અમેરિકાની દખલ સ્ટોક માર્કેટ #sensex #nifty #sharemarket #indianstockexchange #stocknews #financenews – નબળા વૈશ્વિક સંકેતો અને વ્યાપક વેચવાલી વચ્ચે ભારતીય શૅરબજારમાં સોમવારે પ્રારંભિક કારોબારમાં મોટો કડાકો જોવા મળ્યો હતો. સેન્સેક્સ 900 પોઈન્ટથી વધુ ગગડીને 81,488ના સ્તરે પહોંચી ગયો હતો જ્યારે નિફ્ટી પ0 પણ 24,850 નીચે ટ્રેડ થઈ રહ્યો હતો.
અમેરિકાની દખલ સ્ટોક માર્કેટ ઓપન થતાં સેન્સેક્સ 900 પોઈન્ટ તૂટ્યો
સેન્સેક્સે પાછલા બંધ સ્તર 82,408.17ની સરખામણીમાં 81,704.07ના સ્તરે નબળી શરાત કરી હતી અને દિવાળીના સૌથી નીચલા સ્તર 81,488.54 પર પહોંચ્યો હતો. એટલે કે 1 ટકાથી વધુનો ઘટાડો નોંધાયો હતો. નિફ્ટી 50એ પણ પાછલા બંધ સ્તર 25,112.50ની સરખામણીમાં 24,939.75ના સ્તરે શરૂઆત કરી હતી અને 1 ટકાથી વધુ ગગડીને 24,834.55ના નીચલા સ્તરને સ્પર્શ કર્યો હતો. બીએમસી મીડકેપ અને સ્મોલકેપ ઈન્ડેક્સ પણ અંદાજે 1-1 ટકા ઘટીને ટ્રેડ કરી રહ્યા હતા.
ઈરાન-ઈઝરાયેલ યુદ્ધમાં અમેરિકાની દખલની બજાર પર નકારાત્મક અસર
બીએસઈમાં લિસ્ટેડ કંપનીઓની કુલ માર્કેટ કેપ પાછલા સત્રના લગભગ રૂ. 448 લાખ કરોડથી ઘટીને લગભગ રૂ. 445 લાખ કરોડ રહી ગઈ હતી. એટલે કે સોમવારે બજાર શરૂ થયાની પહેલી 15 મિનિટમાં જ રોકાણકારોને લગભગ રૂ. 3 લાખ કરોડનું નુકસાન થયું હતું. જોકે, ઈરાન અને ઈઝરાયેલના યુદ્ધમાં અમેરિકાની એન્ટ્રી થવાથી અગાઉથી જ અપેક્ષા હતી કે, સોમવારે બજાર તૂટશે. આ યુદ્ધમાં અમેરિકાની દખલે મધ્ય-પૂર્વમાં તણાવ વધાર્યો છે અને આ યુદ્ધ લાંબુ નહીં ચાલે તેવી અટકળો પર પાણી ફેરવી દીધું છે.
ક્રૂડ ઓઈલના ભાવમાં ઉછાળાએ પણ અસર કરી
વધુમાં ઈરાન-ઈઝરાયેલ યુદ્ધ લાંબુ ચાલવા તેમજ ઈરાન ક્રૂડ ઓઈલ અને વ્યાપારિક જહાજો માટે હોરમુઝ ખાડીનો રસ્તો બંધ કરી દે તેવી આશંકાના પગલે ક્રૂડ ઓઈલના ભાવમાં વધારો થયો હતો. બજાર પર તેની પણ અસર પડી હોવાનું જોવા મળે છે.
ગુજરાતના વધુ સમાચાર માટે જોવા માટે અહિયાં ક્લિક કરો
યુટ્યુબ પર વિડીઓ ન્યુઝ જોવા માટે
