Stock Market Highlights: શેરબજારમાં ઉત્સાહ, સેન્સેક્સ 579 પોઈન્ટ ઉછળીને 77,502 પર બંધ, નિફ્ટી 24,170ને પાર; IT અને ઓટો શેરોમાં ધૂમ ખરીદી

Stock Market Highlights: ભારતીય શેરબજારમાં આજે સતત બીજા દિવસે શાનદાર તેજીનો માહોલ જોવા મળ્યો હતો. બજારમાં ઓલરાઉન્ડ ખરીદીના ટેકાને પગલે બીએસઈ (BSE) સેન્સેક્સ અને એનએસઈ (NSE) નિફ્ટી મજબૂત ઉછાળા સાથે બંધ રહ્યા હતા. આજના કારોબારના અંતે સેન્સેક્સ ૫૭૯ પોઈન્ટના આકર્ષક વધારા સાથે ૭૭,૫૦૨ ના સ્તરે બંધ થયો હતો. જ્યારે નિફ્ટી ઇન્ડેક્સ પણ ૧૭૦ પોઈન્ટની આગેકૂચ સાથે ૨૪,૧૭૬ ના સ્તર પર સ્થિર થયો હતો. આજના ટ્રેડિંગ સેશનમાં આઈટી (IT), ઓટોમોબાઈલ અને રિયલ્ટી સેક્ટરના શેરોમાં રોકાણકારોએ ભારે લેવાલી કરી હતી, જેને કારણે બજારને મોટો સપોર્ટ મળ્યો હતો.

ગઈકાલે ૧ જુલાઈએ પણ બજાર ગ્રીન ઝોનમાં બંધ રહ્યું હતું. ગત સેશનમાં સેન્સેક્સ ૪૪૩ પોઈન્ટ વધીને ૭૬,૯૨૨ અને નિફ્ટી ૧૪૦ પોઈન્ટ વધીને ૨૪,૦૦૫ ના સ્તરે બંધ આવ્યા બાદ આજે તેજીની રફતાર વધુ તેજ બની હતી.

Stock Market Highlights: વૈશ્વિક બજારોની સ્થિતિ પર એક નજર

એશિયન બજારોમાં આજે મિશ્ર વલણ જોવા મળ્યું હતું, જ્યારે યુએસ માર્કેટ્સમાં ગત રાત્રે સામાન્ય ઘટાડો નોંધાયો હતો:

એશિયન બજારો (મિશ્ર કારોબાર):

• કોસ્પી (સાઉથ કોરિયા): ૭૬૪૮ (-૬૫૫ પોઈન્ટ, -૭.૮૯%)
• નિકેઈ (જાપાન): ૬૮૭૩૩ (-૧૭૪૨ પોઈન્ટ, -૨.૪૭%)
• હેંગસેંગ (હોંગકોંગ): ૨૩૦૫૫ (+૧૭૪ પોઈન્ટ, +૦.૭૬%)

અમેરિકી બજાર (ગઈકાલનો ઘટાડો):

• ડાઉ જોન્સ: ૫૨૩૦૫ (-૧૪ પોઈન્ટ, -૦.૦૩%)
• નાસ્ડેક: ૨૬MD૦ (-૧૭૪ પોઈન્ટ, -૦.૬૬%)
• S&P 500: ૭૪૮૩ (-૧૬ પોઈન્ટ, -૦.૨૨%)

Stock Market Highlights: સ્થાનિક સંસ્થાગત રોકાણકારો (DII) એ બજારને સંભાળ્યું

બજારના આંકડા દર્શાવે છે કે વિદેશી રોકાણકારો (FIIs) ની સતત વેચવાલી છતાં ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DIIs) ની આક્રમક ખરીદીના કારણે ભારતીય બજાર વૈશ્વિક દબાણ સામે ટકી રહ્યું છે અને નવી ઊંચાઈઓ સર કરી રહ્યું છે. છેલ્લા ૭ દિવસમાં એફઆઈઆઈ દ્વારા આશરે ૩,૯૦૭ કરોડ રૂપિયાના શેર વેચવામાં આવ્યા છે.

નોંધ: ઉપરોક્ત FIIs અને DIIs ની નેટ ખરીદી (+) અને વેચાણ (-) ના આંકડા કરોડ રૂપિયામાં દર્શાવેલ છે.

આઈટી ક્ષેત્રની અગ્રણી કંપનીઓ અને ઓટો જાયન્ટ્સના ત્રિમાસિક પરિણામો પૂર્વે જોવા મળી રહેલી આ ખરીદીથી આગામી દિવસોમાં પણ માર્કેટમાં પોઝિટિવ ટ્રેન્ડ જળવાઈ રહે તેવી આશા વ્યક્ત કરવામાં આવી રહી છે.

વધુ સમાચાર વાંચવા માટે અંહી ક્લિક કરો

નવસારીના સાદડવેલ ગામે જનઆક્રોશ, ઇન્ડિયન પોટાશ લિમિટેડ કંપની સામે ગ્રામજનોનો હલ્લાબોલ, પ્રદૂષણના ભયે યોજી મહારેલી