Groundnut Market Sees Heavy Rush: રાજકોટ જિલ્લાના ગોંડલ માર્કેટિંગ યાર્ડમાં મગફળીની જંગી આવક થતાં યાર્ડમાં ભારે ધમધમાટ જોવા મળ્યો હતો. સોમવારે અંદાજે 1.25 લાખ ગુણી મગફળીની આવક નોંધાતાં યાર્ડ મગફળીથી છલકાઈ ગયું હતું. સૌરાષ્ટ્રના વિવિધ વિસ્તારોમાંથી ખેડૂતો પોતાની ઉપજ વેચવા માટે યાર્ડમાં પહોંચ્યા હતા. મગફળી ભરેલા ટ્રેક્ટર અને અન્ય વાહનોની યાર્ડ બહાર લાંબી કતારો જોવા મળી હતી. હરરાજી અને તોલની કામગીરી પણ ધમધમતી રહી હતી.
Groundnut Market Sees Heavy Rush: સવા લાખ ગુણીની આવકથી વ્યવસ્થા પર ભાર
મગફળીની મોટી આવકને કારણે યાર્ડની વ્યવસ્થા પર ભાર વધ્યો હતો. એકસાથે મોટી સંખ્યામાં વાહનો અને માલની આવક થતાં મગફળી ઉતારવા, સંગ્રહ કરવા અને હરાજીની કામગીરીમાં પણ દોડધામ જોવા મળી હતી. યાર્ડમાં ઉપલબ્ધ જગ્યાનો ઉપયોગ થઈ જતાં વ્યવસ્થા જાળવવી પડકારરૂપ બની હતી.
Groundnut Market Sees Heavy Rush: નવી સૂચના સુધી આવક બંધ રાખવાનો નિર્ણય
ગુજરાત ફાર્મર્સના અહેવાલ મુજબ, ઉપલબ્ધ જગ્યાનો નિકાલ થાય અને નવી સૂચના જાહેર થાય ત્યાં સુધી નવી આવક બંધ રાખવાનો નિર્ણય લેવામાં આવ્યો છે. આ સ્થિતિમાં ખેડૂતો માટે યાર્ડની તાજી સૂચના જાણીને જ મગફળીનો માલ મોકલવો જરૂરી બન્યો છે. અન્યથા વાહનોને લાંબી રાહ જોવી પડી શકે છે. ગોંડલ યાર્ડમાં મગફળીની આટલી મોટી આવકથી સૌરાષ્ટ્રના કૃષિ બજારમાં ભારે હલચલ જોવા મળી રહી છે.
વધુ સમાચાર વાંચવા માટે અંહી ક્લિક કરો: સટ્ટાબાજી અને આંગડિયા પેઢીઓ મારફતે કરોડોના વ્યવહારોની આશંકા; મહાદેવ એપ કેસમાં ગુજરાત કનેક્શન પર તપાસ એજન્સીઓની નજર
