India’s CWG 2026 Journey: વડાપ્રધાન નરેન્દ્ર મોદીએ કોમનવેલ્થ ગેમ્સ 2026માં દેશનું નામ રોશન કરનાર મેડલ વિજેતા ભારતીય ખેલાડીઓ સાથે મુલાકાત કરી છે. ખેલાડીઓનો ઉત્સાહ વધારવા માટે વડાપ્રધાને પોતાના સત્તાવાર ઇન્સ્ટાગ્રામ એકાઉન્ટ પર એક ખાસ 32 સેકન્ડની રીલ શેર કરી છે, જે સોશિયલ મીડિયા પર ભારે વાયરલ થઈ રહી છે.
India’s CWG 2026 Journey: ‘જો ખેલેગા, વહીં ખીલેગા’ – PM મોદી
સામે આવેલા આ વીડિયોમાં વડાપ્રધાન મોદી ગોલ્ડ મેડલિસ્ટ બોક્સર સાક્ષી ચૌધરી તેમજ અન્ય વિજેતા ખેલાડીઓ સાથે હસમુખા સ્વભાવે વાતચીત કરતા નજરે પડે છે. ખેલાડીઓ સાથેની આ મુલાકાત દરમિયાન વડાપ્રધાને પ્રેરણાદાયક સૂત્ર આપતા કહ્યું હતું કે, ‘જો ખેલેગા, વહીં ખીલેગા.’ વડાપ્રધાન અગાઉ પણ અનેકતરીકે વિજેતા ખેલાડીઓ સાથે રૂબરૂ મળીને તેમનું મનોબળ વધારી ચૂક્યા છે.
India’s CWG 2026 Journey: કોમનવેલ્થ ગેમ્સ 2026માં ભારતનું પ્રદર્શન અને મેડલ ટેલી
આવનારી વૈશ્વિક સ્પર્ધાઓ અને કોમનવેલ્થ ગેમ્સ 2026માં ભારતીય ખેલાડીઓએ શાનદાર પ્રદર્શન નોંધાવ્યું હતું. ભારતે આ મહાકુંભમાં કુલ 39 મેડલ પોતાના નામે કર્યા હતા:
- ગોલ્ડ મેડલ: 13
- સિલ્વર મેડલ: 17
- બ્રોન્ઝ મેડલ: 9
આ શાનદાર પ્રદર્શન સાથે ભારતે મેડલ ટેલીમાં ચોથું સ્થાન મેળવ્યું હતું.
India’s CWG 2026 Journey: બોક્સર્સે માર્યું મેદાન, સૌથી વધુ મેડલ જીત્યા
ભારતના કુલ 39 મેડલ્સમાં સૌથી મોટું અને સિંહફાળો બોક્સિંગ ખેલાડીઓનો રહ્યો હતો. બોક્સર્સે શાનદાર પ્રદર્શન કરતા 7 ગોલ્ડ અને 3 સિલ્વર સહિત કુલ 10 મેડલ દેશને અપાવ્યા હતા. એટલે કે ભારતના દર ચારમાંથી એક મેડલ માત્ર બોક્સિંગમાંથી આવ્યો હતો.
અન્ય રમતોની વાત કરીએ તો:
- એથ્લેટિક્સ: 10 મેડલ (જો કે કોઈ ગોલ્ડ ન મળ્યો)
- વેટલિફ્ટિંગ: 8 મેડલ
- પેરા એથ્લેટિક્સ: 6 મેડલ
- જૂડો: 4 મેડલ
- પેરા પાવરલિફ્ટિંગ: 1 મેડલ
કુલ મળીને ભારતે જીતેલા 39 માંથી 37 પદક માત્ર આ પાંચ મુખ્ય રમતોમાંથી જ આવ્યા હતા, જે દર્શાવે છે કે આ ક્ષેત્રોમાં ભારતીય ખેલાડીઓનો દબદબો વધી રહ્યો છે.
વધુ સમાચાર વાંચવા માટે અંહી ક્લિક કરો
