ચીનમાં ડિસેમ્બર ૨૦૨૨થી ફેબ્રુઆરી ૨૦૨૩ સુધીમાં ૧૧૪ કરોડ લોકો કોરોનાનો શિકાર બન્યા!
ચીનના ડિસીઝ કંટ્રોલ એન્ડ પ્રિવેન્શનના એક રીપોર્ટમાં ચોંકાવનારો ખૂલાસો થયો છે. આ અહેવાલ મુજબ, ચીનમાં ડિસેમ્બર ૨૦૨૨થી લઈને ફેબ્રુઆરી ૨૦૨૩ સુધીના ત્રણ મહિનાના સમયગાળા દરમિયાન કુલ ૧૧૪ કરોડ લોકો કોરોનાથી પ્રભાવિત થયા છે. આ રીપોર્ટે ચીની સરકારની ચિંતામાં પણ વધારો કરી નાખ્યો છે. જોકે રીપોર્ટ મુજબ, કોરોનાના વધતા જતા કેસીઝને કાબુમાં રાખવા વેક્સિન બૂસ્ટર ડોઝે સકારાત્મક રોલ ભજવ્યો છે.
