China’s AI Robot Cops: ચીનમાં ટ્રાફિક વ્યવસ્થાને વધુ ટેક્નોલોજી આધારિત બનાવવાના પ્રયાસો વચ્ચે હવે રસ્તા પર ‘રોબોટ પોલીસ’ તૈનાત કરવામાં આવી છે. હાંગઝોઉ શહેરમાં AI આધારિત 15 ટ્રાફિક રોબોટ મે 2026થી કામગીરી કરી રહ્યા છે. અત્યાર સુધીમાં આ રોબોટે 1.70 લાખથી વધુ ટ્રાફિક નિયમભંગના કેસોમાં વાહનચાલકો અને રાહદારીઓને ચેતવણી આપી હોવાનું સામે આવ્યું છે.
China’s AI Robot Cops: કેમેરા અને રડારથી નિયમભંગની ઓળખ
આ રોબોટમાં કેમેરા, રડાર અને ઓનબોર્ડ કમ્પ્યુટિંગ સિસ્ટમ જેવી ટેક્નોલોજીનો ઉપયોગ કરવામાં આવ્યો છે. આ સિસ્ટમની મદદથી રોબોટ ટ્રાફિક નિયમોનું ઉલ્લંઘન કરનારાઓને ઓળખી શકે છે. હેલ્મેટ વગર વાહન ચલાવવું, સ્ટોપલાઇન ઓળંગવી અને રેડ સિગ્નલ દરમિયાન રસ્તો ક્રોસ કરવા જેવી ગતિવિધિઓ પણ રોબોટની નજરમાંથી બચી શકતી નથી.
આ ઉપરાંત રોબોટ માત્ર નિયમભંગની ઓળખ જ નથી કરતો, પરંતુ પોલીસની જેમ હાથના સંકેતો આપીને ટ્રાફિકનું સંચાલન કરવામાં પણ મદદ કરે છે. આમ, વ્યસ્ત રસ્તાઓ પર ટ્રાફિક વ્યવસ્થા જાળવવામાં ટેક્નોલોજીની ભૂમિકા વધી રહી છે.
China’s AI Robot Cops: દંડ નહીં, નિયમ પાલન માટે ચેતવણી
આ રોબોટ પોલીસને હાલ દંડ ફટકારવાની સત્તા આપવામાં આવી નથી. તેમનો મુખ્ય હેતુ ટ્રાફિક નિયમોનું ઉલ્લંઘન કરનાર લોકોને તાત્કાલિક ચેતવણી આપવાનો અને ટ્રાફિક શિસ્તમાં સુધારો લાવવાનો છે.
હાંગઝોઉમાં આ પ્રકારના AI આધારિત રોબોટનો ઉપયોગ દર્શાવે છે કે શહેરોમાં ટ્રાફિક મેનેજમેન્ટ માટે આર્ટિફિશિયલ ઇન્ટેલિજન્સ અને રોબોટિક્સનો ઉપયોગ ઝડપથી વધી રહ્યો છે. ભવિષ્યમાં આવી ટેક્નોલોજી ટ્રાફિક નિયમોના પાલન અને માર્ગ સુરક્ષામાં કેટલી અસરકારક સાબિત થાય છે તે જોવું મહત્વપૂર્ણ રહેશે.
વધુ સમાચાર વાંચવા માટે અંહી ક્લિક કરો: સપ્ટેમ્બરની શરૂઆતમાં ગુજરાતમાં વરસાદી માહોલ: તા. 1થી 5 દરમિયાન સૌરાષ્ટ્ર-ગુજરાતમાં વરસાદની શક્યતા
