Caught from Kapodra: સુરતની સચીન GIDC પોલીસે એક મોટી સફળતા મેળવીને છેલ્લા સાડા ચાર વર્ષથી કાયદાના હાથથી બચીને નાસતા ફરતા એક કુખ્યાત આરોપીને ઝડપી પાડ્યો છે. પકડાયેલો આરોપી મધ્યપ્રદેશના અલીરાજપુર જિલ્લાની કુખ્યાત ‘ચૌગડ ગેંગ’ સાથે સંકળાયેલો છે અને સુરતમાં વાહન ચોરીના અનેક ગુનાઓમાં વોન્ટેડ હતો.
Caught from Kapodra: ટેકનિકલ સર્વેલન્સ અને હ્યુમન ઇન્ટેલિજન્સની મદદથી ધરપકડ
સુરત પોલીસના ઉચ્ચ અધિકારીઓના માર્ગદર્શન હેઠળ સચીન GIDC પોલીસની સર્વેલન્સ ટીમે આ ઓપરેશન પાર પાડ્યું હતું. પોલીસે હ્યુમન ઇન્ટેલિજન્સ અને ટેકનિકલ સર્વેલન્સનો સચોટ ઉપયોગ કરીને આરોપી સચીન ઉર્ફે નેહાલસિંગ જુગડીયા ઉર્ફે બેગડીયા ચૌગડને ઝડપી લીધો છે. મૂળ મધ્યપ્રદેશનો આ આરોપી અત્યારે સુરતના કાપોદ્રા વિસ્તારમાં છુપાઈને રહેતો હતો.
Caught from Kapodra: વાહન ચોરીના ૧૦ ગુનાઓનો ભેદ ઉકેલાયો
પોલીસની પ્રાથમિક તપાસમાં સામે આવ્યું છે કે ઝડપાયેલા આરોપી વિરૂદ્ધ વર્ષ ૨૦૨૨ દરમિયાન સુરતના સચીન GIDC અને પાંડેસરા પોલીસ સ્ટેશનમાં વાહન ચોરીના કુલ ૧૦ જેટલા ગુનાઓ નોંધાયેલા છે. આ તમામ ગુનાઓમાં તે લાંબા સમયથી ફરાર હતો.
આ કુખ્યાત આરોપીની ધરપકડ થવાથી વાહન ચોરીના અન્ય કેટલાક વણઉકેલાયેલા ગુનાઓ પરથી પણ પડદો ઊંચકાય તેવી પૂરી શક્યતા છે. સચીન GIDC પોલીસે હાલ આરોપીની અટકાયત કરી વધુ પૂછપરછ અને કાયદેસરની કાર્યવાહી હાથ ધરી છે.
વધુ સમાચાર વાંચવા માટે અંહી ક્લિક કરો: ગુજરાતમાં મેઘરાજાની ધમાકેદાર એન્ટ્રી, નર્મદામાં પ્રચંડ 3.35 ઈંચ વરસાદ સાથે નદીઓમાં ઘોડાપૂર, આગામી 48 કલાક ભારે!
