AMIT SHAH in GUJARAT : ગુજરાત લોકસભાની ચૂંટણીને લઇ ભાજપના સ્ટાર પ્રચારકો ગુજરાત આવી સભા સંબોધન કરી રહ્યા છે. ત્યારે આગામી 27 એપ્રિલ એટલે કે આવતીકાલે કેન્દ્રીય ગૃહમંત્રી અમિત શાહ ગુજરાતમાં ધુંઆધાર ચૂંટણી પ્રચાર કરવાના છે.
AMIT SHAH in GUJARAT : કેન્દ્રીય ગૃહમંત્રી અને ગાંધીનગર લોકસભાના ઉમેદવાર અમિત શાહ આવતીકાલે 4 લોકસભા સીટ પર પ્રચાર કરશે. આ ચાર લોકસભા સીટમાં પોરબંદર, ભરૂચ, પંચમહાલ, અને વડોદરા લોકસભા સીટનો સમાવેશ થાય છે. અમિત શાહ આવતી કાલે 4 લોકસભા સીટ પર સભાઓ કરશે.
AMIT SHAH in GUJARAT : અમિત શાહનો ગુજરાતનો કાર્યક્રમ
AMIT SHAH in GUJARAT : 27 એપ્રિલે બપોરે 12.15 વાગ્યે પોરબંદર લોકસભા વિસ્તારમાં રાજકોટના જામકંડોરણામાં કુમાર છાત્રાલય ખાતે જાહેરસભા યોજાશે. ભરૂચના ખડોલી ગામમાં બપોરે 2.45 વાગ્યે જાહેરસભા, ગોધરાના એસઆરપી ગ્રાઉન્ડમાં બપોરે 4.30 વાગ્યે જાહેરસભા અને સાંજે 6.15 વાગ્યે વડોદરામાં રણમુક્તેશ્વર મહાદેવ મંદિર, રાવપુરાથી માર્કેટ ક્રોસ રોડ, અકોટા સુધી રોડ શો યોજવામાં આવશે.
AMIT SHAH in GUJARAT : વડોદરા ભાજપ સંગઠને તૈયારીઓ શરૂ કરી છે. પ્રતાપનગર ઋણ મુક્તેશ્વર મંદિરથી રોડ શો ચોખંડી, માંડવી, લહેરીપુરા ગેટ, ભગતસિંહ ચોક અને તાડફળિયા થઈ ખંડેરાવ માર્કેટ પહોંચશે. 3 કિલોમીટર લાંબા રોડ શોમાં ઠેર ઠેર ગૃહ મંત્રીના સ્વાગત માટે સ્ટેજ બનાવાશે. રોડ શોના રૂટ પર શણગાર, રોશની અને રામ મંદિરની પ્રતિકૃતિઓ મૂકાશે. ભાજપ કાર્યાલય ખાતે રોડ શો મુદ્દે મળેલી બેઠકમાં ધારાસભ્યો અને પાલિકાના પદાધિકારીઓ તેમજ સંગઠનના મહામંત્રીઓના સૂચનો લેવા આવ્યા હતા. તેમજ વિધાનસભા દીઠ 2000 લોકો અને જિલ્લાની વિધાનસભા વિસ્તારમાંથી 1000ની જનમેદની એકત્ર કરવાનો ટાર્ગેટ આપવામાં આવ્યો છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો