ચંદ્રયાન 3 પર ખોટી પોસ્ટ એક્ટર પ્રકાશ રાજને મોંઘી પડી

ચંદ્રયાન 3 પર ખોટી પોસ્ટ એક્ટર પ્રકાશ રાજને મોંઘી પડી

અભિનેતા વિરુદ્ધ પોલીસ ફરિયાદ

લોકોએ પોસ્ટ પર નારાજગી વ્યક્ત કરી

ચંદ્રયાન 3 મિશન પર ખોટી પોસ્ટ કર્યા બાદ અભિનેતા પ્રકાશ રાજ હવે મુશ્કેલીમાં છે. અભિનેતા વિરુદ્ધ પોલીસ ફરિયાદ દાખલ કરવામાં આવી છે. હિંદુ સંગઠનોના નેતાઓએ બાગલકોટ જિલ્લાના બનહટ્ટી પોલીસ સ્ટેશનમાં તેમની વિરુદ્ધ ફરિયાદ નોંધાવી અને કાર્યવાહીની માંગ કરી છે. અભિનેતાએ ચંદ્રયાન-3ની મજાક ઉડાવતું કાર્ટૂન પોસ્ટ કર્યું હતું. પોસ્ટમાં લુંગી પહેરેલ એક વ્યક્તિ એક કપમાંથી બીજા કપમાં ચા નાખતો જોવા મળે છે. આ કાર્ટૂન સાથે તેમણે કેપ્શન લખ્યું છે – ‘ચંદ્રયાન-3ના વિક્રમ લેન્ડરમાંથી ચંદ્રની પ્રથમ તસવીર’.જો કે પ્રકાશ રાજે કાર્ટૂનમાં દેખાતી વ્યક્તિ વિશે કંઈ કહ્યું ન હતું, પરંતુ લોકોએ તેમની પોસ્ટ પર નારાજગી વ્યક્ત કરી હતી.લોકોએ અભિનેતા પ્રકાશ રાજને જોરદાર ટ્રોલ કર્યાં હતા. અભિનેતાની વિવાદાસ્પદ પોસ્ટ બાદ સોશ્યલ મીડિયા યુઝર્સે તેમને જોરદાર ટ્રોલ કર્યા હતાં. એક યુઝર્સે લખ્યું- પ્રકાશજી, ઈસરોની સિદ્ધિઓથી રાજકીય નફરતને દૂર રાખો. ચંદ્રયાન મિશન ISROનું છે, ભાજપનું નહીં. જો તે સફળ થાય છે, તો તે ભારત માટે સફળતા હશે, કોઈ પક્ષ માટે નહીં.અન્ય એક યુઝરે લખ્યું, પ્રકાશ રાજ એ ઉપલબ્ધિની મજાક ઉડાવી રહ્યા છે, જેને દુનિયા માઈલસ્ટોન માની રહી છે. તમે બહુ નીચા પડી ગયા છો.

બધા લોકો ચંદ્રયાન-3 મિશનની સફળતા માટે પ્રાર્થના કરી રહ્યા છે. દરમિયાન, અભિનેતા પ્રકાશ રાજે ભારતના મૂન મિશન વિરુદ્ધ એક વિવાદાસ્પદ પોસ્ટ કરી હતી, જેના માટે તે હવે મુશ્કેલીમાં છે. અભિનેતા વિરુદ્ધ પોલીસ ફરિયાદ દાખલ કરવામાં આવી છે. હિંદુ સંગઠનોના નેતાઓએ તેમની સામે ફરિયાદો નોંધાવી છે અને કાર્યવાહીની માંગ કરી છે.

વાંચો અહીં ચંદ્રયાન 3 અંતિમ પડાવ પર,સફળતા માટે છેલ્લી 15 મિનિટ સૌથી મહત્વપૂર્ણ