Covishield Vaccine: મેં કોવિશિલ્ડ રસી લીધી છે, શું મારે ડરવું જોઈએ? જવાબ અહીં જાણો

Covishield Vaccine: બ્રિટિશ ફાર્માસ્યુટિકલ કંપની એસ્ટ્રાઝેનેકાએ એક એવો ખુલાસો કર્યો છે જેણે બધાને ચિંતામાં મૂકી દીધા છે. કંપનીએ બ્રિટિશ કોર્ટમાં સ્વીકાર્યું છે કે તેની રસીના કારણે કેટલાક કિસ્સાઓમાં, રસીકરણ પછી લોહી ગંઠાઈ જવા અને પ્લેટલેટની સંખ્યા ઓછી થઈ શકે છે. એસ્ટ્રાઝેનેકા અને ઓક્સફોર્ડ યુનિવર્સિટીએ સંયુક્ત રીતે આ રસીને બનાવી છે. પુણેની સીરમ ઇન્સ્ટિટ્યૂટએ બનાવી છે. ભારતમાં તેને કોવિશિલ્ડ (Covishield Vaccine) તરીકે ઓળખવામાં આવે છે અને લગભગ 175 કરોડ ડોઝ આપવામાં આવ્યા છે.

વેક્સિન મળ્યા બાદ કંપની પર નુકસાનીનો દાવો કરવામાં આવ્યો હતો. એક અહેવાલ મુજબ, જવાબમાં કંપનીએ સ્વીકાર્યું કે તે થ્રોમ્બોસાયટોપેનિયા સિન્ડ્રોમ (TTS) સાથે થ્રોમ્બોસિસનું કારણ બની શકે છે. જોકે આવું પહેલીવાર થઈ રહ્યું છે કે કદાચ કંપનીએ તેનો સ્વીકાર કર્યો છે. યુરોપમાં રસીકરણ અભિયાન શરૂ થયાના મહિનાઓમાં પ્રથમ કેસ નોંધાયા હતા. પાછળથી કેટલાક દેશોએ એસ્ટ્રાઝેનેકા રસીનો (Covishield Vaccine) ઉપયોગ બંધ કરી દીધો.

Covishield Vaccine મામલે નિષ્ણાતો શું કહે છે

નિષ્ણાતો કહે છે કે યુરોપિયન દેશોમાં રોગચાળાના પ્રારંભિક તબક્કામાં થ્રોમ્બોસિસ વિથ થ્રોમ્બોસાયટોપેનિયા સિન્ડ્રોમ (TTS)ની ઓળખ કરવામાં આવી હતી, પરંતુ ભારતમાં તેની ઘટના અત્યંત અસામાન્ય હતી.

એક ન્યુઝ પેપરના અહેવાલ મુજબ, રસીકરણ અભિયાન પર ચર્ચામાં ભાગ લેનાર આરોગ્ય મંત્રાલયના એક વરિષ્ઠ અધિકારીએ કહ્યું, ‘ટીટીએસ એ ખૂબ જ દુર્લભ આડઅસર છે, તે યુરોપિયનો કરતાં ભારતીયો અને દક્ષિણ એશિયનોમાં પણ દુર્લભ છે. એવા પૂરતા પુરાવા છે કે રસીએ જીવન બચાવ્યું છે. તેના ફાયદા જોખમો કરતા વધારે છે. તદુપરાંત, જોખમો માત્ર દુર્લભ જ નથી, પણ રસીના પ્રથમ ડોઝ પછીના પ્રથમ અઠવાડિયામાં તે દૃશ્યમાન પણ થઈ જાય છે. ઘણા ભારતીયોએ ત્રણ રસી લગાવી છે અને રસી મેળવ્યામાં ઘણો સમય વીતી ગયો છે.

શું રસી મેળવનારાઓને ડરવાની જરૂર છે?

કોવિડ-19 રસીઓ માટે WHO સુરક્ષા સલાહકાર સમિતિમાં રહેલા ડૉ. ગગનદીપ કાંગે કહ્યું, ‘લોકોને ખાતરી આપવી મહત્વપૂર્ણ છે કે ટીટીએસનું જોખમ રસીકરણ પછી તરત જ થાય છે. આપણે બધા હવે આમાંથી ખૂબ આગળ આવ્યા છીએ.

અશોકા યુનિવર્સિટીના ત્રિવેદી સ્કૂલ ઑફ બાયોસાયન્સિસ એન્ડ હેલ્થ રિસર્ચના ડીનના જણાવ્યાનુસાર, ‘આ આશ્ચર્યજનક છે કે લોકો હવે પ્રતિસાદ આપી રહ્યા છે. રસીકરણ ઝુંબેશ ચાલી રહી હતી ત્યારે પણ, દુર્લભ આડઅસરો સારી રીતે દસ્તાવેજીકૃત અને વૈજ્ઞાનિક રીતે સ્વીકારવામાં આવી હતી.

રોગચાળામાં રસીકરણના ફાયદા તેના જોખમો કરતાં વધુ છે. 2022 માં લેન્સેટ ગ્લોબલ હેલ્થ અધ્યયનમાં જાણવા મળ્યું છે કે એસ્ટ્રાઝેનેકાએ પ્રથમ ડોઝ મેળવનારા પ્રતિ મિલિયન લોકોમાં 8.1 લોકોમાં અને બીજા ડોઝ મેળવનારા પ્રતિ મિલિયન લોકોમાં 2.3 લોકોમાં TTS કેસ થયા હતા.

લેટેસ્ટ સમાચાર માટે અહી કલિક કરો

યુ-ટ્યુબ ચેનલમાં શોર્ટ્સ જોવા અહીં કલિક કરો

ગુજરાતના મહત્વના સમાચાર માટે અહીં ક્લિક કરો

રોમાંચક સમાચાર માટે અહીં ક્લિક કરો