Bull Run: વૈશ્વિક બજારમાંથી આવેલા પોઝિટિવ સમાચારોને પગલે આજે ૨૫ મેના રોજ ભારતીય શેરબજારમાં દિવાળી જેવો માહોલ જોવા મળ્યો હતો. સપ્તાહના શરૂઆતના કારોબારમાં જ રોકાણકારોએ ચોમેરથી ખરીદી વધારતા બંને મુખ્ય ઇન્ડેક્સ નવી ઐતિહાસિક ઊંચાઈ પર બંધ થયા છે.
આજના કારોબારી સત્રના અંતે બોમ્બે સ્ટોક એક્સચેન્જનો સૂચકાંક સેન્સેક્સ ૧૦૭૪ પોઈન્ટ (૧.૪૨%) ના તોતિંગ ઉછાળા સાથે ૭૬,૪૮૮ પોઈન્ટ પર બંધ થયો હતો. જ્યારે નેશનલ સ્ટોક એક્સચેન્જનો ઇન્ડેક્સ નિફ્ટી પણ ૩૧૨ પોઈન્ટ (૧.૩૨%) ની છલાંગ લગાવીને ૨૪,૦૩૨ ની ઐતિહાસિક સપાટી પર બંધ આવ્યો હતો. આજના ટ્રેડિંગમાં ઓટો, બેન્કિંગ અને રિયલ્ટી સેક્ટરના શેરોમાં સૌથી વધુ ચમક જોવા મળી હતી. સેન્સેક્સના ૩૦ મુખ્ય શેરોમાંથી ૨૮ શેરો લીલા નિશાન સાથે (તેજીમાં) બંધ થયા હતા.
Bull Run: બજારમાં અચાનક આવેલી તેજીનું મુખ્ય કારણ શું?
શેરબજારમાં આવેલા આ ભવ્ય ઉછાળા પાછળ પશ્ચિમ એશિયાના ભૌગોલિક-રાજકીય સંજોગો જવાબદાર છે:
- ઈરાન-અમેરિકા વચ્ચે શાંતિ કરાર: અમેરિકી રાષ્ટ્રપતિ ડોનાલ્ડ ટ્રમ્પે દાવો કર્યો છે કે ઈરાન યુદ્ધ સમાપ્ત કરવાનો કરાર ‘લગભગ ફાઇનલ’ થઈ ગયો છે.
- સ્ટ્રેટ ઓફ હોર્મુઝ ખુલશે: આ કરાર હેઠળ વિશ્વની કુલ તેલ સપ્લાયનો ૧/૫ ભાગ જ્યાંથી પસાર થાય છે તે દરિયાઈ માર્ગ (સ્ટ્રેટ ઓફ હોર્મુઝ) ફરી ખોલવામાં આવશે.
બીજી બાજુ અસર: શાંતિ કરારની આશા વચ્ચે તેલ કંપનીઓએ આજે સ્થાનિક બજારમાં પેટ્રોલ ₹૨.૬૧ અને ડીઝલ ₹૨.૭૧ પ્રતિ લિટર મોંઘું કર્યું છે, જેના કારણે દિલ્હીમાં પેટ્રોલ ₹૧૦૨.૧૨ પર પહોંચ્યું છે.
Bull Run: વૈશ્વિક બજારોની સ્થિતિ પર એક નજર
એશિયન અને અમેરિકી બજારોમાં પણ મજબૂત સુધારો જોવા મળ્યો હતો, જેની સીધી પોઝિટિવ અસર ભારતીય સેન્ટિમેન્ટ પર પડી:
એશિયન માર્કેટ્સ (આજની સ્થિતિ)
| ઇન્ડેક્સ | લેવલ | પોઈન્ટ ચેન્જ | ટકાવારી ચેન્જ |
| કોસ્પી (સાઉથ કોરિયા) | ૭૮૪૮ | +૩૨ | ૦.૪૧% |
| નિક્કેઈ (જાપાન) | ૬૫૧૫૮ | +૧૮૧૯ | ૨.૮૭% |
| હેંગસેંગ (હોંગકોંગ) | ૨૫૬૦૬ | +૨૨૦ | ૦.૮૬% |
અમેરિકી માર્કેટ્સ (૨૨ મેની સ્થિતિ)
| ઇન્ડેક્સ | લેવલ | પોઇન્ટ ફેરફાર | ટકાવારી ફેરફાર |
| ડાઉ જોન્સ | ૫૦૫૮૦ | +૨૯૪ | ૦.૫૮% |
| નાસ્ડેક | ૨૬૩૪૪ | +૫૧ | ૦.૧૯% |
| S&P 500 | ૭૪૭૩ | +૨૮ | ૦.૩૭% |
Bull Run: નિફ્ટી માટે આગામી સપોર્ટ અને રેઝિસ્ટન્સ લેવલ
વેલ્થ વ્યૂ એનાલિટિક્સના અહેવાલ મુજબ, રોકાણકારોએ બજારની ચાલ સમજવા માટે નીચેના સ્તરો પર નજર રાખવી જોઈએ:
- સપોર્ટ ઝોન (જ્યાંથી બજારને ટેકો મળી શકે): ૨૩,૪૬૬ | ૨૩,૩૪૫ | ૨૩,૩૨૦ | ૨૨,૮૫૮ | ૨૨,૭૯૮ | ૨૨,૫૫
- રેઝિસ્ટન્સ ઝોન (જ્યાં વેચવાલીનું દબાણ આવી શકે): ૨૩,૭૮૩ | ૨૩, ૮૧૨ | ૨૩,૮૭૨ | ૨૩,૯૩૫ | ૨૪,૧૪૦ | ૨૪,૩૮૨
(નોંધ: શુક્રવારે ૨૨ મેના રોજ પણ સેન્સેક્સ ૨૩૨ પોઈન્ટ અને નિફ્ટી ૬૫ પોઈન્ટ વધીને બંધ રહ્યા હતા, જે તેજી આજે પણ બમણા વેગ સાથે ચાલુ રહી છે.)
વધુ સમાચાર વાંચવા માટે અંહી ક્લિક કરો
