ભારતીય વાયુસેનાના હેલિકોપ્ટરે ખેતરમાં કર્યું ઈમરજન્સી લેન્ડિંગ

ભારતીય વાયુસેનાના હેલિકોપ્ટરે ખેતરમાં કર્યું ઈમરજન્સી લેન્ડિંગ

 6 જવાનોનો આબાદ બચાવ

ટેકનિકલ ખામીને કારણે ઈમરજન્સી લેન્ડિંગ

ભારતીય વાયુસેનાના હેલિકોપ્ટરે ખેતરમાં ઈમરજન્સી લેન્ડિંગ કર્યું હતું. મધ્યપ્રદેશની રાજધાની ભોપાલમાં આર્મીના હેલિકોપ્ટરનું ઈમરજન્સી લેન્ડિંગ થયું હતું. ઈમરજન્સી લેન્ડિંગ સમયે હેલિકોપ્ટરમાં 6 સૈનિકો હતા. ગ્રામજનોએ જણાવ્યું કે હેલિકોપ્ટર પહેલા બેરસિયાના ડુંગરિયા ગામમાં ડેમની આસપાસ ચક્કર લગાવ્યું અને પછી ખેતરમાં ઉતર્યું. ગ્રામજનોએ  સૈનિકોને પ્રશ્નો પણ પૂછ્યા, પરંતુ સૈનિકોએ જવાબ આપવાનો ઇનકાર કર્યો. થોડા સમય બાદ અન્ય હેલિકોપ્ટર પણ હેલિકોપ્ટરને બચાવવા માટે ઘટનાસ્થળે પહોંચી ગયું હતું. તે હેલિકોપ્ટર એન્જિનિયરો અને ટેકનિકલ ટીમને સ્થળ પર ઉતારીને ત્યાંથી રવાના થઈ ગયું.

ગ્રામજનોએ જણાવ્યું કે સેનાના જવાનોએ કંઈપણ કહેવાનો ઈન્કાર કર્યો હતો. આ સિવાય સ્થાનિક લોકોને હેલિકોપ્ટરની નજીક પણ આવવા દેવામાં આવ્યા ન હતા. સેનાના જવાનો આ મામલે કંઈ બોલી રહ્યા નથી. કહેવામાં આવી રહ્યું છે કે હેલિકોપ્ટરમાં કોઈ ટેકનિકલ ખામી હતી. જેના કારણે આ ઈમરજન્સી લેન્ડિંગ થયું છે. ગ્રામજનોએ જણાવ્યું કે આ ઘટના 1 ઓક્ટોબરના રોજ સવારે 8 વાગ્યે બની હતી. બધા પોતપોતાના ખેતરમાં હતા.

અગાઉ ભિંડમાં બની હતી આવી ઘટના 

અગાઉ મધ્યપ્રદેશના ભિંડ જિલ્લામાં એરફોર્સના અપાચે હેલિકોપ્ટરે ઈમરજન્સી લેન્ડિંગ કરવી પડી હતી. આ લેન્ડિંગ નયાગાંવ પોલીસ સ્ટેશનની હદમાં જખમૌલી ગામમાં સિંધ નજીક કરાઈ હતી. એરફોર્સે જણાવ્યું હતું કે રુટિન ઓપરેશનલ ટ્રેનિંગ દરમિયાન ઈમરજન્સી લેન્ડિંગ કરવી પડી હતી. ત્યારે પણ બંને પાઈલટ અને હેલિકોપ્ટર સુરક્ષિત બચી ગયા હતા. 

વધુ સમાચાર માટે જોતા રહો વી.આર.લાઇવ

સતત સમાચાર માટે જોતા રહો અમારી વેબ સાઈટ