Ceasefire Ends: વિશ્વ પર ફરી એકવાર મોટા યુદ્ધના વાદળો ઘેરાયા છે. અમેરિકી રાષ્ટ્રપતિ ડોનાલ્ડ ટ્રમ્પે નાટો (NATO) સમિટ દરમિયાન એક ચોંકાવનારી જાહેરાત કરતા જણાવ્યું છે કે, ઈરાન સાથે થયેલો યુદ્ધવિરામ કરાર (MoU) હવે સત્તાવાર રીતે સમાપ્ત થઈ ગયો છે. ટ્રમ્પે સ્પષ્ટ કર્યું છે કે હવે અમેરિકા ઈરાન સાથે કોઈ પણ પ્રકારની ડીલ કરવા માંગતું નથી.
અમેરિકી રાષ્ટ્રપતિએ કડક વલણ અપનાવતા કહ્યું, “અમે ગઈ રાત્રે જ ઈરાન પર જોરદાર જવાબી હુમલો કરીને તેમના ખતરનાક લોકોને ટાર્ગેટ કર્યા છે. હવેથી તેઓ જ્યારે પણ હુમલો કરશે, અમેરિકા તેનો બમણા વેગથી જવાબ આપશે.” ટ્રમ્પે ઉમેર્યું કે અમેરિકાનું અંતિમ લક્ષ્ય ઈરાનના પરમાણુ કાર્યક્રમને હંમેશા માટે ખતમ કરવાનું છે. આ સાથે જ તેમણે નાટો (NATO) ગઠબંધન સામે પણ નારાજગી વ્યક્ત કરી હતી કે દુનિયાના સૌથી મોટા આતંક સમર્થક દેશ વિરૂદ્ધ તેમણે અમેરિકાને પૂરતો સાથ આપ્યો નથી.
Ceasefire Ends: અમેરિકાની મોટી એરસ્ટ્રાઈક: 80 સૈન્ય ઠેકાણા તબાહ
અમેરિકી સેન્ટ્રલ કમાન્ડ (CENTCOM) ના જણાવ્યા અનુસાર, હોર્મુઝની ખાડીમાં જહાજો પર થયેલા હુમલાના જવાબમાં અમેરિકાએ ઈરાનના 80થી વધુ સૈન્ય ઠેકાણાઓ પર ભયાનક એરસ્ટ્રાઈક કરી છે. અમેરિકી વાયુસેનાએ ઈરાનના બંદર અબ્બાસમાં આવેલા શાહિદ હક્કાની પોર્ટ, સિરિક અને કેશ્મને મુખ્ય નિશાન બનાવ્યા હતા. હુમલામાં એર ડિફેન્સ સિસ્ટમ, કમાન્ડ સેન્ટર્સ, કોસ્ટલ રડાર, એન્ટી-શિપ મિસાઈલ સિસ્ટમ, ડ્રોન લોન્ચ સાઈટ્સ અને IRGCની 60થી વધુ મિલિટરી બોટ્સને નષ્ટ કરી દેવામાં આવી છે.
Ceasefire Ends: છેલ્લા 24 કલાકના 4 મોટા વૈશ્વિક અપડેટ્સ
- હોર્મુઝમાં 3 ટેન્કરો પર હુમલો: અયાતોલ્લાહ ખામેનીના અંતિમ સંસ્કાર વચ્ચે ઈરાને હોર્મુઝમાં કતરના એક જહાજ સહિત કુલ 3 ટેન્કરોને નિશાન બનાવ્યા અને ચેતવણી આપી કે જો તેમના રૂટનો ઉપયોગ નહીં થાય તો સુરક્ષાની કોઈ ગેરંટી નથી.
- કતરે કરી આકરી નિંદા: કતરે પોતાના જહાજ પર થયેલા હુમલા બાદ ઈરાનને આંતરરાષ્ટ્રીય દરિયાઈ સુરક્ષા માટે ખતરો ગણાવી કાયદેસર રીતે સંપૂર્ણ જવાબદાર ઠેરવ્યું છે.
- ઈરાનનો પલટવાર: ઈરાનના વિદેશ મંત્રી અબ્બાસ અરાઘચીએ જણાવ્યું કે, અમેરિકાની ધમકીઓ વચ્ચે કોઈ પણ વાટાઘાટો શક્ય નથી. પહેલા અમેરિકાએ જૂના કરારોનું સન્માન કરવું પડશે.
- ખામેનીના જનાજામાં ઉમટી લાખોની ભીડ: કોમ શહેરમાં ખામેનીની અંતિમ યાત્રામાં લાખો લોકો જોડાયા હતા. લોકોએ તાબૂત પર લાલ કપડું ચઢાવ્યું હતું, જે ઈસ્લામિક પરંપરામાં ‘બદલા’ (Revenge) નું પ્રતીક માનવામાં આવે છે.
Ceasefire Ends: આર્થિક મોરચે મોટો ઝટકો: ક્રૂડ ઓઈલ 6% ઉછળ્યું, શેરબજારો તૂટ્યા
ટ્રમ્પના આ આકરા વલણ અને યુદ્ધવિરામ તૂટવાના સમાચાર બાદ વૈશ્વિક બજારમાં ખળભળાટ મચી ગયો છે. બ્રેન્ટ ક્રૂડ ઓઈલની કિંમત 6% ના તોતિંગ ઉછાળા સાથે $78 પ્રતિ બેરલ પર પહોંચી ગઈ છે. બીજી તરફ, યુરોપિયન શેરબજારોમાં 1.6% નો મોટો ઘટાડો નોંધાયો છે. નિષ્ણાતોના મતે, જો આ તણાવ લાંબો ચાલશે તો વૈશ્વિક સ્તરે મોંઘવારી અને ઉર્જા પુરવઠા (Energy Supply) નું મોટું સંકટ ઊભું થઈ શકે છે.
વધુ સમાચાર વાંચવા માટે અંહી ક્લિક કરો
જંબુસરના કનગામમાં રાઠોડ સમાજના સ્મશાનમાં શેડનો અભાવ, ચોમાસામાં અંતિમ સંસ્કાર માટે ભારે હાલાકી
