Surat Monsoonal Update: સુરત જિલ્લામાં ઉપરવાસમાં થઈ રહેલી સારો વરસાદી માહોલના પગલે જળાશયોમાં પાણીની ભરપૂર આવક જોવા મળી રહી છે. જેને ધ્યાનમાં રાખીને તંત્ર દ્વારા સુરક્ષત્મક પગલાં લેવામાં આવી રહ્યા છે.
Surat Monsoonal Update: આમલી ડેમના ૭ દરવાજા ખોલાયા
સુરત જિલ્લાના માંડવી તાલુકામાં આવેલા આમલી ડેમમાં પાણીની નોંધપાત્ર આવક થઈ રહી છે. સવારે ૧૧:૦૦ વાગ્યાની સ્થિતિએ ડેમમાં પાણીની આવક ૭,૫૦૦ ક્યુસેક નોંધાઈ હતી. ડેમની સપાટી નિયંત્રિત રાખવા અને રૂલ લેવલ જાળવી રાખવા માટે ડેમના ૭ દરવાજા ખોલવામાં આવ્યા છે. હાલ ડેમમાંથી કુલ ૮,૫૦૦ ક્યુસેક પાણીનો આઉટફ્લો છોડવામાં આવી રહ્યો છે.
Surat Monsoonal Update: વરેહ નદી થઈને તાપી નદીમાં ઠાલવાશે પાણી
આમલી ડેમમાંથી છોડવામાં આવતું પાણી વરેહ નદીમાં થઈને આગળ વધીને તાપી નદીમાં ભળશે. પાણીની આવક સતત ચાલુ હોવાથી નદી કિનારાના વિસ્તારોમાં પાણીની સપાટી વધી શકે છે.
Surat Monsoonal Update: ૧૫થી વધુ ગામોને કરાયા એલર્ટ
ડેમમાંથી મોટા પ્રમાણમાં પાણી છોડવામાં આવી રહ્યું હોવાથી ડેમના કેચમેન્ટ એરિયા અને આસપાસના નીચાણવાળા વિસ્તારોના ૧૫થી વધુ ગામોને એલર્ટ કરવામાં આવ્યા છે. સુરક્ષાના ભાગરૂપે સ્થાનિક વહીવટી તંત્ર દ્વારા લોકોને નદી કિનારે કે ખાડી વિસ્તારમાં ન જવા માટે ખાસ અપીલ કરવામાં આવી છે.
વધુ સમાચાર વાંચવા માટે અંહી ક્લિક કરો: અરવલ્લીના મોડાસામાં રાજેન્દ્રનગર પોલીસ ચોકી પુનઃ શરૂ
