Bangladesh: લોકોના ભારે વિરોધ વચ્ચે બાંગ્લાદેશની સુપ્રીમ કોર્ટે 30 ટકા અનામતના હાઈકોર્ટના નિર્ણયને રદ કરી દીધો છે. જોકે, અત્યારે 5 ટકા અનામત રહેશે. સુપ્રીમ કોર્ટે 30 ટકા અનામતના હાઈકોર્ટના નિર્ણયને ગેરકાયદેસર ગણાવ્યો છે. પરંતુ નોંધનીય બાબત એ છે કે આ આરક્ષણ હજુ સમાપ્ત થયું નથી. હાઈકોર્ટના આ નિર્ણય બાદ બાંગ્લાદેશમાં હિંસા ફાટી નીકળી છે, જેમાં 100થી વધુ લોકોએ જીવ ગુમાવ્યા છે. બાંગ્લાદેશમાં સરકારી નોકરીઓમાં અનામતને લઈને હિંસા ફાટી નીકળ્યા બાદ પડોશી દેશમાંથી કુલ 778 ભારતીય વિદ્યાર્થીઓ ઘરે પરત ફર્યા છે.
Bangladesh: બાંગ્લાદેશ કેમ સળગી રહ્યું છે?
અહેવાલ અનુસાર, બાંગ્લાદેશની સર્વોચ્ચ અદાલતે દેશમાં ફેલાતી હિંસા વચ્ચે સરકારી નોકરીઓમાં અનામતમાં ઘટાડો કર્યો છે. આ હિંસામાં ઘણા લોકોના મોત થયા છે. ઢાકા અને અન્ય શહેરોની યુનિવર્સિટીના વિદ્યાર્થીઓ 1971માં બાંગ્લાદેશની મુક્તિની લડાઈ માટે લડેલા યુદ્ધ નાયકોના સંબંધીઓને જાહેર ક્ષેત્રની નોકરીઓમાં 30 ટકા સુધી અનામત આપવાની વ્યવસ્થા સામે દિવસોથી વિરોધ કરી રહ્યા છે.
Bangladesh થી વિદ્યાર્થીઓ પરત ફર્યા
અનામત પ્રણાલીમાં સુધારાની માંગ સાથે વિદ્યાર્થીઓના વિરોધ પ્રદર્શન દરમિયાન રાજધાની ઢાકા અને અન્યત્ર હિંસા ફાટી નીકળી છે. ખરાબ પરિસ્થિતિના કારણે બાંગ્લાદેશથી મોટી સંખ્યામાં ભારતીય વિદ્યાર્થીઓ પરત ફરી રહ્યા છે.
તાજેતરમાં કૂચબિહારની મેખલીગંજ બોર્ડરથી 33 વિદ્યાર્થીઓ બાંગ્લાદેશ (Bangladesh)થી ભારત આવ્યા છે. આ વિદ્યાર્થીઓ રંગપુર મેડિકલ કોલેજના છે. જેમાંથી છ ભારતીયો, 18 ભૂટાનના અને 9 નેપાળના છે. આ સિવાય સિલિગુડીની ફુલબારી બોર્ડરથી પણ છ વિદ્યાર્થીઓ ભારત પરત ફર્યા છે.
બાંગ્લાદેશમાં શૈક્ષણિક સંસ્થાઓ બંધ હોવાને કારણે વિદ્યાર્થીઓએ અસ્થાયી ધોરણે દેશમાં પરત ફરવાનો નિર્ણય લીધો છે. તેણે કહ્યું છે કે જ્યાં સુધી સ્થિતિ સામાન્ય નહીં થાય ત્યાં સુધી તે બાંગ્લાદેશ પાછા નહીં જાય.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
