ નથી લાગતી. સિદ્ધાર્થની પાછલી ફિલ્મ ‘પઠાણ’ જેવી આ ફિલ્મને લઈને લોકોમાં કોઈ ઉત્સુકતા નથી. વધુ બે કારણોને લીધે ફિલ્મ નબળી જણાય છે. પ્રથમ તો આ ફિલ્મ ભારતીય વાયુસેનાની શો રીલ લાગે છે. અને, બીજું, પુલવામા હુમલાને લગતી અલગ-અલગ થિયરીઓને ખતમ કરીને, તેને પાકિસ્તાન પ્રાયોજિત ઘટના તરીકે સ્થાપિત કરવાનો પ્રયાસ કરે છે. બંને પરિબળો ફિલ્મને પ્રોત્સાહન આપે છે પરંતુ ફિલ્મમાં ભારતીય વાયુસેનાના ફાઇટર પ્લેન કે હેલિકોપ્ટર એરોબેટિક્સ કરતા જોવા મળે છે, તે દ્રશ્યો રોમાંચક છે, પણ ફિલ્મની વાર્તા એવી નથી કે લોકો તેને ચાર-પાંચ વર્ષ પછી ફરીથી જોવા માંગે.
Fighter Review : શું કહે છે વ્યુવર્સ ?
ઈન્ટરવલ પહેલા ફાઈટરનો રિવ્યૂ આપતા એક યૂઝરે કહ્યુ, ધ્યાન ખેંચનાર સ્ક્રીનપ્લે તમામ એક્ટર્સની એક્ટિંગ શાનદાર છે. દીપિકા પાદુકોણ તમામ લાઈમલાઈટ લઈ જાય છે અને ઋતિક રોશન ફિલ્મની યુએસપી છે. પ્લોટ રસપ્રદ છે. સિદ્ધાર્થ આનંદનું ડાયરેક્શન તાળીઓના લાયક છે. ફાઈટર એક વિનર છે.
ફિલ્મના એરિયલ એક્શન વિશે જણાવતા એક અન્ય યૂઝરે કહ્યુ, ફાઈટરના એરિયલ શોટ્સ માત્ર જોવામાં સારા લાગતા નથી. આ તમારા શ્વાસ રોકી દે છે. ઋતિક રોશનની ફિલ્મ સારી છે.
Fighter Review : શું VFXએ ઈમ્પ્રેસ કર્યા?
દીપિકા પાદુકોણ અને ઋતિક રોશનની કેમેસ્ટ્રીના વખાણ કરતા એક યૂઝરે કહ્યુ, ઋતિક અને દીપિકાની વચ્ચેની કેમેસ્ટ્રી જોરદાર છે, એક્શન હાઈ લેવલનું છે. વીએફએક્સ, સિનેમેટોગ્રાફી, બીજીએમ, સ્ટોરીલાઈન અને સિદ્ધાર્થ આનંદનું ડાયરેક્શન ટોપ છે. શરૂઆતથી અંત સુધી રૂંવાડા ઊભા કરી દેનારુ છે.
