Tragedy at Ceuta Border: આફ્રિકી દેશ મોરોક્કોથી સ્પેનમાં જબરદસ્તી પ્રવેશવાના પ્રયાસ દરમિયાન ગુરુવારે સવારે સર્જાયેલી ભયંકર નાસભાગમાં ઓછામાં ઓછા ૧૮ આફ્રિકી પ્રવાસીઓના મોત નીપજ્યા છે, જ્યારે સ્પેનિશ અને મોરોક્કોના ૧૦૦થી વધુ સૈનિકો ઘાયલ થયા છે. સારા જીવન અને ઉજ્જવળ ભવિષ્યની આશાએ હજારો પ્રવાસીઓએ યુરોપિયન યુનિયન (EU) માં પ્રવેશવા માટે આ જોખમી માર્ગ પસંદ કર્યો હતો.
Tragedy at Ceuta Border: ઘટનાની મુખ્ય વિગતો
- અંદાજે ૩,૦૦૦ પ્રવાસીઓનું ઘેરાબંધી તોડવાનો પ્રયાસ: ન્યૂઝ એજન્સી AP અનુસાર, સરહદ પર તૈનાત સુરક્ષા ફોર્સને ચકમો આપવા માટે આશરે ૩,૦૦૦ પ્રવાસીઓએ વહેલી સવારનો સમય પસંદ કર્યો હતો.
- નાસભાગ અને દુર્ઘટના: સરહદ પર પોલીસની કડક ઘેરાબંધી અને વાડના સાંકડા રસ્તાઓના કારણે અફરાતફરી મચી ગઈ હતી. એકબીજા પર લોકો પડી જવાથી દબાઈ જવાને કારણે, શ્વાસ રૂંધાવાથી અને સમુદ્રમાં ડૂબી જવાને કારણે ૧૮ લોકોના કરુણ મોત થયા હતા.
- સૈનિકો ઘાયલ: આ હિંસક ઘૂસણખોરી દરમિયાન સ્પેન અને મોરોક્કોના ૧૦૦થી વધુ સુરક્ષા કર્મીઓ પણ ઘાયલ થયા છે.
Tragedy at Ceuta Border: સ્યુટા (Ceuta) જ યુરોપમાં ઘૂસવા માટેનું મુખ્ય કેન્દ્ર કેમ છે?
- ભૌગોલિક સ્થિતિ: સ્યુટા ભલે ભૌગોલિક રીતે આફ્રિકાના ઉત્તરીય કિનારે આવેલું છે, પરંતુ તે સત્તાવાર રીતે સ્પેન અને યુરોપિયન યુનિયન (EU) નો જ ભાગ છે. અહીં પ્રવેશતાની સાથે જ પ્રવાસીઓને યુરોપની સરહદમાં એન્ટ્રી મળી જાય છે.
- સીધી જમીની સરહદ: સ્યુટા અને તેની નજીકનું મેલિલા એવા બે જ શહેરો છે, જ્યાં આફ્રિકા અને યુરોપની સીધી જમીની સરહદ મળે છે. આ કારણે ગરીબી અને બેરોજગારીથી કંટાળેલા આફ્રિકી અને એશિયન દેશોના લોકો આ રસ્તો સૌથી વધુ પસંદ કરે છે.
- અગાઉની ઘટનાઓ: આ સપ્તાહની શરૂઆતમાં જ લગભગ ૧,૫00 પ્રવાસીઓ સ્યુટામાં ઘૂસી ચૂક્યા હતા. અગાઉ ૨૦૨૧માં માત્ર બે દિવસમાં ૧૦ હજારથી વધુ લોકોએ અહીં પ્રવેશ કર્યો હતો, જ્યારે ૨૦૨૨માં મેલિલામાં મચેલી ભાગદોડમાં ૨૩ પ્રવાસીઓનાં મોત થયાં હતાં.
Tragedy at Ceuta Border: સ્પેન સરકારે સુરક્ષા સખત કરી
ઘટનાની ગંભીરતાને ધ્યાનમાં રાખીને સ્પેન સરકારના અધિકારી ફર્નાન્ડો રોડ્રિગ્ઝ કોન્ટ્રેરાસે જણાવ્યું કે સરહદ પર સુરક્ષા અત્યંત કડક કરી દેવામાં આવી છે. સરહદ પર સેનાની વધારાની ટુકડીઓ તૈનાત કરવામાં આવી છે તથા હવાઈ, નૌકાદળ અને ડાઇવર્સની ટીમ દ્વારા દરિયાઈ માર્ગ પર કડક નજર રાખવામાં આવી રહી છે. યુરોપિયન યુનિયન (EU) એ પણ સ્પેનને આ સંકટનો સામનો કરવા માટે મદદની ઓફર કરી છે.
Tragedy at Ceuta Border: સ્યુટા અને મેલિલાને લઈને સ્પેન-મોરોક્કો વચ્ચેનો વિવાદ
- ૧૯૫૬માં મોરોક્કોને સ્પેનથી આઝાદી મળી હતી, પરંતુ સ્પેને સ્યુટા અને મેલિલા પરનો કબજો છોડ્યો ન હતો.
- મોરોક્કો દાવો કરે છે કે આ બંને શહેરો આફ્રિકી મહાદ્વીપમાં હોવાથી તેને પાછા મળવા જોઈએ.
- બીજી તરફ, સ્પેનનું કહવું છે કે સ્યુટા પર તેનો કબજો ૩૫૦ વર્ષથી વધુ સમયથી છે (પોર્ટુગલ પાસેથી ૧૬૬૮માં મળ્યો હતો).
- વ્યૂહાત્મક અને રાજકીય કારણો: સ્યુટા જિબ્રાલ્ટર સ્ટ્રેટ પાસે હોવાથી ભૂમધ્ય સાગર અને એટલાન્ટિક મહાસાગર વચ્ચેના જહાજો પર નજર રાખવા માટે અત્યંત મહત્ત્વપૂર્ણ છે. ઉપરાંત, ત્યાંના સ્થાનિક રહેવાસીઓ પણ સ્પેન સાથે જ રહેવા માગે છે.
વધુ સમાચાર વાંચવા માટે અંહી ક્લિક કરો
