Security Scare in Navsari: નવસારી હેડ પોસ્ટ ઓફિસને ઉડાવી દેવાની ધમકી મળતા આજે સવારથી જ શહેરમાં ભારે ખળભળાટ મચી ગયો હતો. અજાણ્યા ઈમેલ દ્વારા પાસપોર્ટ ઓફિસ અને પોસ્ટ ઓફિસ પરિસરને બોમ્બથી ઉડાવી દેવાની ધમકી મળતા પોલીસ તંત્ર એલર્ટ થઈ ગયું હતું.
Security Scare in Navsari: સઘન તપાસ અને સર્ચ ઓપરેશન
ધમકી મળતાની સાથે જ નવસારી પોલીસનો કાફલો, બોમ્બ ડિસ્પોઝલ સ્ક્વોડ (BDDS) અને ડોગ સ્ક્વોડ તાત્કાલિક પોસ્ટ ઓફિસ ખાતે પહોંચી ગયા હતા. સુરક્ષાના ભાગરૂપે આખું પરિસર ખાલી કરાવીને સઘન ચેકિંગ હાથ ધરવામાં આવ્યું હતું. દરેક ખૂણે ઝીણવટભરી તપાસ કરવામાં આવી હતી, પરંતુ કલાકોની જહેમત બાદ પણ કોઈ શંકાસ્પદ વસ્તુ કે વિસ્ફોટક પદાર્થ મળી આવ્યો ન હતો. આખરે આ મેસેજ ‘હોક્સ કોલ’ (ખોટી ધમકી) હોવાનું સ્પષ્ટ થતા તંત્ર અને સ્થાનિક લોકોએ રાહતનો શ્વાસ લીધો હતો.
Security Scare in Navsari: ત્રણ મહિનામાં બીજી વખત ધમકી
પોસ્ટ ઓફિસના અધિકારીઓના જણાવ્યા અનુસાર, છેલ્લા ત્રણ મહિનામાં આ બીજી વખત છે જ્યારે ઈમેલ દ્વારા આવી રીતે બોમ્બથી ઉડાવી દેવાની ધમકી મળી છે. વારંવાર મળતી આ પ્રકારની ધમકીઓને પગલે સુરક્ષા વ્યવસ્થા વધુ કડક બનાવવામાં આવી છે. હાલમાં સાયબર ક્રાઈમની ટીમ દ્વારા આ ધમકીભર્યો ઈમેલ કોણે અને ક્યાંથી મોકલ્યો છે તે અંગેની તપાસ શરૂ કરવામાં આવી છે.
આ ઘટનાને પગલે પોસ્ટ ઓફિસમાં કામ કરતા કર્મચારીઓ અને ત્યાં આવેલા નાગરિકોમાં થોડા સમય માટે ગભરાટનો માહોલ જોવા મળ્યો હતો.
વધુ સમાચાર વાંચવા માટે અંહી ક્લિક કરો: ફતેગંજ બ્રિજ પર ટ્રિપલ અકસ્માત; ત્રણ કાર અથડાતા ટ્રાફિક જામની સમસ્યા
