Caught on Camera: વડોદરા શહેરની ક્રાઈમ બ્રાન્ચે પોલીસ જાપ્તામાંથી ધક્કો મારીને નાસી છૂટેલા અને છેલ્લા 11 વર્ષથી વોન્ટેડ એવા બનાવટી નોટ (જાલી નોટ) ના બે કુખ્યાત આરોપીઓને ઝડપી પાડવામાં મોટી સફળતા મેળવી છે. પોલીસે આંતરરાજ્ય ઓપરેશન હાથ ધરીને 2400 કિલોમીટર દૂરથી બંને આરોપીઓને દબોચી લીધા છે.
Caught on Camera: 11 વર્ષ પહેલાં કુદરતી હાજતે જવાનું કહીને થયો હતો ફરાર:
વર્ષ 2015 માં વડોદરાના જવાહરનગર પોલીસ સ્ટેશન વિસ્તારમાં બનાવટી નોટના ગુનામાં પકડાયેલા આરોપીઓ સામે કાયદેસરની કાર્યવાહી ચાલી રહી હતી. તે દરમિયાન, વર્ષ 2015માં સવારે 5:30 વાગ્યાના સુમારે કુદરતી હાજતે જવાનું કહીને આરોપી મહમદસાહેબ અંજારૂલ હકે પોલીસકર્મીને ધક્કો મારી દીધો હતો અને પોલીસ જાપ્તામાંથી નાસી છૂટ્યો હતો. આ ઘટના બાદથી બંને આરોપીઓ લાંબા સમયથી પોલીસ પકડથી દૂર ફરાર ચાલી રહ્યા હતા.
Caught on Camera: 40 થી 50 હજાર મોબાઈલ નંબરોની તપાસ અને વેશપલટો:
આ કેસની ગંભીરતાને ધ્યાને રાખીને વડોદરા ક્રાઈમ બ્રાન્ચે આ લાંબા સમયથી નાસતા-ફરતા આરોપીઓને ઝડપી પાડવા માટે ટેક્નોલોજી અને હ્યુમન ઇન્ટેલિજન્સનો સહારો લીધો હતો. પોલીસે તપાસ દરમિયાન આશરે 40 થી 50 હજાર જેટલા મોબાઈલ નંબરોની ઝીણવટભરી કાળજીપૂર્વક તપાસ કરી હતી.
આરોપીઓ પોલીસથી બચવા માટે સતત પોતાના ઠેકાણા બદલી રહ્યા હતા, જેથી ક્રાઈમ બ્રાન્ચની ટીમે ખાસ રણનીતિ બનાવીને વેશપલટો કર્યો હતો અને બાતમીના આધારે પશ્ચિમ બંગાળ તેમજ મહારાષ્ટ્રમાં સઘન ઓપરેશન હાથ ધર્યું હતું.
Caught on Camera: પશ્ચિમ બંગાળ અને મહારાષ્ટ્રથી પકડાયા આરોપીઓ:
પોલીસની સચોટ તપાસના અંતે:
- મહમદસાહેબ અંજારૂલ હક
- મહમંદઅનારૂલ અફરાઝુલ શેખ
નામના બે કુખ્યાત આરોપીઓની પશ્ચિમ બંગાળ અને મહારાષ્ટ્રમાંથી એક-એક કરીને ધરપકડ કરવામાં આવી છે. ક્રાઈમ બ્રાન્ચે આ બંને આરોપીઓને ઝડપીને આગળની કાયદેસરની કાર્યવાહી અર્થે જવાહરનગર પોલીસ સ્ટેશનની ટીમને સુપરત કર્યા છે. 11 વર્ષ જૂના આ કેસમાં આરોપીઓની ધરપકડ થવાથી પોલીસ વિભાગે પણ રાહતનો શ્વાસ લીધો છે.
વધુ સમાચાર વાંચવા માટે અંહી ક્લિક કરો: સુરતમાં સાસુ-વહુની અનોખી ચોરી, ગ્રાહક બની આવેલા ઠગ દંપતીએ જ્વેલર્સની દુકાનમાંથી 2 લાખની ચાંદીની ઝાંઝરી ઉડાવી
