Love Story: બ્રેકઅપની સ્ટોરી ઘણીવાર ભાવનાત્મક અને નાટકીય હોય છે. ક્યારેક કોઈ મિત્ર સૌતન બની જાય છે, તો કેટલીક સ્ટોરી કરૂણ હોય છે. પરંતુ આ દિવસોમાં સોશિયલ મીડિયા પર વાયરલ થઈ રહેલી બ્રેકઅપની સ્ટોરી તમને હસવા પર મજબૂર કરી દેશે. કેમ કે આ લવ-સ્ટોરી (Love Story)માં વિલન એક મચ્છરને બનાવવામાં આવ્યો છે. જી હા, એક ટીનેજ છોકરીએ સોશિયલ મીડિયા પર તેના પ્રેમ અને બ્રેકઅપની એક ફની સ્ટોરી શેર કરી છે, જે હવે વાયરલ થઈ રહી છે. છોકરી તેના બોયફ્રેન્ડના જવાની પીડાથી નહીં, પરંતુ મચ્છરના ડરથી પરેશાન છે.
લવ સ્ટોરી (Love Story) સોશિયલ મીડિયા પર વાયરલ :
‘ટીનએજર્સ’ સબરેડિટ પર એક યુઝર્સે એક લવ સ્ટોરી પોસ્ટ કરી. છોકરીએ સોશિયલ મીડિયા પર લખ્યું કે, તે ડેટ કરવા માંગતી ન હતી, પણ આ છોકરાએ તેને પ્રભાવિત કર્યો અને તેણે હા પાડી. તેણીના રમુજી ટુચકાઓ સાથે 16 વર્ષની છોકરીએ આગળ લખ્યું કે, તે ‘મારા દ્વારા મોકલવામાં આવેલી દરેક રીલને અવગણના કરે’, ‘જ્યારે હું BTS વગાડીશ ત્યારે ગીત બદલી નાખશે’ અને ‘વિરાટ અનુષ્કાની જેમ મારી સાથે ના વર્તે. મારી પરવાહ નથી. જ્યારે તેનું અસલી વર્તન જાહેર થયું ત્યારે હું તેનાથી અલગ થઈ ગઈ.
મચ્છરો લેવા માંગે છે બદલો :
યુવતીએ વધુમાં જણાવ્યું કે, કેવી રીતે તે તેના બોયફ્રેન્ડના 10મા ધોરણના કલાસમાં પ્રવેશી અને તેને જોરથી ગાલ પર થપ્પડ મારી. છોકરીએ લખ્યું, ‘પરંતુ જ્યારે મેં તેને થપ્પડ મારી ત્યારે તેના ગાલ પર એક મચ્છર હતો, જે મારા હાથથી મરી ગયો. બે દિવસ થયા છે અને મને હજુ પણ સપના આવે છે કે મચ્છરોનો એક પરિવાર મારી જોડે બદલો લેવા આવી રહ્યો અને મને ડેન્ગ્યુ કરવા માટે એક જુત થઈ રહ્યા છે. નરકમાં જાઓ હર્ષિત, હું ઈચ્છું છું કે કરોલ બાગના બધા મચ્છરો તારી પાછળ પડી જાય.
આ પોસ્ટ બાદ રમુજી ટિપ્પણીઓનો વરસાદ :
આ લવ સ્ટોરી (Love Story)ના પોસ્ટનો સ્ક્રીનશોટ X પર ઝેવિયર અંકલ નામના એકાઉન્ટમાંથી શેર કરવામાં આવ્યો હતો, જેના પછી તેના પર અદ્ભુત ફની કમેન્ટ્સ આવી રહી છે. એક યુઝરે કટાક્ષ કર્યો, ‘હું તમને કહું છું કે હર્ષિત રણબીર કપૂર કરતા પણ વધુ ઝેરી છે.’ બીજાએ લખ્યું, ‘હું તમામ મચ્છરોને વિનંતી કરું છું કે તેને પરેશાન કરતા રહે અને કૃપા કરીને બંધ ન કરો.’
