Amreli Rain Update: અમરેલી શહેર સહિત આસપાસના ગ્રામ્ય વિસ્તારોમાં આજે વાતાવરણમાં પલટો આવ્યો હતો અને સાર્વત્રિક વરસાદ નોંધાયો હતો. લાંબા અસહ્ય ઉકળાટ અને ગરમી બાદ મેઘરાજાની ધમાકેદાર એન્ટ્રી થતાં સમગ્ર પંથકમાં ઠંડક પ્રસરી ગઈ છે.
Amreli Rain Update: નાના ભંડારીયા ગામે ધોધમાર વરસાદ
અમરેલી તાલુકાના નાના ભંડારીયા ગામે આજે બપોર બાદ અચાનક હવામાન પલટાયું હતું અને ધોધમાર વરસાદ ખાબક્યો હતો. ટૂંકા સમયમાં પડેલા ભારે વરસાદને કારણે રસ્તાઓ પર પાણી ફરી વળ્યા હતા.
Amreli Rain Update: સ્થાનીક નદીમાં આવ્યા પૂર જેવા દ્રશ્યો
વરસાદનું જોર એટલું વધારે હતું કે નાના ભંડારીયા ગામની સ્થાનીક નદીમાં વહેલી તકે વરસાદી પાણી વહેતા થઈ ગયા હતા. નદીમાં નવા નીરની આવક થતાં ગ્રામજનોમાં ભારે ઉત્સાહ જોવા મળ્યો હતો અને લોકો નદીના વહેતા પાણી જોવા માટે ઉમટી પડ્યા હતા.
ખેડૂતોમાં ખુશીનો માહોલ
આ વરસાદ આગતરા વાવેતર અને પાક માટે ખૂબ જ અમૃત સમાન સાબિત થશે, જેના કારણે સ્થાનીક ખેડૂતોમાં ભારે ખુશીનો માહોલ જોવા મળી રહ્યો છે. જગતનો તાત આગામી દિવસોમાં સારા પાકની આશાએ હરખાયો છે.
વધુ સમાચાર વાંચવા માટે અંહી ક્લિક કરો: વડોદરામાં કોન્ટ્રાક્ટરની બેદરકારી, હરીનગર બ્રિજ નીચે પાણીની પાઈપલાઈન તૂટતા લાખો ગેલન પાણીનો વેડફાટ, અનેક ઘરોમાં જળ સંકટ
