Historic Triumph: લોર્ડ્સ ક્રિકેટ ગ્રાઉન્ડના ૧૪૨ વર્ષના ઇતિહાસમાં જે સિદ્ધિ કોઈ નહોતું કરી શક્યું, તે સિદ્ધિ ભારતીય મહિલા ટીમે હાંસલ કરી છે. હરમનપ્રીત કૌરની આગેવાની હેઠળની ભારતીય મહિલા ટીમે લોર્ડ્સમાં રમાયેલી સૌપ્રથમ મહિલા ટેસ્ટ મેચમાં ઇંગ્લેન્ડને ૨૭૦ રનના વિશાળ અંતરથી હરાવીને ઇતિહાસ રચી દીધો છે. બેટિંગ, બોલિંગ અને ફિલ્ડિંગ એમ ત્રણેય વિભાગમાં ભારતનું પ્રદર્શન શાનદાર રહ્યું હતું.
Historic Triumph: મેચની મહત્વની ક્ષણો
- ઐતિહાસિક પદાર્પણ: ૧૮૮૪માં લોર્ડ્સમાં પુરુષોની પ્રથમ ટેસ્ટ રમાઈ હતી, પરંતુ મહિલા ટેસ્ટ માટે ૧૪૨ વર્ષની રાહ જોવી પડી હતી. આ ઐતિહાસિક મેચ ૧૦ જુલાઈ ૨૦૨૬ના રોજ ભારત અને ઇંગ્લેન્ડ વચ્ચે રમાઈ હતી.
- યસ્તિકા અને ક્રાંતિનું શાનદાર પ્રદર્શન: યસ્તિકા ભાટિયા લોર્ડ્સમાં સદી ફટકારનાર પ્રથમ મહિલા ટેસ્ટ ક્રિકેટર બની. જ્યારે, ક્રાંતિ ગૌડે પ્રથમ ઇનિંગમાં ૫ વિકેટ ઝડપીને આ મેદાન પર ૫ વિકેટ લેનાર પ્રથમ મહિલા બોલર બનવાનું બહુમાન મેળવ્યું. તેને ‘પ્લેયર ઓફ ધ મેચ’ જાહેર કરવામાં આવી હતી.
- મંધાનાનો ક્લાસ: વાઈસ કેપ્ટન સ્મૃતિ મંધાનાએ બંને ઇનિંગ્સમાં અડધી સદી (૮૩ અને ૭૦ રન) ફટકારીને ટીમને મજબૂત પાયો પૂરો પાડ્યો હતો.
Historic Triumph: મેચનો ઘટનાક્રમ
ભારતે પ્રથમ બેટિંગ કરતા ૨૮૫ રન બનાવ્યા હતા. જવાબમાં ઇંગ્લેન્ડની ટીમ ક્રાંતિ ગૌડની ઘાતક બોલિંગ સામે ૧૭૦ રનમાં સમેટાઈ ગઈ હતી. ભારતને ૧૧૫ રનની મહત્વની લીડ મળી હતી. બીજી ઇનિંગમાં ભારતે ૩૪૧ રન બનાવીને ઇંગ્લેન્ડ સામે ૪૫૭ રનનો વિશાળ ટાર્ગેટ મૂક્યો હતો. ચોથા દિવસે ભારતીય સ્પિનરો સ્નેહ રાણા, સાયલી સતઘારે, ક્રાંતિ ગૌડ અને દીપ્તિ શર્મા—સામે ઇંગ્લેન્ડની ટીમ માત્ર ૧૮૬ રનમાં ઓલઆઉટ થઈ ગઈ હતી.
Historic Triumph: સચિન તેંડુલકરની હાજરીથી વધ્યો ઉત્સાહ
ચોથા દિવસે મેચ શરૂ થાય તે પહેલાં ક્રિકેટના ભગવાન ગણાતા સચિન તેંડુલકરે ડ્રેસિંગ રૂમમાં પહોંચીને ભારતીય ખેલાડીઓનો ઉત્સાહ વધાર્યો હતો. દિગ્ગજ ખેલાડીનું પ્રોત્સાહન ટીમ માટે ખૂબ જ ખાસ સાબિત થયું હતું.
આ જીત સાથે ભારતીય મહિલા ટીમે ફરી એકવાર સાબિત કર્યું છે કે તેઓ વિશ્વ ક્રિકેટમાં કોઈનાથી કમ નથી.
વધુ સમાચાર વાંચવા માટે અંહી ક્લિક કરો
પાટણના હારીજમાં ‘ઝાપટપરા’નું નામ બદલાતા વિવાદ, સરકારી દસ્તાવેજોમાં ફેરફાર થતા સ્થાનિકોમાં રોષ
