અશ્વિન ભારતનો બીજો સૌથી સફળ બોલર બન્યો
ભારતનો બીજો સૌથી સફળ બોલર બન્યો અશ્વિન
દિગ્ગજ ખેલાડીઓને છોડ્યા પાછળ
અશ્વિન ભારતનો બીજો સૌથી સફળ બોલર બન્યો છે ભારત અને વેસ્ટ ઈન્ડિઝ વચ્ચે પોર્ટ ઓફ સ્પેનમાં રમાઈ રહેલી બીજી ટેસ્ટ ઓફ સ્પિનર રવિચંદ્રન માટે ઘણી રીતે ખાસ છે. અશ્વિને આ ટેસ્ટમાં અત્યાર સુધી ત્રણ વિકેટ ઝડપી છે. આ સાથે તે ભારતનો બીજો સૌથી સફળ બોલર બની ગયો છે. આ સાથે જ તેણે વધુ એક મોટો રેકોર્ડ પણ પોતાના નામે કરી લીધો છે. અશ્વિન આંતરરાષ્ટ્રીય ક્રિકેટમાં સૌથી વધુ વિકેટ લેનારો બીજો ભારતીય બન્યો છે.પોર્ટ ઓફ સ્પેનમાં રમાઈ રહેલી બીજી ટેસ્ટમાં તેણે એક મોટો રેકોર્ડ પોતાના નામે કરી લીધો છે. વાસ્તવમાં, તે આંતરરાષ્ટ્રીય ક્રિકેટમાં સૌથી વધુ વિકેટ લેનારો બીજો ભારતીય બોલર બની ગયો છે. તેના નામે હવે આંતરરાષ્ટ્રીય ક્રિકેટમાં 712 વિકેટ છે. આ રેકોર્ડ લિસ્ટમાં અનિલ કુંબલે (956 વિકેટ) નંબર વન પર છે. અશ્વિને હરભજન સિંહ (711 વિકેટ)ને પાછળ છોડી દીધો છે.
આંતરરાષ્ટ્રીય ક્રિકેટમાં સૌથી વધુ વિકેટ લેનાર ભારતીય બોલર
956 – અનિલ કુંબલે
712 – રવિચંદ્રન અશ્વિન
711 – હરભજન સિંહ
687 – કપિલ દેવ
610 – ઝહીર ખાન
આ રેકોર્ડ લિસ્ટમાં કુંબલેને પાછળ છોડી દીધો છે
આ સાથે જ અશ્વિન વેસ્ટ ઈન્ડિઝ સામે ટેસ્ટમાં સૌથી વધુ વિકેટ લેવાના મામલે કુંબલેને પાછળ છોડી બીજા નંબર પર આવી ગયો છે. અશ્વિને હવે વેસ્ટ ઈન્ડિઝ સામે 75 વિકેટ ઝડપી છે. જ્યારે કુંબલેએ 74 વિકેટ ઝડપી હતી. આ રેકોર્ડ લિસ્ટમાં કપિલ 89 વિકેટ સાથે નંબર વન પર છે.
વેસ્ટ ઈન્ડિઝ વિરુદ્ધ ભારત માટે સૌથી વધુ ટેસ્ટ વિકેટ
89 – કપિલ દેવ
75 – રવિચંદ્રન અશ્વિન
74 – અનિલ કુંબલે
68 – શ્રીનિવાસ વેંકટરાઘવન
65 – ભાગવત ચંદ્રશેખર.
વાંચો અહીં જમ્મુ કાશ્મીરમાં આતંકનો સફાયો