Chaitra Amas Tithi : આ વર્ષે ચૈત્ર મહિનાની અમાવસ્યા તિથિમાં ફેરફારને કારણે બે દિવસ સુધી રહેશે. અમાસ તારીખ 7 મેના રોજ સવારે 10.45 વાગ્યાથી શરૂ થઈ 8 મેના રોજ સવારે 8.45 વાગ્યા સુધી રહેશે. આ અમાવસ્યાને સતુવાઈ અમાવસ્યા કહેવાય છે. અત્યારે ઉનાળાનો સમય છે, તેથી અમાવસ્યા પર પાણીનું દાન કરવો જોઈએ. જાણો અમાવસ્યા પર કયા-કયા કાર્યો કરી શકાય છે…
જ્યોતિષાચાર્યો અનુસાર, ચૈત્ર અમાવસ્યા પર જરૂરિયાતમંદ લોકોને જૂતાં, ચપ્પલ અને છત્રી દાન કરવા જોઈએ. શાસ્ત્રોમાં અમાવસ્યાને પર્વ તરીકે પણ વર્ણવવામાં આવ્યું છે. આ તહેવારની શરૂઆત સૂર્યને અર્ઘ્ય અર્પણ કરીને કરવી જોઈએ.
Chaitra Amas : પિતૃઓ માટે શ્રાદ્ધ કરો
અમાવસ્યા પર પિતૃઓ માટે શ્રાદ્ધ વિધિ અવશ્ય કરવી જોઈએ. આ વખતે શ્રાદ્ધની અમાવસ્યા 7 મેના રોજ છે, આ તિથિ લગભગ સવારે 10.45 વાગ્યાથી શરૂ થશે અને બીજા દિવસે એટલે કે 8 મેના રોજ સવારે 8.45 કલાકે પૂરી થશે. પૂર્વજો માટે ધૂપ-ધ્યાન ફક્ત બપોરે કરવામાં આવે છે, તેથી 7મી મે શ્રાદ્ધ કરવા માટે શ્રેષ્ઠ દિવસ છે.
સાથે જ બપોરે ગાયના છાણાં પ્રગટાવો અને જ્યારે ધુમાડો નીકળતો બંધ થઈ જાય ત્યારે ગોળ અને ઘીનો ધૂપ કરવો જોઈએ. આ અમાવસ્યા પર પવિત્ર નદીમાં સ્નાન કરી નદીના કિનારે જ દાન કરવો જોઈએ.
દિવસની શરૂઆત સૂર્ય પૂજાથી કરો
અમાવસ્યાના દિવસે સવારે વહેલા ઉઠો અને સ્નાન કર્યા પછી સૂર્યદેવને અર્ઘ્ય અર્પણ કરો. આ માટે તાંબાના વાસણનો ઉપયોગ કરો. અર્ઘ્ય અર્પણ કરતી વખતે ઓમ સૂર્યાય નમઃ મંત્રનો જાપ કરવો જોઈએ. સૂર્યને પીળા ફૂલ અર્પણ કરો. સૂર્ય ભગવાન માટે ગોળનું દાન કરો. તમે મંદિરમાં પૂજા માટે ઉપયોગમાં લેવાતા તાંબાના વાસણો દાન કરી શકો છો.
Chaitra Amas : આ વસ્તુઓનું દાન કરો
જો શક્ય હોય તો સાર્વજનિક સ્થાન પર પરબ રાખો અથવા માટલું અને પાણી પણ દાન કરી શકો છો.
જરૂરિયાતમંદ લોકોને ભોજન આપવું પણ સારું રહેશે. કેરી, તરબૂચ, શક્કરટેટી જેવા મોસમી ફળોનું દાન કરવાથી પણ લાભ મળશે.
જૂતા, ચપ્પલ, સુતરાઉ કપડાં અને છત્રી પણ દાન કરી શકો છો. ગાયના આશ્રયમાં ગાયોની સંભાળ લેવા માટે પૈસા દાન કરો અને ગાયોને લીલું ઘાસ ખવડાવો.
પક્ષીઓ માટે ખોરાક અને પાણી રાખો
ઘરની છત પર અથવા અન્ય કોઈપણ જાહેર સ્થળે પક્ષીઓ માટે ખોરાક અને પાણી રાખો.
આ રીતે કરો ભગવાન શિવનો અભિષેક
ચૈત્ર મહિનાની અમાવસ્યાના દિવસે ઓમ નમઃ શિવાય મંત્રનો જાપ કરતી વખતે શિવલિંગને ઠંડુ જળ ચઢાવવો જોઈએ. બિલ્વપત્ર, ધતુરા,પવિત્ર દોરો, ચોખા વગેરે જેવી પૂજા સામગ્રી અર્પણ કરવી જોઈએ. મીઠાઈઓ અર્પણ કરો. ધૂપ-દીપ પ્રગટાવો, આરતી કરો. પૂજા પછી પ્રસાદ વહેંચો અને જાતે પણ લો. મંદિરમાં શિવલિંગ માટે માટીનું વાસણ પણ દાન કરી શકો છો.
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો, હિંદી સમાચાર વાંચવા – અહી ક્લિક કરો, રોમાંચક સમાચાર માટે અહીં ક્લિક કરો
Discover more from VR LIVE GUJARAT: Gujarat News
Subscribe to get the latest posts to your email.
