Ambalal Patel Forecast: ગુજરાતમાં ચોમાસાની તોફાની એન્ટ્રી બાદ હવે આગામી દિવસો માટે હવામાન નિષ્ણાંત અંબાલાલ પટેલે ચિંતાજનક અને મોટી આગાહી કરી છે. આગામી બે દિવસ (૪૮ કલાક) રાજ્યના અનેક વિસ્તારોમાં ભારેથી અતિભારે વરસાદ થવાની સંભાવના છે. દક્ષિણ ગુજરાતમાં અનરાધાર વરસાદને કારણે પૂરની સ્થિતિ સર્જાઈ શકે છે, જ્યારે રાજ્યની નાની નદીઓ પણ પૂરના કારણે બે કાંઠે થઈ શકે છે.
Ambalal Patel Forecast: મધ્ય અને ઉત્તર ગુજરાતમાં મુશળધારની શક્યતા
અંબાલાલ પટેલના જણાવ્યા મુજબ, આગામી ૪૮ કલાક દરમિયાન અમદાવાદ અને ગાંધીનગરમાં ભારે વરસાદ ખાબકી શકે છે. આ ઉપરાંત ૬ જુલાઈ સુધીમાં વડોદરા અને તેની આસપાસના વિસ્તારોમાં ભારેથી અતિભારે વરસાદની સંભાવના છે. મધ્ય ગુજરાતના મહિસાગર અને પંચમહાલના ભાગોમાં પણ આભ વરસશે. જ્યારે ઉત્તર ગુજરાતના મહેસાણા, પાટણ, બનાસકાંઠા, સાબરકાંઠા અને અરવલ્લી જિલ્લાઓમાં પણ સારો વરસાદ થવાના યોગ છે.
Ambalal Patel Forecast: સૌરાષ્ટ્ર-કચ્છ અને દક્ષિણ ગુજરાતમાં એલર્ટ
- દક્ષિણ ગુજરાત: અહીં મેઘરાજા અનરાધાર વરસશે, જેને કારણે નદીઓમાં પૂર આવવાની પૂરેપૂરી શક્યતા છે.
- સૌરાષ્ટ્ર: ભાવનગર અને અમરેલીના ભાગોમાં ભારે વરસાદની શક્યતા છે. જ્યારે પોરબંદર અને જામનગરમાં સારો વરસાદ તથા ઉત્તર સૌરાષ્ટ્રમાં ભારે વરસાદી ઝાપટાં પડી શકે છે. આ ઉપરાંત હળવદ, ધ્રાંગધ્રા અને મોરબી પંથકમાં પણ મેઘમહેર જોવા મળશે.
- કચ્છ: કચ્છના જુદા જુદા ભાગોમાં પણ આગામી દિવસોમાં વરસાદની એન્ટ્રી થશે, જેનાથી જમીનના ભૂગર્ભ જળના તળ ઊંચા આવશે.
Ambalal Patel Forecast: બંગાળની ખાડીમાં નવી સિસ્ટમ અને નર્મદા ડેમમાં પાણીની આવક
હવામાન નિષ્ણાંતના મતે, ૬-૭ જુલાઈથી ઉત્તર ભારતમાં પણ વરસાદની ગતિ વધશે. સૌથી મહત્ત્વની વાત એ છે કે, ૮-૯ જુલાઈ દરમિયાન બંગાળના ઉપસાગર (Bay of Bengal) માં એક નવી મજબૂત વરસાદી સિસ્ટમ સક્રિય થઈ શકે છે, જેની અસરથી ગુજરાતમાં ફરી વરસાદનો નવો રાઉન્ડ શરૂ થશે. આ સિવાય મધ્યપ્રદેશમાં થનારા ભારે વરસાદને કારણે ગુજરાતની જીવાદોરી સમાન સરદાર સરોવર (નર્મદા) ડેમમાં પાણીની ધરખમ આવક નોંધાશે.
વધુ સમાચાર વાંચવા માટે અંહી ક્લિક કરો: મેઘરાજાની ધમાકેદાર બેટિંગ: ગુજરાતમાં ચોમાસાની જોરદાર એન્ટ્રી, માંગરોળમાં આભ ફાટ્યું, ૧૨ ઇંચથી વધુ વરસાદ!
