Ali Khamenei: પાંચ વર્ષમાં પ્રથમ વખત, ઈરાનના સર્વોચ્ચ નેતા આયાતુલ્લા અલી ખામેનીએ (Tehran) જુમ્માની નમાજનું નેતૃત્વ કર્યું. ઈઝરાયેલ પર બેલેસ્ટિક મિસાઈલ હુમલા બાદ ખામેની પહેલીવાર જાહેર સભામાં પહોંચ્યા હતા. પોતાના સંબોધનમાં તેમણે વિશ્વના મુસ્લિમોને એક થવાની અપીલ કરી હતી. ખામેનીએ કહ્યું કે દુશ્મનોની યોજનાઓને પરાસ્ત કરવામાં આવશે. (Tehran)
5 વર્ષમાં પહેલી વાર, જુમ્માની નમાજનું નેતૃત્વ
તેહરાન (#Tehran)ની ગ્રાન્ડ મુસલ્લા મસ્જિદમાં શુક્રવારની નમાજ અદા કર્યા પછી, ઈરાનના સર્વોચ્ચ નેતા આયાતુલ્લાહ અલી ખામેનીએ એક ભાષણમાં વિશ્વભરના મુસ્લિમોને એક થવાની અપીલ કરી. તેમણે કહ્યું કે આપણે અલ્લાહના બતાવેલા માર્ગથી ભટકી ન જવું જોઈએ. દુશ્મનો તેમની દુષ્ટ રાજનીતિને વિસ્તારવા માંગે છે. પરંતુ જો મુસ્લિમો સાથે રહે તો તેમને ફાયદો થશે. અમે દુશ્મનોની યોજનાને નિષ્ફળ બનાવીશું. તેઓ મુસ્લિમો વચ્ચે દુશ્મનાવટ વધારવા માંગે છે. આ પેલેસ્ટાઈન પણ યમનના દુશ્મન છે. તમને જણાવી દઈએ કે ઈઝરાયેલના એર સ્ટ્રાઈકમાં હિઝબુલ્લાના નેતા નસરાલ્લાહના માર્યા ગયા બાદ ખમેની (Ali Khamenei) નું ભાષણ સામે આવ્યું છે.
મુસ્લિમોએ એકજૂટ થાઓ : Ali Khamenei
ખામેની (Ali Khamenei) એ કહ્યું, ‘તેઓ (ઈઝરાયેલ) દુનિયાભરના મુસ્લિમોના દુશ્મન છે. અનેક જગ્યાએ મુસ્લિમો પર અત્યાચાર થઈ રહ્યો છે. તેઓ માત્ર આપણા દુશ્મનો જ નથી પરંતુ પેલેસ્ટાઈન અને યમનના પણ દુશ્મન છે. એટલા માટે હું આરબ મુસ્લિમોને કહી રહ્યો છું કે અમને ટેકો આપો અમે લેબનોન માટે બધું જ કરીશું. હિઝબુલ્લાના ચીફ હસન નસરાલ્લાહની વિદાય આપણા માટે મોટી ખોટ છે.
ખામેનીએ પોતાના સંબોધનમાં કહ્યું કે અમે દુઃખી છીએ પરંતુ હાર્યા નથી. તેણે આરબ મુસ્લિમોને સમર્થન આપવા અપીલ કરી. કહ્યું કે તમામ મુસ્લિમોએ ભાઈચારા સાથે આગળ વધવું જોઈએ. અમે ઇઝરાયેલના કબજાનો વિરોધ કરીએ છીએ અને કરતા રહીશું. ખામેનીએ કહ્યું કે ઇઝરાયેલ સામે સશસ્ત્ર દળોની શાનદાર કાર્યવાહી વાજબી અને સંપૂર્ણ રીતે કાયદેસર છે. તેણે કહ્યું કે જો જરૂર પડશે તો તે ફરીથી ઈઝરાયેલ પર હુમલો કરશે.
ઈઝરાયલથી હું ડરતો નથી : Ali Khamenei
ઈઝરાયલના હિઝબુલ્લાહ પર વધી રહેલા હુમલાઓ વચ્ચે એવું કહેવામાં આવી રહ્યું હતું કે ખમેની સુરક્ષિત જગ્યાએ ગયા છે. પરંતુ લાખો લોકો સાથે શુક્રવારની નમાજ અદા કરીને ખમેની ( Ali Khamenei) એ ઈઝરાયેલ સહિત વિશ્વને કહ્યું કે તેઓ કોઈ સુરક્ષિત જગ્યાએ છુપાયેલા નથી… તેઓ ઈઝરાયેલના હુમલાથી ડરતા નથી.
હમાસનો હુમલો સાચો હતો
ખામેનીએ કહ્યું કે અમે ઇઝરાયેલને જવાબ આપવામાં વિલંબ કે ઉતાવળ નહીં કરીએ. દરેક દેશને પોતાનો બચાવ કરવાનો અધિકાર છે. ઇઝરાયેલ નિર્દોષ નાગરિકોની હત્યા કરીને જીતવાનો ઢોંગ કરી રહ્યું છે. ખામેની (Ali Khamenei) એ પોતાના સંબોધનમાં ગયા વર્ષે 7 ઓક્ટોબરે ઈઝરાયેલ પર હમાસના હુમલાને પણ યોગ્ય ઠેરવ્યો હતો.
ઈરાને તપાસ શરૂ કરી
ઈરાને હવે ઈઝરાયલી એજન્ટોની તપાસ શરૂ કરી છે. ઈરાનના એક વરિષ્ઠ અધિકારીએ ન્યૂઝ એજન્સીને જણાવ્યું કે રિવોલ્યુશનરી ગાર્ડથી લઈને વરિષ્ઠ સુરક્ષા અધિકારીઓ સુધી દરેકની તપાસ કરવામાં આવી રહી છે. વિદેશ જતા અધિકારીઓ અને જેમના પરિવાર વિદેશમાં રહે છે તેઓની પહેલા તપાસ કરવામાં આવી રહી છે.
ઈરાનને રિવોલ્યુશનરી ગાર્ડના કેટલાક અધિકારીઓ લેબનોનની મુસાફરી પર શંકા છે. આમાંથી એક અધિકારીએ નસરાલ્લાહના ઠેકાણા વિશે પૂછ્યું હતું. ઈરાને આ અધિકારીની સાથે અન્ય કેટલાક શકમંદોની પણ ધરપકડ કરી છે. જો કે, તેનો આખો પરિવાર ઈરાનમાંથી ભાગવામાં સફળ રહ્યો હતો. ઈરાન અને હિઝબુલ્લાહ વચ્ચે અવિશ્વાસ ઉભો થયો.
અન્ય ઈરાની અધિકારીએ કહ્યું કે નસરાલ્લાહની હત્યા બાદ ઈરાન અને હિઝબુલ્લાહ વચ્ચે અવિશ્વાસ પેદા થયો છે. બીજી તરફ, ઈરાનની શાસક સ્થાપનાની નજીકના એક સૂત્રએ માહિતી આપી છે કે સર્વોચ્ચ નેતા હવે કોઈ પર વિશ્વાસ કરતા નથી.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
