Ayodhya Ram Mandir Theft Row: અયોધ્યાના ભવ્ય રામ મંદિરમાં ચઢાવાની રકમમાં આશરે ₹7 કરોડની ચોરીના મોટા દાવા બાદ ખળભળાટ મચી ગયો છે. આ મામલાની ગંભીરતાને જોતાં ઉત્તર પ્રદેશના મુખ્યમંત્રી યોગી આદિત્યનાથે તાત્કાલિક ધોરણે SIT (સ્પેશિયલ ઇન્વેસ્ટિગેશન ટીમ) ની રચના કરી દીધી છે. બીજી તરફ, તપાસ દરમિયાન મંદિરના જ એક કર્મચારીના ઘરેથી છાણના ઢગલામાં છુપાવેલા ₹10 લાખ રોકડા મળી આવતાં સનાતની આસ્થાના કેન્દ્ર સમાન આ પરિસરમાં મોટી હેરાફેરી થઈ હોવાની આશંકા પ્રબળ બની છે.
Ayodhya Ram Mandir Theft Row: મંદિર ટ્રસ્ટની માગ બાદ CM યોગી એક્શનમાં
શનિવારે રામ મંદિર ટ્રસ્ટ દ્વારા મુખ્યમંત્રી યોગી આદિત્યનાથ સમક્ષ આ સમગ્ર કૌભાંડની હાઈ-લેવલ તપાસ કરાવવાની માગ કરવામાં આવી હતી. ટ્રસ્ટની રજૂઆતના ગણતરીના કલાકોમાં જ મુખ્યમંત્રીએ 3 સભ્યોની ઉચ્ચ સ્તરીય SIT ની જાહેરાત કરી દીધી છે.
- SIT ના સભ્યો: લખનઉના કમિશનર વિજય વિશ્વાસ પંત (IAS), આઈજી રેન્જ કિરણ એસ. (IPS) અને વિશેષ સચિવ (નાણાં) નીલ રતન.
- તપાસની ડેડલાઈન: આ ટીમને 7 દિવસમાં પ્રારંભિક રિપોર્ટ અને 15 દિવસમાં ફાઈનલ ઓડિટ રિપોર્ટ સોંપવાનો કડક આદેશ આપવામાં આવ્યો છે.
Ayodhya Ram Mandir Theft Row: કર્મચારીના ઘરે છાણમાંથી નીકળી નોટોની થપ્પીઓ
આ કેસમાં સૌથી ચોંકાવનારો વળાંક ત્યારે આવ્યો જ્યારે અયોધ્યા પોલીસે મંદિરના 27 વર્ષીય કર્મચારી લવકુશ મિશ્રા ના ઘરે દરોડો પાડ્યો. તપાસ દરમિયાન તેના ઘરેથી ₹10 લાખની રોકડ રકમ રિકવર થઈ છે.
- અનોખી મોડસ ઓપરેન્ડી: પકડાઈ જવાના ડરથી આરોપીએ લાખોની રોકડ ઘરની બહાર છાણના ઢગલામાં અને કેટલીક રકમ બોક્સમાં છુપાવી રાખી હતી.
- પિતાની કબૂલાત: લવકુશના પિતાએ પણ મીડિયા સમક્ષ ઘરેથી મોટી રકમ મળી આવી હોવાની પુષ્ટિ કરી છે, જોકે આ પૈસા કોના છે તે અંગે સત્તાવાર ખુલાસો બાકી છે.
Ayodhya Ram Mandir Theft Row: સાળો-બનેવી પોલીસ કસ્ટડીમાં
સૂત્રોના જણાવ્યા અનુસાર, આરોપી લવકુશ મિશ્રા રામ મંદિરમાં શ્રદ્ધાળુઓ દ્વારા ચડાવવામાં આવતી દાનની રકમ ગણવાના કામમાં તૈનાત હતો.
- લવકુશને આ નોકરી તેના સસરાની ભલામણથી મળી હતી.
- તેનો સાળો અનુકલ્પ મિશ્રા પણ પહેલાથી જ મંદિરમાં ફરજ બજાવતો હતો. આ બંને શંકાસ્પદ સાળો-બનેવી હાલ પોલીસ કસ્ટડીમાં છે અને તેમની આકરી પૂછપરછ ચાલી રહી છે.
મોટો સવાલ: શું આ કરોડો રૂપિયાની ચોરી પાછળ કોઈ મોટું વ્યવસ્થિત રેકેટ કામ કરી રહ્યું હતું? SIT ની તપાસમાં આગામી દિવસોમાં વધુ મોટા નામો સામે આવે તેવી પૂરેપૂરી શક્યતા છે.
વધુ સમાચાર વાંચવા માટે અંહી ક્લિક કરો
